Templates by BIGtheme NET
Home >> REVIEWS >> ఎన్టీఆర్ మ‌హానాయ‌కుడు రివ్యూ

ఎన్టీఆర్ మ‌హానాయ‌కుడు రివ్యూ


చిత్రం: ఎన్టీఆర్‌ మహానాయకుడు
నటీనటులు: బాలకృష్ణ, విద్యాబాలన్‌, రానా, ఆమని, కల్యాణ్‌రామ్‌, సుమంత్‌, భరత్‌రెడ్డి, దగ్గుబాటి రాజా, సచిన్‌ ఖేడ్కర్‌, సుప్రియ వినోద్‌, పూనమ్‌ బజ్వా, మంజిమా మోహన్‌, వెన్నెల కిషోర్‌, భానుచందర్‌, తదితరులు
సంగీతం: ఎం.ఎం.కీరవాణి
సినిమాటోగ్రఫీ: జ్ఞానశేఖర్‌ వీఎస్‌
ఎడిటింగ్‌: అర్రం రామకృష్ణ
సంభాషణలు: బుర్రా సాయిమాధవ్‌
నిర్మాత: నందమూరి బాలకృష్ణ, సాయి కొర్రపాటి, విష్ణు ఇందూరి
దర్శకత్వం: క్రిష్ జాగర్లమూడి
సంస్థ: ఎన్‌బీకే ఫిల్స్మ్‌, వారాహి చలన చిత్రం, విబ్రి మీడియా
విడుదల తేదీ: 22-02-2019

ఎన్టీఆర్ క‌థ‌ని చెప్ప‌డ‌మంటే మాట‌లా? క‌థానాయ‌కుడిగా ఆయ‌న ఎక్కిన శిఖ‌రాలు చూపించాలి. రాజ‌కీయ నేత‌గా ఆయ‌న చేసిన విజ‌య‌యాత్ర‌ని తెర‌పైకి ఎక్కించాలి. అదో సుదీర్ఘ ప్ర‌యాణం.. మ‌హా సంగ్రామం. అందుకే ఈ చిత్రాన్ని రెండు భాగాలుగా తీయాల‌ని సంక‌ల్పించారు బాల‌కృష్ణ – క్రిష్‌. క‌థానాయ‌కుడు ఈ సంక్రాంతికి విడుద‌లైంది. ఇప్పుడు ‘మ‌హా నాయ‌కుడు’ వంతు వ‌చ్చింది. క‌థానాయ‌కుడిగా ఎన్టీఆర్ సాధించిన అపూర్వ విజ‌యాల‌కు తొలి భాగం ప‌ట్టం క‌డితే.. మ‌హా నాయ‌కుడిగా ఆయ‌న సాగించిన జైత్ర యాత్ర‌కు ‘మ‌హానాయ‌కుడు’ ప‌ట్టం క‌ట్టింది. మ‌రి ఆ ఘ‌ట్టాన్ని క్రిష్ ఎంత స‌మ‌ర్థంగా తెర‌కెక్కించాడు? నంద‌మూరి తార‌క రామారావుగా బాల‌కృష్ణ ఏ స్థాయిలో రాణించాడు? చంద్రబాబు పాత్రలో రానా ఏవిధంగా ఆకట్టుకున్నారు? ‘మహానాయకుడు’తో ఎన్టీఆర్‌ జీవితం సంపూర్ణంగా ఆవిష్కృతమైందా?

క‌థ‌: ఇక కథలోకి వెళ్తే.. ఎన్టీఆర్ బాల్యం.. విద్యాభ్యాసం.. వివాహం.. సినీ ప్రస్థానం.. పొలిటికల్ ఎంట్రీ మొత్తాన్ని కేవలం 8 నిమిషాల టైటిల్ రన్ టైంలోనే చూపించి డైరెక్ట్‌గా ‘ఎన్టీఆర్ మహానాయకుడు’ అసలు కథలోకి తీసుకువెళ్లారు దర్శకుడు క్రిష్. ఎన్టీఆర్ కథానాయకుడు ఎండింగ్ పాయింట్‌తో మహానాయకుడు కథను మొదలౌతుంది.

