ఏపీ కేబినెట్ నిర్ణయాలు.. రైతులు, డ్వాక్రా మహిళలకు శుభవార్త

0

ఏపీ ప్రభుత్వం రైతులు, డ్వాక్రా మహిళలు, ప్రభుత్వ ఉద్యోగులకు శుభవార్త చెప్పింది. రైతులకు పెట్టుబడి సాయం.. డ్వాక్రా మహిళలకు స్మార్ట్ ఫోన్లతో పాటూ ఉద్యోగులకు ఇంటి స్థలం కేటాయించేందుకు ఆమోదం తెలిపింది. బుధవారం అమరావతిలో ముఖ్యమంత్రి చంద్రబాబు అధ్యక్షతన సమావేశమైన మంత్రివర్గం పలు కీలక నిర్ణయాలు తీసుకుంది.

ఫిబ్రవరి చివరి వారంలో అన్నదాత సుఖీభవ చెక్కులు పంపిణీ చేయాలని కేబినెట్ నిర్ణయించింది. ఖరీఫ్, రబీలో ఒక్కో సీజన్‌కు రైతులకు రూ.5వేలు సాయం అందించనున్నారు. అలాగే కౌలు రైతులకు పెట్టుబడి సాయం అందించేందుకు తీర్మానించారు. ఇక రైతు రుణమాఫీ చెల్లింపులు కూడా వెంటనే చేయాలని కేబినెట్‌లో నిర్ణయం తీసుకున్నారు. ఇక డ్వాక్రా మహిళకు స్మార్ట్ ఫోన్లతో పాటూ సిమ్ కార్డు.. మూడేళ్లు కనెక్టివిటీ ఫ్రీగా ఇవ్వాలని కేబినెట్ నిర్ణయించింది.

ఇక ఎన్జీవోలు, సచివాలయ ఉద్యోగులకు 175 చదరపు గజాల ఇంటి స్థలం ఇవ్వాలని నిర్ణయించారు. చదరపు గజం రూ.4వేలు చొప్పున 230 ఎకరాల కేటాయింపునకు కేబినెట్ ఆమోదం తెలిపింది. జర్నలిస్టులకు కేటాయించిన 30 ఎకరాల స్థలానికి విడతలవారీగా సీఆర్డీఏకు సొమ్ము చెల్లించాలని మంత్రివర్గం నిర్ణయించింది. అలాగే వైకుంఠపరం బ్యారేజీ నిర్మాణానికి నిర్ణయం తీసుకోవడంపై సీఎంకు అభినందన తీర్మానాన్ని పెట్టారు. పోలవరం డీపీఆర్ 2కు సీడబ్ల్యూసీ ఆమోదం తెలపగా.. రివైజ్డ్ డీపీఆర్‌కు పూర్తిగా ఆమోదించాలని చంద్రబాబు అన్నారు. అలాగే చింతలపూడి ఎత్తిపోతల నుంచి నీటిని అందించడంపై చర్చించారు.




Please Read Disclaimer