‘నా వల్లే తారక్ బతికాడు’.. ఆ మాటతో నన్ను దూరం పెట్టారు: శ్రీనివాస్ రెడ్డి

0

జూనియర్ ఎన్టీఆర్ ఫ్రెండ్ షిప్‌కి చాలా విలువ ఇస్తారు.. ఇండస్ట్రీలో మిగిలిన హీరోలకంటే ఎక్కువగా తోటి నటులతో మంచి బాండింగ్ ఉంటుంది. రాజీవ్ కనకాల, రఘు, రాఘవ, సమీర్ ఇలా చాలా మంది నటులతో ఎన్టీఆర్‌ చాలా క్లోజ్‌గా ఉండేవారు. వీరితో పాటు కమెడియన్ శ్రీనివాసరెడ్డితో కూడా చాలా క్లోజ్‌గా మూవ్ అయ్యేవారు. శ్రీనివాసరెడ్డి కూతురుకి పేరుపెట్టడంతో పాటు ఉయ్యాల ఫంక్షన్ వెళ్లి ఆశీర్వదించారు. అయితే తరువాతి కాలంలో ఎన్టీఆర్ సినిమాల్లో శ్రీనివాస రెడ్డి కనిపించడం మానేశారు. ఇద్దరి మధ్య స్నేహం చెడటానికి గల కారణాన్ని వివరించారు శ్రీనివాసరెడ్డి.

ఓ యూట్యూబ్ ఛానల్‌కి ఇచ్చిన ఇంటర్వ్యూలో మాట్లాడుతూ.. ‘నేను జూనియర్ ఎన్టీఆర్ సినిమాలకు దూరంకావడానికి చాలా కారణాలు ఉన్నాయి. నాకు పెళ్లి కావడం.. నేను వేరే సినిమాల్లో ఉండటం.. నాకు ఇచ్చిన రోల్‌లో ఇంపాటెన్స్ లేదనుకుని వద్దులే అనుకోవడం.. ఇలా చాలా రకాల కారణాలతో ఎన్టీఆర్ సినిమాలతో గ్యాప్ వచ్చిన మాట వాస్తవమే.

అయితే ఈ గ్యాప్ రావడానికి ఎన్టీఆర్ చుట్టూ ఉన్న వ్యక్తులు కూడా కారణం అయ్యారు. వాస్తవానికి ఎన్టీఆర్‌కి అలాంటి ఆలోచన లేకపోయినా చుట్టూ ఉన్న వాళ్లు ఫోర్స్ చేయడం వల్ల ఆయన కూడా ఇది నిజమేనేమో అనుకుని ఉండొచ్చు. అందువల్లే నన్ను కట్ చేసి ఉండొచ్చు.

ఎన్టీఆర్‌తో నాకు మంచి రిలేషన్ ఉండేది. ఆయన ఎలక్షన్స్‌లో ప్రచారానికి వెళ్లినప్పుడు ఎంటర్‌టైన్ చేసేవాడిని. మంచి ప్రణాళికతో ఆయన ప్రచారం సాగింది. స్నేహితులుగా ఉన్న మేము ఒక్కోరోజు ఒక్కొక్కరు అన్నట్లుగా ప్లాన్ చేశాం. మొదట రాజీవ్.. తరువాత సమీర్.. రాఘవ.. రఘు ఇలా మంది వర్క్ చేశాం.

నేను ఎన్టీఆర్ ప్రచారం ఖమ్మం వచ్చాక జాయిన్ అవుతా అని చెప్పా.. అప్పుడు ఖమ్మం సభ పెద్ద సక్సెస్ అయ్యింది. ఎక్కువ మంది జనాలు హాజరయ్యారు ఆయన ప్రచారంలో అదే సభ టాప్. అయితే అప్పుడు పండుగ వచ్చింది.. అందరం ఊళ్లకు బయలుదేరాం. తారక్ నన్ను కారు ఎక్కు అన్నారు. అయితే నాతో పాటు పెద్ద బ్యాగ్ నాతో ఉంది. ఆ బ్యాక్ తెచ్చుకునే లోపు ఆ ప్లేస్‌లో ఇంకొకరు ఎవరో ఎక్కారు. ఆ కార్ బయలుదేరిపోయింది. నేను వేరు కారులో వెనుక వెళ్లాం.

అయితే కొంత దూరం వెళ్లాక తారక్ కార్‌కి యాక్సిడెంట్ అయ్యింది. తీరాదిగి చూస్తూ తరక్ గాయాలతో రక్తం కారుతూ కనిపించారు. వెంటనే నా బ్యాక్‌లో ఉన్న టవల్‌ చుట్టి నేను ఉన్న కార్‌లో ఎక్కించుకున్నాం. సూర్యపేటలో మా పెద్దక్క ఉన్నారు. వాళ్లని అడిగి దగ్గర్లోని హాస్పటల్‌కి తీసుకువెళ్లి కుట్లు వేయించి.. కిమ్స్ హాస్పటల్‌కి తీసుకవెళ్లాం.

ఈ ప్రాసెస్‌లో ఓ వ్యక్తి ‘నువ్ అడుగుపెట్టావ్.. తారక్‌కి యాక్సిడెంట్ అయ్యింది’ అన్నాడు. నాకు కిందనుండి షేక్ వచ్చి.. నన్ను ఇంతమాట అనేశాడు అనుకుని.. అప్పుడు నేను ‘నేను ఉండబట్టే తారక్ ప్రాణాలతో వచ్చాడు.. లేకపోతే ఏమయ్యేదో’ అని అన్నా. బహుషా ఈ మాట తారక్ దగ్గరకు వెళ్లడం వల్ల ఆయనతో నటించే అవకాశం రాలేదని అనుకుంటున్నా. నేను అన్నదానికి మరికొంత యాడ్ చేసి చెప్పి ఉండొచ్చు.

అయితే ఇది జరిగిన తరువాత తారక్‌ని కలిశా.. చాలా సరదాగా మాట్లాడుకున్నాం కాని అంతకు ముందు ఉన్నంత అటాచ్‌మెంట్ బాండింగ్ బాగా తగ్గింది. అయితే ఈ విషయాన్ని తారక్‌తో క్లియర్ చేసుకుంటా. ఆయనకు నేనేంటో తెలుసు. అతని క్లోజ్ ఫ్రెండ్ అయిన రాజీవ్ కనకాలకి నేనేంటో తెలుసు. ఇందులో నా ప్రయత్నలోపం కూడా ఉంది. వెళ్లి ఎన్టీఆర్‌తో చెప్పుకోకపోవడం నా తప్పే’ అంటూ చెప్పుకొచ్చారు శ్రీనివాస్ రెడ్డి.




Please Read Disclaimer