ఎన్టీఆర్ రాజకీయాల్లోకి రావడం.. అనూహ్యంగా పార్టీ పెట్టిన 9 నెలల్లోనే అధికారాన్ని చేజిక్కించుకోవడం.. ప్రజాకర్షణ పథకాలతో విప్లవాత్మక మార్పులు తీసుకురావడం.. తరువాత అనూహ్య పరిణామాల మధ్య ఎన్టీఆర్‌ బాగా నమ్మిన ఆయన పార్టీకే చెందిన నాదెండ్ల భాస్కరరావు వెన్నుపోటు పొడిచి ఎన్టీఆర్‌కు సీఎం కుర్చీని దూరం చేయడం.. తిరిగి ఎన్టీఆర్ ఢిల్లీ స్థాయిలో పోరాడి రాష్ట్రపతిని కలిసి తిరిగి రెండోసారి సీఎం‌గా ప్రమాణ స్వీకారం చేయడం.. క్యాన్సర్‌తో పోరాడుతూ ఎన్టీఆర్‌ని ముఖ్యమంత్రిగా చూడాలని కలలు కన్న బసవతారకం చివరి కోరికను నెరవేర్చుకోవడంతో ‘మహానాయకుడు’ కథ ముగుస్తుంది. అయితే ఎన్టీఆర్ తిరిగి ముఖ్యమంత్రి పదవిని చేపట్టడం కోసం ఎలాంటి సవాళ్లను ఎదుర్కొన్నారు? వాటిలో చంద్రబాబు పాత్ర ఎంత? బసవతారకం పాత్రకు ఈ కథలో ఎంత ప్రాధాన్యత ఇచ్చారు? తొలిభాగంలో కొరవడిన ఎమోషన్స్‌ని రెండో భాగంలో క్యారీ చేయడంలో ఎంత వరకూ సక్సెస్ అయ్యారు లాంటివి తెరపై చూడాల్సిందే. 

ఎలా ఉందంటే: ఇది ఎన్టీఆర్ క‌థ అనేది ప‌క్క‌న పెట్టి చూస్తే… ఓ ర‌స‌వ‌త్త‌ర‌మైన రాజ‌కీయ చిత్రంగా ‘మ‌హానాయ‌కుడు’ని అభివ‌ర్ణించ‌వ‌చ్చు. ఓ క‌థానాయ‌కుడు పార్టీని స్థాపించ‌డం, ఆ మ‌రుస‌టి ఎన్నిక‌ల‌లోనే త‌న పార్టీని అధికారంలోకి తీసుకురావ‌డం, పైగా కేంద్రంలోని నిరంకుశ‌త్వ ధోర‌ణికి ఎదురొడ్డి పోరాటం చేయ‌డం ఇవ‌న్నీ అబ్బుర‌ప‌రుస్తాయి. నిజానికి ఇదంతా జ‌రుగుతుందా? సినిమా న‌టుల‌కు అంత శ‌క్తి ఉందా? అనిపిస్తుంది. కానీ ఇది చ‌రిత్ర‌. జ‌రిగిన వాస్త‌వం. కాబ‌ట్టి – ఆ ఉదంతాలు ఎన్టీఆర్‌లోని ప్ర‌బ‌ల‌మైన శ‌క్తిని నిద‌ర్శ‌నంగా నిలుస్తాయి.

