తెలుగు నౌ !

అప్పటి వరకు స్నేహం రుచి తెలిసిన మనసులకు ప్రేమ అనేది కొత్త పరిచయం. అప్పుడు వారి మానసిక స్థితి ఎలా ఉంటుంది? పరిసరాలు ప్రేమికులపై ప్రభావం చూపుతాయా? వంటి ఆసక్తికర విషయాలు మా చిత్రంలో చోటుచేసుకున్నాయి అని అంటున్నారు శివాజీ. ఆయన కథానాయకుడిగా నటించిన చిత్రం 'తాజ్‌మహల్‌'. శ్రుతి కథానాయిక. అరుణ్‌ సింగరాజు దర్శకుడు. ఇంజనీరింగ్‌ కళాశాల నేపథ్యంలో జరిగే కథ ఇది. నిర్మాత శివాజీ మాట్లాడుతూ ''అన్ని పనులు పూర్తయ్యాయి. త్వరలో చిత్రాన్ని విడుదల చేయడానికి సన్నాహాలు చేస్తున్నామ''ని అన్నారు. కోట శ్రీనివాసరావు, బ్రహ్మానందం, వేణుమాధవ్‌, నాజర్‌, ఎమ్మెస్‌ నారాయణ, సంగీత, ప్రగతి, కల్పన ఇతర పాత్రధారులు.