అత్యంత ఆరోగ్యకరమైన ఆహారపదార్థాలు!

0




Healthiest-Foodsతీసుకునే ఆహారం మానవుడి ఆరోగ్యంలో ప్రముఖ పాత్ర పోషిస్తుంది. వ్యాధుల బారిన పడుకుండా ఉండాలంటే రోగనిరోధక శక్తిని పెంచే ఆహారాన్ని స్వీకరించాలి. వీటిని రోజువారీ ఆహార ప్రణాళికలో భాగం చేసుకోవాలి. అలాంటి పదార్థాలు ఏంటో తెలుసుకుని రోజూ వాటిని తప్పక తీసుకోవాలి.

సాల్మన్ ఫిష్‌లో ఒమేగా ఫ్యాటీయాసిడ్‌లు పుష్కలంగా ఉంటాయి. ఇవి శరీరంలోని చెడ్డ కొలేస్ట్రాల్‌ను తగ్గించడమే కాకుండా, మంచి కొవ్వు స్థాయిలను పెంచుతాయి. వీటిలోని ప్రోటీన్‌లు శరీరానికి అన్ని విధాలుగా సాయపడతాయి. అంతే కాకుండా సాల్మన్ ఫిష్‌తో అందం కూడా ఇనుమడిస్తుందట. దీన్ని వారంలో కనీసం మూడుసార్లయినా తప్పకుండా తినాలి.

రోజూ ఒక యాపిల్ తింటే, డాక్టర్‌తో పనే ఉండదని అంటారు. ఇది నిజమే, యాపిల్‌లో ఉండే ఫైబర్‌లు ఆకలిని నియంత్రిస్తాయి. దీనిలో పెప్టిన్, విటమిన్ సితోపాటు బి కాంప్లెక్స్ కూడా ఉంటాయి. శరీరానికి శక్తిని ఇవ్వడంతోపాటు ఫైటో కెమికల్స్ వ్యాధుల నుంచి కాపాడతాయి. కాబట్టి యాపిల్‌ను సూపర్ ఫుడ్‌గా పేర్కొంటారు.

బ్రకోలీలో సి విటమిన్ మొండుగా ఉండటమే కాదు, దీనిలో ప్రత్యేకమైన ఎంజైమ్స్ కూడా ఉంటాయి. శరీరంలో కేన్సర్ కణాల పెరుగుదలను నిరోధిస్తుంది. దీనిలో ఉండే ఫైబర్లు రక్తపోటును అదుపులో ఉంచి, గుండె సంబంధిత వ్యాధుల నుంచి రక్షిస్తుంది.

వాల్నట్స్‌లో మోనో స్యాచురేటేడ్ కొవ్వులు అధికంగా ఉంటాయి. ఇది గుండె సంబంధిత వ్యాధులను దూరంగా ఉంచుతుంది. వాల్నట్స్ వల్ల జీర్ణశక్తి మెరుగుపడటమే కాకుండా, లైంగిక వాంఛలను కూడా పెంచి సెక్స్ సంబంధిత సమస్యలను దూరం చేస్తుంది. మరో విశేషం ఏటంటే వీటిలో ఒమేగా ఫ్యాటీ యాసిడ్లు పుష్కంగా ఉంటాయి.