గోవా బీచ్‌లో సెల్ఫీ.. ఎత్తుకెళ్లిన అలలు, ఏపీ వైద్యురాలి మృతి

0

బీచ్‌లో సెల్ఫీ తీసుకుంటుండగా ఒక్కసారిగా వచ్చిన అలలు సముద్రంలోకి తీసుకెళ్లిపోయాయి. గోవా బీచ్‌లో చోటుచేసుకున్న ఈ విషాద ఘటనలో కృష్ణా జిల్లా జగ్గయ్యపేటకు చెందిన వైద్యురాలు ఊటుకూరు రమ్యకృష్ణ దుర్మరణం పాలయ్యారు. మంగళవారం (మే 14) సాయంత్రం చోటుచేసుకున్న ఈ ప్రమాదం ఆలస్యంగా వెలుగులోకి వచ్చింది.

జగ్గయ్యపేటలోని మార్కండేయ బజార్‌కు చెందిన రమ్యకృష్ణ గతేడాది వరకు స్థానిక ఆరోగ్య కేంద్రంలో వైద్యాధికారిణిగా పనిచేశారు. 2018లో గోవాలో ఉద్యోగం రావడంతో అక్కడికి వెళ్లారు. గోవాలోని ప్రభుత్వ అనుబంధ వైద్య సంస్థలో వైద్యురాలిగా పనిచేస్తున్నారు.

మంగళవారం సాయంత్రం డాక్టర్ రమ్యకృష్ణ సరదాగా గడపటానికి గోవా బీచ్‌కు వెళ్లారు. అక్కడ సెల్ఫీ తీసుకుంటుండగా సముద్రపు అలలు ఉద్ధృతంగా రావడంతో ఆమె కొట్టుకుపోయాయి. రమ్యకృష్ణకు తల్లి, సోదరులు, సోదరి ఉన్నారు. పేషంట్లను పేర్లతో సహా గుర్తుపెట్టుకొని పిలిచే రమ్యకృష్ణ మృతితో జగ్గయ్యపేటలో విషాదం నెలకొంది.




Please Read Disclaimer