Templates by BIGtheme NET
Home >> Cinema News >> అనుష్క తో సెన్సేషనల్ స్టార్…?

అనుష్క తో సెన్సేషనల్ స్టార్…?


టాలీవుడ్ స్టార్ హీరోయిన్ అనుష్క ‘అరుంధతి’ ‘బాహుబలి’ ‘రుద్రమదేవి’ ‘భాగమతి’ వంటి లేడీ ఓరియెంటెడ్ సినిమాలతో సూపర్ సక్సెస్ అందుకుని తిరుగులేని క్రేజ్ ను సంపాదించుకుంది. కెరీర్ స్టార్టింగ్ నుంచి ఆచితూచి అడుగులు వేస్తూ వస్తున్న ఈ బొమ్మాళీ.. త్వరలోనే టాలీవుడ్ సెన్సేషనల్ స్టార్ తో కలిసి ఓ సినిమాలో నటించబోతోందట. అనుష్క ప్రధాన పాత్రలో నటించిన ‘నిశ్శబ్దం’ సినిమా ఇటీవలే తెలుగు తమిళ మలయాళ భాషల్లో ఓటీటీలో రిలీజ్ అయిన సంగతి తెలిసిందే. ఈ సినిమా ఓటీటీ ఆడియన్స్ నుంచి విశ్లేషకుల నుంచి మిశ్రమ స్పందన తెచ్చుకుంది. ఈ నేపథ్యంలో అనుష్క నెక్స్ట్ ప్రాజెక్ట్స్ విషయంలో మరిన్ని జాగ్రత్తలు తీసుకోనుంది. ఈ క్రమంలో అనుష్క రెండు న్యూ ప్రాజెక్ట్స్ కి సైన్ చేసినట్లు సమాచారం.

కాగా అనుష్క ఓ ప్రాజెక్ట్ కోసం విజయ్ దేవరకొండతో కలవనుందని ఫిలిం సర్కిల్స్ లో టాక్ నడుస్తోంది. డెబ్యూ డైరెక్టర్ చెప్పిన స్టోరీకి ఇంప్రెస్ అయిన అనుష్క – విజయ్ ఈ చిత్రానికి గ్రీన్ సిగ్నల్ ఇచ్చారని తెలుస్తోంది. ప్రస్తుతం పూరీ జగన్నాథ్ దర్శకత్వంలో ‘ఫైటర్’ అనే వర్కింగ్ టైటిల్ తో సినిమా తీస్తున్న విజయ్ దేవరకొండ.. రీసెంటుగా సుకుమార్ దర్శకత్వంలో ఓ సినిమా అనౌన్స్ చేశాడు. మరి ఇప్పుడు అనుష్క తో కలిసి చేయాల్సిన ప్రాజెక్ట్ ఎప్పుడు పట్టాలెక్కుతుందో చూడాలి. దీనికి సంబంధించిన మరిన్ని వివరాలు తెలియాలంటే అధికారిక ప్రకటన వచ్చే వరకు ఆగాల్సిందే.