కేంద్ర నిర్ణయంపై పోరాటానికి సిద్ధంకండి: చంద్రబాబు

0



కడప జిల్లాలో ఉక్కు కర్మాగారం ఏర్పాటు చేయడం సాధ్యం కాదంటూ కేంద్ర ప్రభుత్వం తీసుకున్న నిర్ణయంపై తెదేపా పోరాటానికి సిద్ధమైంది. గురువారం (జూన్ 14) కడప జిల్లా వ్యాప్తంగా ధర్నాలు, ర్యాలీలు చేపట్టాలని తెదేపా అధినేత, ముఖ్యమంత్రి చంద్రబాబు పార్టీ నేతలను ఆదేశించారు. ఉపఎన్నికలు వస్తే వైసీపీ చిత్తుగా ఓడిపోయేదని సీఎం చంద్రబాబు విమర్శించారు. ఓడిపోతామనే భయంతోనే వైసీపీ ఎంపీలు రాజీడ్రామాలడారని ఆయన మండిపడ్డారు.

బీజేపీతో కుమ్మక్కైన వైసీపీపై ప్రజల్లో తీవ్ర వ్యతిరేకత వస్తుందని చంద్రబాబు అన్నారు. 2014లో తిరుపతి పార్లమెంట్ సీటు బీజేపీకి ఇవ్వడం వల్ల దెబ్బతిన్నామని గుర్తుచేశారు. భాజపా, వైకాపా కుట్ర రాజకీయాలపై ప్రజల్ని చైతన్య పరచాలని నేతలకు సూచించారు. మైనార్టీలు, ఎస్సీ, ఎస్టీల్లో తెదేపా బలం మరింతగా పెరగడం సానుకూల పరిణామమని.. నియోజకవర్గ స్థాయి కార్యక్రమాలకు ఆయా వర్గాల హాజరు గణనీయంగా పెరిగిందని అన్నారు. గ్రామదర్శిని, గ్రామ సభల్లో ఎంపీలు, ఎమ్మెల్యేలు,ఇంఛార్జిలు పాల్గొనాలని చంద్రబాబు ఆదేశించారు. ఐక్యంగా పనిచేస్తే తిరుపతి ఎంపీ సీటుతో పాటు 7అసెంబ్లీ స్థానాల్లో టీడీపీ గెలుపు తథ్యమని తిరుపతి నేతలతో చంద్రబాబు చెప్పారు.