రికార్డ్స్ తిరగరాసిన బాహుబలి-2

0




Baahubali-2-trailer-detailsబాహుబలి 2 ఆలిండియా లెవల్ కలెక్షన్స్‌లో కింగ్ మేకర్‌గా దమ్ము చూపి.. హాలీవుడ్‌లో టాప్ 3 మూవీగా నిలిచి ప్రపంచ వ్యాప్తంగా అంచనాలకు అందకుండా.. సంచలనాలకు కేరాఫ్ అడ్రస్‌గా మారింది. బాహుబలి ది కన్‌క్లూజన్ రోజుకో రికార్డును తిరగరాస్తూ రికార్డుల రారాజుగా నిలుస్తూ ప్రపంచానికే సవాల్ విసురుతోంది. ఈ సినిమా విడుదలై దాదాపు వారం కావోస్తున్నా అంతకంతకూ ప్రేక్షకాదరణ పెరుగుతుండటంతో కోట్లను కొల్లగొడుతుంది. తొలిరోజే వందకోట్లను క్రాస్ చేసిన ఈ మూవీ వారం తిరిగే సరికి 800 కోట్లకు చేరువకావడంతో ప్రపంచం చూపి బాహుబలి 2 వైపు తిరిగింది.

గత ఐదు రోజుల్లో బాహుబలి2 సినిమా రూ.700 కోట్ల మార్కును దాటి.. తాజాగా 6వ రోజుకు వచ్చేసరికి రూ.785 కోట్ల గ్రాస్ సాధించింది. దీంతో ఇప్పటి వరకు రూ. 743 కోట్ల గ్రాస్ కలెక్షన్‌తో నెం.1 స్థానంలో ఉన్న ‘పి.కె’ మూవీ బాహుబలి దెబ్బకు రెండో స్థానికి పడిపోయింది. దీంతో ఇండియన్ బాక్సాఫీస్ వద్ద నెం.1 చిత్రంగా జెండా పాతేసింది.

దీంతో ఫస్ట్ వీకెండ్‌లోనే 800 కోట్లకు చేరువైన బాహుబలి 2 వెయ్యికోట్లను ఈజీగా క్రాస్ చేసి.. సరికొత్త బెంచ్ మార్క్ క్రియేట్ చేయబోతున్నట్టు ట్రేడ్ విశ్లేషకులు అంచనా వేస్తున్నారు. వీకెండ్ కలెక్షన్స్‌లో దుమ్ములేపుతున్న బాహుబలి 2 మూవీ ఫుల్ రన్‌లో రూ. 1500 కోట్లను వసూలుచేయడం ఖాయంగా కనిపిస్తుంది.

ఇక బాహుబలి హీరో ప్రభాస్ విషయానకి వస్తే.. ఈ సినిమాతో ప్రభాస్ ప్రపంచ వ్యాప్తంగా అందరికీ డార్లింగ్‌గా మరిపోయాడు. అంతగా ప్రభాస్ ఈ సినిమా కోసం కష్టపడ్డాడు. తనకు ఈ సినిమాతో ఏం వస్తుంది..? వంటి లెక్కలను పక్కన పెట్టి ఐదేళ్ళ పాటు తన సమయాన్ని వెచ్చించాడు. ఇప్పుడు దానికి తగ్గ ప్రతిఫలం ప్రభాస్‌కు దక్కింది. ఇంటర్నేషనల్ స్టార్ అయిపోయాడు ఈ తెలుగు హీరో.