చిరంజీవి అప్పుడప్పుడూ తాగుతారు.. పవన్ ఎప్పుడో.. నేనైతే!: నాగబాబు మద్యం ముచ్చట్లు

0

ఈ మధ్య కాలంలో ఆరోగ్యం సరిగా సహకరించకపోవడంతో చెడు అలవాట్లు అన్నీ మనేశా అన్నారు మెగా బ్రదర్ నాగబాబు. తాజాగా ఓ ఐడ్రీమ్స్ యూట్యూబ్ ఛానల్‌కి ఇచ్చిన ఇంటర్వ్యూ సోషల్ మీడియాలో హల్ చల్ చేస్తుంది. ఇక తన ఫ్యామిలీ, పర్సనల్, పొలిటికల్ విషయాలను షేర్ చేసుకున్న నాగబాబు తన ఆహారపు అలవాట్లను షేర్ చేసుకున్నారు.

ఆయన మాట్లాడుతూ.. ‘నాకు ఈ మధ్య కాలంలో ఆరోగ్యం సరిగాలేదు. వరుసగా ఫీవర్, లంగ్స్ ఎఫెక్ట్, వాయిస్ పోవడం ఇలా చాలా వచ్చాయి. దీంతో నాకు ఉన్న చెడు అలవాట్లను దూరం పెట్టేశా. అప్పుడప్పుడు ఆల్కహాల్ తీసుకునే వాడిని. నాన్ వెజ్ తినేవాడిని. ఇప్పుడు ప్యూర్ వెజిటేరియన్‌గా మారిపోయా. నాకు సిగరెట్ తాగడం చాలా ఇష్టం కాని.. తాగితే దగ్గు వచ్చేస్తుంది అందుకే తాగలేను. ఆల్కహాల్ తాగడం ఇష్టం కాని.. దాన్ని ఎంజాయ్ చేయలేకపోతున్నా. ఇప్పుడు పూర్తి స్థాయిగా మానేశా. ఇంతకు ముందు ఆరేళ్లపాటు మనేశా. గత రెండేళ్లు మళ్లీ మొదలు పెట్టి.. ఛీ ఛండాలంగా ఉంది అని మానేసిన ఆరేళ్ల క్వాలీటీ లైఫ్‌ని గుర్తుతెచ్చుకుంటూ టోటల్‌గా వాటికి దూరంగా ఉంటున్నా.

ఇక మా అన్నదమ్ములు ముగ్గురం (నాగబాబు, చిరంజీవి, పవన్ కళ్యాణ్) కూర్చుని తాగిన సందర్భాలైతే లేవు. అంతగా కలిసి తీసుకునేది లేదు. మా అన్న చిరంజీవికి కూడా రెగ్యులర్‌గా తాగరు. ఏదైనా పార్టీ ఉంటే తప్ప. ఇక కళ్యాణ్ బాబు అయితే మరీ తక్కువ. అయితే ముగ్గురం కలిసి ఛీర్ కొట్టిన సందర్భం లేదు. కాకపోతే కలిసి ఉండటం.. భోజనం చేయడం.. సరదాగా మాట్లాడుకోవడాలు అడపాదడపా ఉంటుంటాయి’ అంటూ మెగాబ్రదర్స్ ముచ్చట్లను చెప్పుకొచ్చారు నాగబాబు.




Please Read Disclaimer