అధికారంలోకి రాగానే ఎన్టీఆర్‌కి చాలా ఆటంకాలు ఏర్ప‌డ్డాయి. ప్ర‌భుత్వ ఉద్యోగుల ప‌ద‌వీ విర‌మ‌ణ వ‌య‌సుని త‌గ్గించ‌డంతో ఆయ‌న విమ‌ర్శ‌ల్ని ఎదుర్కోవాల్సి వ‌చ్చింది. ఆ ఉదంతాన్ని కూడా తెర‌పై చూపించ‌గ‌లిగారు. ఆ నిర్ణ‌యం ఎందుకు తీసుకోవాల్సివ‌చ్చింది? చేసిన పొర‌పాటుని గ్ర‌హించి మ‌ళ్లీ ఎందుకు వెన‌క‌డుగు వేయాల్సివ‌చ్చింది? అనేదానికీ ఈ సినిమాలో స‌మాధానాలు ఉన్నాయి. నాదెండ్ల భాస్క‌రరావు న‌మ్మించి ఎలా మోసం చేశారు? అధికార దాహంతో ఎన్టీఆర్‌ని సీఎం కుర్చీ నుంచి ఎలా దింపాల‌ని చూశారు? అనేది అస‌లు క‌థ‌. ఆ కుట్ర‌లు, కుతంత్రాల నేప‌థ్యంలో ద్వితీయార్ధాన్ని ఆస‌క్తిదాయ‌కంగా మ‌లిచాడు క్రిష్‌. కాంగ్రెస్ పార్టీలో ఉన్న చంద్ర‌బాబు తెలుగు దేశం పార్టీలోకి ఎందుకు చేరారు? దానికి గ‌ల కార‌ణాలేంటి? నాదెండ్ల భాస్క‌ర‌రావు ఎపిసోడ్‌లో ఎన్టీఆర్‌కి ఎదురైన అవ‌మానాలు, ఎం.ఎల్.ఏల‌ను దిల్లీకి తీసుకెళ్లి బ‌ల‌నిరూప‌ణ చేయ‌డం, ఇందిరాగాంధీ నియంతృత్వ విధానాల‌పై పోరాటం చేయ‌డం.. ఈ స‌న్నివేశాల‌న్నీ ర‌క్తిక‌ట్టిస్తాయి. ఈ సినిమా మొత్తం బ‌స‌వ‌తార‌కం కోణంలో సాగుతుంది. ఆమె మ‌ర‌ణమే.. ఎన్టీఆర్ క‌థ‌కు తుది అంకం.

ఎవ‌రెలా చేశారంటే..: యంగ్ ఎన్టీఆర్‌గా బాలకృష్ణ ఏంటి? అస్సలు మ్యాచ్ కాలేదు. మేకప్ ఏమాత్రం సూట్ కాలేదు.. ఇదీ ఎన్టీఆర్ కథానాయకుడు సినిమా చూసిన తరువాత చాలా మంది ప్రేక్షకులు భావన. అయితే ఎన్టీఆర్ మహానాయకుడు సినిమాలో వయసుకు తగ్గ పాత్రతో బాలయ్య బాగానే ఆకట్టుకున్నాడు. తెలుగు దేశం పార్టీ జెండాను రూపొందించినది మొదలు.. ఢిల్లీ స్థాయితో తెలుగోడి సత్తాని చాటి ముఖ్యమంత్రి పీఠాన్ని తిరిగి చేజిక్కించుకునే సీన్ వరకూ ఎన్టీఆర్ పాత్రలో పరకాయ ప్రవేశం చేయడానికి గట్టి ప్రయత్నమే చేశారు. ఎన్టీఆర్ పాత్రలో పరకాయ ప్రవేశం చేయలేకపోయినా పాత్రకు న్యాయం చేశారు. తొలిభాగంలో బాలయ్యలో ఎన్టీఆర్ కనిపించలేదు.. బాలయ్య మాత్రమే కనిపిస్తున్నాడంటూ వచ్చిన విమర్శలకు అడ్డుకట్ట వేయగలిగారు. కాషాయ వస్త్రాలు ధరించిన తరువాత నుండి పాత్రలో వేరియేషన్స్ చూపిస్తూ ఎమోషన్స్ పండించగలిగారు. ముఖ్యంగా అసెంబ్లీలో సొంత పార్టీకి చెందిన నాదెండ్ల అనుకూల వర్గం ఎన్టీఆర్‌ని నానా మాటలు అంటుంటే కోపాల్ని లోలోపలే ఉంచుకుని రగిలిపోయే సీన్‌లో బాలయ్య మెప్పించారు.

మరోవైపు బసవతారకం (విద్యాబాలన్)‌తో వచ్చే కాంబినేషన్ సీన్లలోనూ జీవించారు. బసవతారకానికి కాన్సర్ అని తెలిసి.. తనకు 12 మంది సంతానాన్ని ఇచ్చిందని తను లేకపోతే నేను లేను అంటూ హాస్పటల్‌లో డాక్టర్స్ వద్ద కన్నీళ్లు పెట్టుకునే సీన్‌లో బాలయ్య జీవించారు. ఇక ముఖ్యమంత్రి పదవి చేపట్టిన తరువాత అనూహ్య నిర్ణయాలు.. సంక్షేమ పథకాల అమలులో ఎన్టీఆర్ తీసుకున్న సాహసోపేత నిర్ణయాలు.. నాడు ఉద్యోగస్థుల నుండి ఎదురైన వ్యతిరేక పరిస్థితుల్ని కళ్లకు కట్టిచూపించారు. కిలో రెండు రూపాయిల బియ్యం, మహిళలకు ఆస్థి హక్కులో సమాన వాటా నిర్ణయాన్ని తన ఇంటి నుండే అమలు పరిచే సీన్ హైలైట్‌గా నిలిచింది. ఇక ఎన్నికల రిజల్ట్ అప్పుడు పార్టీ అభ్యర్ధులతో పాటు ప్రజలంతా ఆసక్తిగా ఎదురుచూస్తుంటే.. ఎన్టీఆర్ తన మనవలు, మనవరాల్లతో ఆడుకునే సీన్ రియాలిటీకి దూరంగా ఉంది. ఇలాంటి సీన్లు ‘మహానాయకుడు’లో చాలానే ఉన్నాయి.

