స్పెర్మ్ కౌంట్‌ను పెంచే ఆహారం

0




sperm-count-and-boost-your-జీవన శైలిలో వచ్చిన మార్పులతోపాటు తీసుకునే ఆహార అలవాట్లు కూడా సంతానోత్పత్తిపై ప్రభావం చూపుతున్నాయి. ఒకప్పుడు సంతాన లేమి అంటే కేవలం ఆడవారి సమస్య అనే అపోహ ఉండేది. మగవారి కారణంగానూ కొన్ని సందర్భాల్లో గర్భధారణ కష్టం అవుతోంది. పురుషుల్లో వీర్య కణాల సంఖ్య తక్కువగా ఉండటం అనేది ఇటీవలి కాలంలో ఎక్కువైంది. ప్రతి ఐదుగురిలో ఒకరికి స్పెర్మ్ కౌంట్ తక్కువగా ఉంటోంది. ప్రతి ఆరు జంటల్లో ఒక జంట గర్భధారణ విషయంలో ఇబ్బందులను ఎదుర్కొంటోంది. వీర్య పరిమాణం కంటే నాణ్యత ముఖ్యమనేది ఆరోగ్య నిపుణుల సలహా. కొన్ని రకాల ఆహార పదార్థాల ద్వారా స్పెర్మ్ క్వాలిటీ పెంచుకోవచ్చు. అవేంటో చూద్దాం..

మనం వంటల్లో విరివిగా వాడే టమాటాలు స్పెర్మ్ కౌంట్ పెంచుకోవడానికి ఉపకరిస్తాయి. వీటిలో ఉండే లైకోపిన్ వీర్య కణాల కదలికను, వాటి నిర్మాణాన్ని మెరుగుపరుస్తుంది. సలాడ్లు, ఇతర కూరగాయల్లో టమాటాలను భాగం చేసుకోవడం వల్ల వీర్య నాణ్యత పెరుగుతుంది. రోజూ టమాట సూప్ తాగడం వల్ల ఫలితం ఉంటుంది.

బ్లూ బెర్రీలను తీసుకోవడం వల్ల కూడా స్పెర్మ్ కౌంట్, క్వాలిటీ పెరుగుతాయి. వీటిని పెరుగులో కలిపి తీసుకోవచ్చు.

దానిమ్మ గింజలను రోజవారీ ఆహారంలో భాగం చేసుకోవడం వల్ల స్పెర్మ్ కౌంట్‌ను పెంచుకునే వీలుంది. టెస్టోస్టిరాన్ హర్మోన్ ఎక్కువ మొత్తంలో విడుదలయ్యేలా దానిమ్మ చూస్తుంది. లైంగిక సామర్థ్యం పెంపొందడానికి కూడా దానిమ్మ దోహదం చేస్తుంది. రోజుకో గ్లాసు దానిమ్మ రసం తీసుకుంటే చక్కటి ఫలితం కనిపిస్తుంది.

గుమ్మడి గింజలను ఆహారంగా తీసుకోవడం వల్ల కూడా ఫలితం ఉంటుంది. సలాడ్లు, స్మూతీల్లో వీటిని చేర్చి.. ఆహారంగా తీసుకుంటే వీర్యం వృద్ధి చెందుతుంది.

వీర్య కణాల సంఖ్యను పెంచడానికి ఉపయోగపడే మరో ముఖ్యమైన ఆహారం వాల్ నట్స్. వీటిని రోజూ తీసుకుంటే.. వీర్య కణాలు చురుగ్గా మారడంతోపాటు.. వాటి కదలిక వేగవంతం అవుతుంది. పరిమాణం కూడా పెరుగుతుంది. డార్క్ చాక్లెట్లను తినడం వల్ల స్పెర్మ్ కౌంట్ పెరుగుతుంది. పప్పు ధాన్యాలను (కందులు, మినుములు, శనగలు..) ఆహారంలో భాగం చేసుకోవడం ఫలితాన్నిస్తుంది. రోజూ లంచ్‌లో లేదా రాత్రి డిన్నర్‌లో భాగంగా పప్పులను తింటే స్పెర్మ్ కౌంట్ పెరుగుతుంది.