AP Election Results 2019 LIVE

ప్రపంచంలో ఇదే అత్యంత ధనిక కంపెనీ!

0

యాపిల్, అమెజాన్ కంపెనీల గురించి దాదాపు ప్రతి ఒక్కరికీ తెలిసే ఉంటుంది. టాప్ టెక్ దిగ్గజ కంపెనీలు ఇవి. అలాంటిది ఈ కంపెనీలను కూడా దాటేసింది సౌదీ అరేబియాకు చెందిన ఆయిల్ దిగ్గజం ఆరామ్‌కో. ఈ ప్రపంచంలోనే అత్యంత ధనిక కంపెనీ ఇది. లాభదాయకత విషయంలోనూ ఈ కంపెనీని మించిన కంపెనీ మరొకటి లేదు.

ఆరామ్‌‌కో నికర ఆదాయం గతేడాది 111.1 బిలియన్ డాలర్లు. లండన్ స్టాక్ ఎక్స్చేంజ్‌కు తెలియజేసిన వివరాల్లో ఈ విషయం వెల్లడైంది. గతేడాది యాపిల్ నికర ఆదాయం 60 బిలియన్ డాలర్లు. ఇక అమెజాన్ నికర ఆదాయం 10 బిలియన్ డాలర్లు.

సాధారణగా ఆరామ్‌కో తన ఆర్థిక అంశాలను బహిర్గతం చేయదు. అయితే ఈ కంపెనీ అంతర్జాతీయ బాండ్ మార్కె్ట్లోకి ఎంట్రీ ఇచ్చేందుకు రెడీ అయ్యింది. దీంతో ఈ విషయాలు వెల్లడించాల్సి వచ్చింది. ఈ కంపెనీ త్వరలోనే 10 బిలియన్ డాలర్ల విలువైన బాండ్లను జారీ చేయనుంది. సౌదీ పెట్రో కెమికల్స్ సంస్థ సబిక్‌లో వాటా కొనుగోలుకు ఈ మొత్తాన్ని వినియోగించనుంది.

ఆరామ్‌కో భవిష్యత్ ప్రధానంగా మూడిచమురుపైనే ఆధారపడి ఉంటుంది. క్రూడ్ ధర పెరిగితే అదిరిపోయే లాభాలు వస్తాయి. అదే పడిపోతే నష్టాలు తప్పవు. 2016లో క్రూడ్ ధర బ్యారెల్‌కు 45 డాలర్లకు తగ్గింది. దీంతో కంపెనీకి చాలా నష్టాలు వచ్చాయి. ఇకపోతే కంపెనీ ఈ ఏడాది ఐపీవోకు వచ్చే అవకాశముంది.




Please Read Disclaimer