ఇక కథలో కీలకమైన నాదెండ్ల భాస్కరరావు (సచిన్‌ కేద్కర్‌) కాంబినేషన్ సీన్లలో ఎన్టీఆర్ ఉగ్రరూపం దాల్చారు. మొదట తెలుగుదేశం పార్టీలో నెంబర్ 2 స్థానంలో కొనసాగిన నాదెండ్లను ‘మహానాయకుడు’ చిత్రంలో విలన్‌గా చూపించారు. మహానాయకుడు కథ మొత్తం ఈ పాత్ర చుట్టూనే టర్న్ అవుతోంది. పార్టీ సింబల్ దగ్గర నుండి అభ్యర్ధుల జాబితా.. రూట్ మ్యాప్ ఇలా పార్టీకి సంబంధించిన కీలక వ్యవహారాలన్నీ నాదెండ్ల చక్కబెట్టినట్టు చూపించినా.. చివరికి ముఖ్యమంత్రి పీఠం కోసం ఎన్టీఆర్‌ని పక్కనే ఉండి వెన్నుపోటు పొడిచిన పాత్రలో సచిన్ కేద్కర్ జీవించారు.

ఈ చిత్రంలో కీలకమైన మరో పాత్ర చంద్రబాబుని మిస్టర్ పర్ఫెక్ట్‌గా చూపించారు. మొదటి కాంగ్రెస్‌లో కీలకంగా ఉన్న చంద్రబాబు (రానా).. కొత్తగా స్థాపించిన తెలుగుదేశం పార్టీలో తన సొంత మామ ఎన్టీఆర్‌పై (బాలకృష్ణ) సై అని పార్టీ పెద్దలతో శెభాష్ అనిపించుకోవడం.. తరువాత టీడీపీ అభ్యర్థి చేతిలో ఘోరంగా ఓడిపోవడం.. అనంతరం ఎన్టీఆర్ కోరికపై పార్టీకి పెద పాలేరుగా ఉంటానని తెలుగుదేశం పార్టీలో జాయిన్ కావడం లాంటి సన్నివేశాలను ఆసక్తికరంగా చూపించారు. 

ఇక ఢిల్లీ పెద్దలతో తాడో పేడో తేల్చుకుంటానని ఎన్టీఆర్ హస్తినకు వెళ్లిన సందర్భంలో తెలుగుదేశం పార్టీ ఎమ్మెల్యేలు చెదిరిపోకుండా తన మైండ్ గేమ్‌తో కాపాడుకుంటూ వచ్చిన సీన్‌లు తెలుగు తమ్ముళ్లకు విపరీతంగా నచ్చేస్తాయి. ఒకవైపు ఎన్టీఆర్ ఢిల్లీతో పోరాడుతుంటే పార్టీని.. పార్టీ ఎమ్మెల్యేలు చెదిరిపోకుండా చంద్రబాబు వాళ్ళను ఢిల్లీకి తీసుకువెళ్లండం.. అక్కడ నుండి బెంగుళూరుకు లాంటి తరలించడం లాంటి వ్యూహాత్మక నిర్ణయాలతో చంద్రబాబుని హీరోగా చూపించారు. ట్రైన్‌లో తెలుగుదేశం ఎమ్మెల్యేలను ఢిల్లీ తరలిస్తున్న సీన్‌లో విలన్‌‌లతో చంద్రబాబు ఫైటింగ్‌కి దిగిన సీన్‌ని బట్టి ఆయన పాత్రలో హీరోయిజం ఏ రేంజ్‌లో ఉందో అర్ధం చేసుకోవచ్చు. చంద్రబాబు పాత్రలో రానా ఆకట్టుకునే ప్రయత్నం చేశారు. ఆయన మేనరిజంతో పాటు వాయిస్‌ని ఇమిటేట్ చేయడానికి బాగానే కష్టపడ్డాడు. అయితే తొలి నుండి చివరి వరకూ ఒకే రకమైన సీరియస్ ఎక్స్‌ప్రెషన్స్‌తో పాత రానాని గుర్తుచేశారు.

