జన్మ నక్షత్రం ప్రకారం ఈ వృత్తులను ఎంపిక చేసుకుంటే..

0




choose a profession according to birth starహిందూ జ్యోతిషం ప్రకారం జన్మ నక్షత్రం ప్రభావం జీవితంపై ఉంటుంది. నక్షత్ర మండలం నేరుగా చంద్రుడితో సంబంధమై ఉంటుంది. 28 నక్షత్రాలు (కొన్ని సందర్భాల్లో 27 గా పేర్కొంటారు) రవిమార్గంలో పయనిస్తాయట. వేదిక్ ఆస్ట్రాలజీ ప్రకారం నక్షత్రాల సహాయంతో భవిష్యత్తు గురించి ఊహించి, విశ్లేషిస్తారు. వ్యక్తులు వారి జన్మ నక్షత్రాలను బట్టి కెరీర్‌ను ఎంపిక చేసుకుంటే బ్రహ్మాండంగా ఉంటుందని పండితులు పేర్కొంటున్నారు.

భరణి నక్షత్రంలో జన్మించిన వ్యక్తులు టెక్నికల్, పోలీస్ ఫోర్స్, కస్టమ్ డ్యూటీ, అగ్రికల్చర్ బిజినెస్, న్యాయవాద వృత్తిలో రాణిస్తారట. కాబట్టి వీటిని ఎంపిక చేసుకుంటే అనుకూలంగా ఉంటుందట.

కృత్తిక జన్మ నక్షత్రం వ్యక్తులు హాస్పిటాలిటీ ఇండస్ట్రీ, ఆభరణాలు తయారీ రంగంలోనూ, మతపరమైన ఉపాధ్యాయులుగానూ, మంచి జ్యోతిషులుగానూ గుర్తింపు పొందుతారట.

రోహిణి నక్షత్రంలో పుట్టిన వాళ్లు రవాణా, పశువైద్యం, వ్యవసాయం, కంటి నిపుణులు, రైతులుగానూ రాణిస్తారట.

మృగ‌శిర‌ నక్షత్రంలో జన్మించిన వ్యక్తులు పెర్ఫ్యూమ్ ఇండస్ట్రీ, ఫారెస్ట్ అగ్రికల్చర్, సంగీత విద్యాంసులు, అధ్యాపక, ఆర్కిటెక్ట్, ఇంటీరియర్ డిజైన్ వృత్తి అనుకూలంగా ఉంటుందట.

ఆరుద్ర జన్మ నక్షత్రం అయితే జ్యోతిషం, క్షుద్ర శాస్త్రం, హస్తముద్రికా శాస్త్రంలో నిష్ణాతులు అవుతారట. అలాగే మైండ్ రీడింగ్ చేయగలిగి, ఇతరులకు సహాయ పడతారట.

పునర్వసు నక్షత్రంలో పుడితే గొప్ప శిల్పిగానూ, మెకానిక్‌గానూ, ఆహార ఉత్పత్తుల పరిశ్రమల యజమానులగానూ, హోటల్ యజమానులగానూ రాణిస్తారట. పుట్టుకతోనే వీరికి హోమ్ మేనేజ్‌మెంట్ నైపుణ్యాలు ఉంటాయట.

పుష్యమి నక్షత్రంలో పుట్టిన వ్యక్తులు గొప్ప రాజకీయ నాయకులుగానూ, పవిత్రమైన యోగిగానూ, నాయకులుగానూ ఎదుగుతారట. వీరికి ప్రజలతో మంచి సంబంధాలు ఉంటాయట. అంతేకాదు మంచి సంధానకర్తలుగానూ, ఉపాధ్యాయులుగానూ రాణిస్తారట.

ఆశ్లేష జన్మ నక్షత్రం అయితే ఫైనాన్స్, షేర్ మార్కెట్, ఫార్మ, న్యాయవాది, జాతి రాళ్ల వ్యాపారాల్లో మంచి గుర్తింపు పొందుతారట. సినిమా రంగంలోనూ తనదైన ముద్రవేయగలరట.

మఘా నక్షత్రంలో జన్మించిన వ్యక్తులు గొప్ప వైద్యులుగా ముఖ్యంగా చర్మవ్యాధులు, స్త్రీల సంబంధ వ్యాధుల నిపుణులుగానూ మంచి పేరు సంపాదిస్తారట. విద్యా రంగంలోనూ మంచి పేరు లభిస్తుందట.

పూర్వ ఫాల్గుని నక్షత్రంలో పుట్టిన వ్యక్తులు మంచి సంగీత విద్యాంసులగానూ, ఆర్టిస్ట్, శిల్పి, డ్యాన్సర్, మ్యారెజ్ కౌన్సెలర్, లాయర్, ఫైన్ ఆర్ట్స్‌లో గుర్తింపు పొందుతారట.

ఉత్తర ఫాల్గుని జన్మ నక్షత్రం అయితే మంచి ఆర్కెటక్ట్, న్యాయవాది, పోలీస్ అధికారి, ఫైర్‌మెన్, స్కల్ప్చర్‌గా రాణిస్తారట. పెయింటింగ్‌లోనూ నేర్పరులేనట.

హస్త నక్షత్రంలో జన్మిస్తే వస్త్ర, ఆభరణాలు, ఆహార పదార్థాల వ్యాపారులుగానూ, హోటల్, స్కల్ప్చర్‌గానూ పేరు గడిస్తారట. డిజైనింగ్, క్రియోటివ్ అంశాల్లోనూ వీరి మార్క్ ఉంటుందట.

చిత్త నక్షత్రంలో పుట్టిన వాళ్లు ఎలక్ట్రీషియన్, బ్యాంక్ అకౌంటెంట్, హోమ్ డెకరేటర్స్, పాత్రికేయులుగానూ రాణిస్తారట. రైటింగ్, డిజైనింగ్ రంగాల్లోనూ వీరికి ప్రత్యేకత ఉంటుందట.