Templates by BIGtheme NET
Home >> LIFESTYLE >> ప్రెగ్నెన్సీ టైమ్‌లో మీ కడుపుపై వేరే వారు చేతులు పెడుతున్నారా..

ప్రెగ్నెన్సీ టైమ్‌లో మీ కడుపుపై వేరే వారు చేతులు పెడుతున్నారా..


తల్లి అవ్వడం అనేది ప్రతి ఒక్క మహిళ జీవితంలోనూ గొప్ప వరం. దీనికోసం ఎంతో మంది స్త్రీలు ఎదురుచూస్తుంటారు. వివాహం అయిందంటే చాలు.. తమ కడుపులో మరో ప్రాణాన్ని మోసేందుకు ఆరాటపడుతుంటారు. 9 నెలల బరువనైనా ప్రతి స్త్రీ ఆనందంగా అనుభవిస్తుంది.. తన జీవితంలోకి మరో ప్రాణాన్ని ఆహ్వానిస్తుంది. తన ప్రాణంలోనే ఊపిరిపోసుకుంటున్న మరో చిన్ని ప్రాణం గురించి కలలు కంటూ ఎప్పుడెప్పుడూ వారిని చూడాలా అని ఆరాట పడుతుంది. ఇలాంటి సమయంలో ప్రతి మహిళ కచ్చితమైన జాగ్రత్తలు తీసుకోవాలని చెబుతారు. అందులో కొన్నింటిని కొట్టి పారేసినప్పటికీ చాలా విషయాలు ఎంతో ముఖ్యమైనవి. అవేంటో ఇప్పుడు చూద్దాం..

ఇలాంటి విషయాలు మాట్లాడొద్దు..

గర్భం దాల్చింది మొదలు.. నెలలు గడిచేకొద్దీ బిడ్డ సైజు పరిమాణం వల్ల కొందరిలో వల్ల కొందరిలో కడుపు చూడ్డానికి చిన్నదిగా ఉంటుంది. అలా అని వారితో ఏంటి ఇంకా కడుపు ఇలానే ఉందంటూ మాట్లాడకూడదు. యాక్సిడెంట్స్, భయపెట్టే విషయాలు, చావు వార్తలు త్వరగా చెప్పడం మంచిది కాదు. వారి స్థితిని చూసి మెల్లిగా చెప్పాలి. ఎందుకంటే ఇలా సడెన్‌గా వారికి విషయాలు చెప్పడం వల్ల గర్భవతులు అవే ఆలోచనలతో ఉంటారు. ఇది వారి ఆరోగ్యం, పుట్టబోయే పిల్లలపై కూడా ప్రభావం చూపుతుంది.

దీంతో పాటు కొంతమంది సన్నిహితులు, స్నేహితులు.. గర్భంతో ఉన్నప్పుడు మీ కడుపును తాకొచ్చా అని చేతులు వేస్తుంటారు. ఒకటి, రెండు సార్లు ఇది మంచిదే కానీ, తరుచుగా చేయడం మంచిది కాదు. ఇది మూఢనమ్మకం అని కొట్టిపారేసే వీలు లేదు. ఇలా చేయడం సైన్స్ పరంగాను మంచిది కాదు. దీని వల్ల బిడ్డకు వారి స్పర్శ తెలుస్తుంది. గర్భంతో ఉన్నప్పుడు తల్లి స్పర్శే పుట్టబోయే పిల్లలకు ఎంతో ఆనందాన్ని ఇస్తుంది. కాబట్టి ఈ విషయాన్ని కచ్చితంగా గమనించాలి.

వీటితో పాటు మంచి ఆహారం తీసుకోవడం, సరైన వేళలో నిద్ర, వైద్యుల సూచనల మేరకు వ్యాయామం ఇలాంటివన్నీ కూడా ప్రెగ్నెంట్స్, పుట్టబోయే పిల్లలకు మంచి చేస్తాయి. కాబట్టి ఇలాంటి విషయాలన్ని ఆలోచించడం మంచిది.

ఎక్కువ సమయం కూర్చోవడం, నిల్చొని ఉండడం ఇలాంటి అన్ని విషయాల్లోనూ కచ్చితమైన జాగ్రత్తలు తీసుకోవాలి. సరైన పోషకాహారం తీసుకోవాలి. వీటితో పాటు ఇప్పుడు ఎన్నో ఆరోగ్య సమస్యలు వస్తున్నాయి కాబట్టి.. వాటిని కూడా దృష్టిలో పెట్టుకుని శుభ్రంగా ఉండడం అలవాటు చేసుకోవాలి. ఎప్పటికప్పుడు చేతులు కడుక్కోవడం వంటి కనీస జాగ్రత్తలు తీసుకోవాలి. ఇవన్ని కూడా మీరు మీతో పాటు మీకు పుట్టబోయే వారిని కూడా కాపడుకునేందుకు దోహదం చేసే అంశాలు. ఈ సమయంలో మహిళ ఎంత ఆనందంగా ఉంటే అంత మంచిది. ఇలాంటి విషయాలన్ని దృష్టిలో పెట్టుకోవడం ఎంతైనా అవసరమే.