ఎన్టీఆర్ సతీమణి బసవతారకం పాత్రలో బాలీవుడ్ నటి విద్యాబాలన్ పరకాయ ప్రవేశం చేశారు. డిఫరెంట్ వేరియేషన్ చూపిస్తూ భావోద్వేగ సన్నివేశాల్ని రక్తికట్టించారు. 12 మంది సంతానికి తల్లిగా.. ఉత్తమ ఇల్లాలు పాత్రలో ఒదిగిపోయారు. ఇక ఎన్టీఆర్ చైతన్య రథ సారధిగా హరిక్రిష్ణ పాత్రలో కళ్యాణ్ రామ్ ఆకట్టుకున్నారు. తల్లి బసవతారకంతో వచ్చే ఎమోషన్ సీన్లలో రక్తికట్టించారు. ఆయనతో పాటు దగ్గుబాటి వెంకటేశ్వరరావు‌గా భరత్ రెడ్డి, నందమూరి త్రివిక్రమ్ రావుగా దగ్గుబాటి రాజా, అక్కినేని నాగేశ్వరరావుగా సుమంత్, ఇందిరా గాంధీగా సుప్రియా వినోద్, నారా భువనేశ్వరిగా మంజిమ మోహన్, పురుంధేశ్వరిగా హిమాన్సి చౌదరి తదితర భారీ తారాగణం పాత్రలకు న్యాయం చేశారు.

బ‌లాలు
+ బాల‌కృష్ణ – విద్యాబాల‌న్‌
+ భావోద్వేగాలు
+ పొలిటిక‌ల్ డ్రామా

బ‌ల‌హీన‌త‌లు
– ఎన్టీఆర్ చివ‌రి మ‌జిలీని విస్మ‌రించ‌డం

చివ‌రిగా: ఈ సినిమాలో కథ కంటే కథానానికే ఎక్కవ ప్రాధాన్యం ఉండటంతో అనవసరమైన హంగామాకి పోకుండా కథ సైడ్ ట్రాక్‌కి వెళ్లకుండా చెప్పాల్సి విషయానికి సూటిగా రేసీ స్క్రీన్ ప్లేతో కథను నడిపించాడు క్రిష్. ఇక ఈ చిత్రంలో కీరవాణి అందించిన బ్యాగ్రౌండ్ మ్యూజిక్‌‌తో పాటు పాటలు సినిమాకి ప్లస్ అయ్యాయి. బొర్రా సాయి మాధవ్ రాసిన సంభాషణలు కథకు హెల్ప్ అయ్యాయి. అతిశయోక్తులు లేకుండా కథానుగుణంగా సాయి మాధవ్ రాసిన మాటలు బాగా పేలాయి. ‘నిశబ్దాన్ని చేతగాని తనం అనుకోవద్దు.. మౌనం మారణాయుధంతో సమానం అని మరిచిపోవద్దు’, ‘నేను రాజకీయాలు చేయడానికి రాలేదు. మీ గడపలకు పసుపునై బతకడానికి వచ్చాను’ లాంటి డైలాగ్స్‌కి క్లాప్స్ పడ్డాయి. ఈ సినిమాకు నిడివి రెండుగంటలే కావడంతో చెప్పాల్సిన విషయాన్ని సూటిగా సుత్తిలేకుండా చెప్పేశారు. టెక్నికల్ పరంగా ఎన్‌బీకే బ్యానర్‌లో బాలయ్య నిర్మాణ విలువలు బాగున్నాయి. జ్ఞాన శిఖర్ సినిమాటోగ్రఫీ బాగుంది. బహిరంగ సభలు.. క్రౌడ్ షాట్స్ చాలా రిచ్‌గా చూపించారు.

