నాకు మద్దతివ్వకపోతే అంతు చూస్తా.. కేఏ పాల్ హెచ్చరిక

0

ప్రస్తుత ఎన్నికల్లో తనకు మద్దతివ్వని పాస్టర్ల అంతు చూస్తానని హెచ్చరించారు ప్రజాశాంతి పార్టీ వ్యవస్థాపకుడు కేఏ పాల్. ప్రస్తుత ఎన్నికల్లో తాను నర్సాపురం పార్లమెంటరీ నియోజకవర్గం నుంచి పోటీ చేస్తున్నానని.. పవన్‌కళ్యాణ్, నాగబాబు కాసుకోవాలని సవాల్ చేశారు. పశ్చిమగోదావరి జిల్లా తాడేపల్లిగూడెంలో నిర్వహించిన పాస్టర్ల సమావేశంలో ఆయన మాట్లాడుతూ.. చంద్రబాబు, జగన్, పవన్‌పై విరుచుకుపడ్డారు.

రాష్ట్రంలోని 152 నియోజకవర్గాల్లో తమ పార్టీ పోటీ చేస్తుందని, పాస్టర్లందరూ ప్రజాశాంతి పార్టీకే మద్దతివ్వాలని కేఏ పాల్ కోరారు. చంద్రబాబు, జగన్, పవన్‌కు ఓటెయొద్దని, వారంతా సీట్లు అమ్మకుని రాష్ట్రాన్ని దోచుకునేవారని పాల్ విమర్శించారు. తమ పార్టీకి హెలికాప్టర్ గుర్తు రాకుండా అడ్డుకునేందుకు జగన్ శతవిధాలా ప్రయత్నించి విఫలమయ్యారన్నారు. చంద్రబాబు మాటలు కూడా రాని తన కొడుక్కి ఏకంగా మంత్రి పదవి కట్టబెట్టారని హేళన చేశారు.

చిరంజీవితో పోలిస్తే పవన్‌కళ్యాణ్‌కు డ్యాన్స్ చేయడం కూడా రాదంటూ పాల్ ఎద్దేవా చేశారు. ప్రజాశాంతి పార్టీ అధికారంలోకి వస్తే నియోజకవర్గానికో ఆస్పత్రి కట్టిస్తామని హామీ ఇచ్చారు. ప్రస్తుతం నర్సాపురంలో పోటీ చేస్తున్న అన్ని పార్టీల అభ్యర్థులు గతంలో తన ఆశీస్సులు తీసుకున్న వారేనని పాల్ తెలిపారు.




Please Read Disclaimer