అయితే ‘మహానాయకుడు’ సినిమా ఎన్టీఆర్ బయోపిక్ కాబట్టి ఆయన బాల్యం నుండి మరణం వరకూ అన్నీ ఉంటాయని ప్రేక్షకులు భావించారు. దీనికితోడు ఆయన నాదెండ్లతో విభేదించి తిరిగి ముఖ్యమంత్రి పీఠాన్ని చేజిక్కించుకోవడంతోనే కథను ఆపేశారు. ఆ తరువాత ఎన్టీఆర్ జీవితంలో కీలక పరిణామాలు చోటుచేసుకోవడం.. అల్లుడు చంద్రబాబు పార్టీలో కీలకంగా మారడం.. ఇందులో లక్ష్మీ పార్వతి అంశం కూడా కీలకమే. వీటిని ఏ మాత్రం టచ్ చేయకుండా కేవలం నాదెండ్ల, ఢిల్లీతో పొలిటికల్ వార్‌నే ‘మహానాయకుడు’గా చూపించారు క్రిష్. ఫ్యూచర్‌లో పాలిటిక్స్ డిమాండ్ చేస్తే.. ఎన్టీఆర్ కథానాయకుడు, ఎన్టీఆర్ మహానాయకుడు చిత్రాలకు కొనసాగింపుగా పార్ట్ త్రీ తీసే ఉద్దేశం ఉందేమో చూడాలి. ‘మ‌హానాయ‌కుడు’ కుటుంబ – రాజ‌కీయ చిత్రం

చిత్రం: ఎన్టీఆర్‌ మహానాయకుడు నటీనటులు: బాలకృష్ణ, విద్యాబాలన్‌, రానా, ఆమని, కల్యాణ్‌రామ్‌, సుమంత్‌, భరత్‌రెడ్డి, దగ్గుబాటి రాజా, సచిన్‌ ఖేడ్కర్‌, సుప్రియ వినోద్‌, పూనమ్‌ బజ్వా, మంజిమా మోహన్‌, వెన్నెల కిషోర్‌, భానుచందర్‌, తదితరులు సంగీతం: ఎం.ఎం.కీరవాణి సినిమాటోగ్రఫీ: జ్ఞానశేఖర్‌ వీఎస్‌ ఎడిటింగ్‌: అర్రం రామకృష్ణ సంభాషణలు: బుర్రా సాయిమాధవ్‌ నిర్మాత: నందమూరి బాలకృష్ణ, సాయి కొర్రపాటి, విష్ణు ఇందూరి దర్శకత్వం: క్రిష్ జాగర్లమూడి సంస్థ: ఎన్‌బీకే ఫిల్స్మ్‌, వారాహి చలన చిత్రం, విబ్రి మీడియా విడుదల తేదీ: 22-02-2019 ఎన్టీఆర్ క‌థ‌ని చెప్ప‌డ‌మంటే మాట‌లా? క‌థానాయ‌కుడిగా ఆయ‌న ఎక్కిన శిఖ‌రాలు చూపించాలి. రాజ‌కీయ నేత‌గా ఆయ‌న చేసిన విజ‌య‌యాత్ర‌ని తెర‌పైకి ఎక్కించాలి. అదో సుదీర్ఘ ప్ర‌యాణం.. మ‌హా సంగ్రామం. అందుకే ఈ చిత్రాన్ని రెండు భాగాలుగా తీయాల‌ని సంక‌ల్పించారు బాల‌కృష్ణ - క్రిష్‌. క‌థానాయ‌కుడు ఈ సంక్రాంతికి విడుద‌లైంది. ఇప్పుడు ‘మ‌హా నాయ‌కుడు’ వంతు వ‌చ్చింది. క‌థానాయ‌కుడిగా ఎన్టీఆర్ సాధించిన అపూర్వ విజ‌యాల‌కు తొలి భాగం ప‌ట్టం క‌డితే.. మ‌హా నాయ‌కుడిగా ఆయ‌న సాగించిన జైత్ర యాత్ర‌కు ‘మ‌హానాయ‌కుడు’ ప‌ట్టం క‌ట్టింది. మ‌రి ఆ ఘ‌ట్టాన్ని క్రిష్ ఎంత స‌మ‌ర్థంగా తెర‌కెక్కించాడు? నంద‌మూరి తార‌క రామారావుగా బాల‌కృష్ణ ఏ స్థాయిలో రాణించాడు? చంద్రబాబు పాత్రలో రానా ఏవిధంగా ఆకట్టుకున్నారు? ‘మహానాయకుడు’తో ఎన్టీఆర్‌ జీవితం సంపూర్ణంగా ఆవిష్కృతమైందా? క‌థ‌: ఇక కథలోకి వెళ్తే.. ఎన్టీఆర్ బాల్యం.. విద్యాభ్యాసం.. వివాహం.. సినీ ప్రస్థానం.. పొలిటికల్ ఎంట్రీ మొత్తాన్ని కేవలం 8 నిమిషాల టైటిల్ రన్ టైంలోనే చూపించి డైరెక్ట్‌గా ‘ఎన్టీఆర్ మహానాయకుడు’ అసలు కథలోకి తీసుకువెళ్లారు దర్శకుడు క్రిష్. ఎన్టీఆర్ కథానాయకుడు ఎండింగ్ పాయింట్‌తో మహానాయకుడు కథను మొదలౌతుంది. ఎన్టీఆర్ రాజకీయాల్లోకి రావడం.. అనూహ్యంగా పార్టీ పెట్టిన 9 నెలల్లోనే అధికారాన్ని చేజిక్కించుకోవడం.. ప్రజాకర్షణ పథకాలతో విప్లవాత్మక మార్పులు తీసుకురావడం.. తరువాత అనూహ్య పరిణామాల మధ్య ఎన్టీఆర్‌ బాగా నమ్మిన ఆయన పార్టీకే చెందిన నాదెండ్ల భాస్కరరావు వెన్నుపోటు పొడిచి ఎన్టీఆర్‌కు సీఎం కుర్చీని దూరం చేయడం.. తిరిగి ఎన్టీఆర్ ఢిల్లీ స్థాయిలో పోరాడి రాష్ట్రపతిని కలిసి తిరిగి రెండోసారి సీఎం‌గా ప్రమాణ స్వీకారం చేయడం.. క్యాన్సర్‌తో పోరాడుతూ ఎన్టీఆర్‌ని ముఖ్యమంత్రిగా చూడాలని కలలు కన్న బసవతారకం చివరి కోరికను నెరవేర్చుకోవడంతో ‘మహానాయకుడు’ కథ ముగుస్తుంది. అయితే ఎన్టీఆర్ తిరిగి ముఖ్యమంత్రి పదవిని చేపట్టడం కోసం ఎలాంటి సవాళ్లను ఎదుర్కొన్నారు? వాటిలో చంద్రబాబు పాత్ర ఎంత? బసవతారకం పాత్రకు ఈ కథలో ఎంత ప్రాధాన్యత ఇచ్చారు? తొలిభాగంలో కొరవడిన ఎమోషన్స్‌ని రెండో భాగంలో క్యారీ చేయడంలో ఎంత వరకూ సక్సెస్ అయ్యారు లాంటివి తెరపై చూడాల్సిందే.  ఎలా ఉందంటే: ఇది ఎన్టీఆర్ క‌థ అనేది ప‌క్క‌న పెట్టి చూస్తే... ఓ ర‌స‌వ‌త్త‌ర‌మైన రాజ‌కీయ చిత్రంగా ‘మ‌హానాయ‌కుడు’ని అభివ‌ర్ణించ‌వ‌చ్చు. ఓ క‌థానాయ‌కుడు పార్టీని స్థాపించ‌డం, ఆ మ‌రుస‌టి ఎన్నిక‌ల‌లోనే త‌న పార్టీని అధికారంలోకి తీసుకురావ‌డం, పైగా కేంద్రంలోని నిరంకుశ‌త్వ ధోర‌ణికి ఎదురొడ్డి పోరాటం చేయ‌డం ఇవ‌న్నీ అబ్బుర‌ప‌రుస్తాయి. నిజానికి ఇదంతా జ‌రుగుతుందా? సినిమా న‌టుల‌కు అంత శ‌క్తి ఉందా? అనిపిస్తుంది. కానీ ఇది చ‌రిత్ర‌. జ‌రిగిన వాస్త‌వం. కాబ‌ట్టి - ఆ ఉదంతాలు ఎన్టీఆర్‌లోని ప్ర‌బ‌ల‌మైన శ‌క్తిని నిద‌ర్శ‌నంగా నిలుస్తాయి. అధికారంలోకి రాగానే ఎన్టీఆర్‌కి చాలా ఆటంకాలు ఏర్ప‌డ్డాయి. ప్ర‌భుత్వ ఉద్యోగుల ప‌ద‌వీ విర‌మ‌ణ వ‌య‌సుని త‌గ్గించ‌డంతో ఆయ‌న విమ‌ర్శ‌ల్ని ఎదుర్కోవాల్సి వ‌చ్చింది. ఆ ఉదంతాన్ని కూడా తెర‌పై చూపించ‌గ‌లిగారు. ఆ నిర్ణ‌యం ఎందుకు తీసుకోవాల్సివ‌చ్చింది? చేసిన పొర‌పాటుని గ్ర‌హించి మ‌ళ్లీ ఎందుకు వెన‌క‌డుగు వేయాల్సివ‌చ్చింది? అనేదానికీ ఈ సినిమాలో స‌మాధానాలు ఉన్నాయి. నాదెండ్ల భాస్క‌రరావు న‌మ్మించి ఎలా మోసం చేశారు? అధికార దాహంతో ఎన్టీఆర్‌ని సీఎం కుర్చీ నుంచి ఎలా దింపాల‌ని చూశారు? అనేది అస‌లు క‌థ‌. ఆ కుట్ర‌లు, కుతంత్రాల నేప‌థ్యంలో ద్వితీయార్ధాన్ని ఆస‌క్తిదాయ‌కంగా మ‌లిచాడు క్రిష్‌. కాంగ్రెస్ పార్టీలో ఉన్న చంద్ర‌బాబు తెలుగు దేశం పార్టీలోకి ఎందుకు చేరారు? దానికి గ‌ల కార‌ణాలేంటి? నాదెండ్ల భాస్క‌ర‌రావు ఎపిసోడ్‌లో ఎన్టీఆర్‌కి ఎదురైన అవ‌మానాలు, ఎం.ఎల్.ఏల‌ను దిల్లీకి తీసుకెళ్లి బ‌ల‌నిరూప‌ణ చేయ‌డం, ఇందిరాగాంధీ నియంతృత్వ విధానాల‌పై పోరాటం చేయ‌డం.. ఈ స‌న్నివేశాల‌న్నీ ర‌క్తిక‌ట్టిస్తాయి. ఈ సినిమా మొత్తం బ‌స‌వ‌తార‌కం కోణంలో సాగుతుంది. ఆమె మ‌ర‌ణమే.. ఎన్టీఆర్ క‌థ‌కు తుది అంకం. ఎవ‌రెలా చేశారంటే..: యంగ్ ఎన్టీఆర్‌గా బాలకృష్ణ ఏంటి? అస్సలు మ్యాచ్ కాలేదు. మేకప్ ఏమాత్రం సూట్ కాలేదు.. ఇదీ ఎన్టీఆర్ కథానాయకుడు సినిమా చూసిన తరువాత చాలా మంది ప్రేక్షకులు భావన. అయితే ఎన్టీఆర్ మహానాయకుడు సినిమాలో వయసుకు తగ్గ పాత్రతో బాలయ్య బాగానే ఆకట్టుకున్నాడు. తెలుగు దేశం పార్టీ జెండాను రూపొందించినది మొదలు.. ఢిల్లీ స్థాయితో తెలుగోడి సత్తాని చాటి ముఖ్యమంత్రి పీఠాన్ని తిరిగి చేజిక్కించుకునే సీన్ వరకూ ఎన్టీఆర్ పాత్రలో పరకాయ ప్రవేశం చేయడానికి గట్టి ప్రయత్నమే చేశారు. ఎన్టీఆర్ పాత్రలో పరకాయ ప్రవేశం చేయలేకపోయినా పాత్రకు న్యాయం చేశారు.…

ఎన్టీఆర్ మ‌హానాయ‌కుడు రివ్యూ

కథ స్క్రీన్ ప్లే - 2.5
నటీ-నటుల ప్రతిభ - 3.75
సాంకేతిక వర్గం పనితీరు - 3.75
దర్శకత్వ ప్రతిభ - 2.75

3.2

ఎన్టీఆర్ మ‌హానాయ‌కుడు రివ్యూ

ఎన్టీఆర్ మ‌హానాయ‌కుడు రివ్యూ

User Rating: 2.9 ( 1 votes)
3