నాగార్జున – నాగ చైతన్య కాంబో

0

‘సోగ్గాడే చిన్ని నాయనా’ సూపర్ హిట్ సాధించిన తర్వాత ఆ సినిమాకు సీక్వెల్ గా ‘బంగార్రాజు’ ప్లాన్ చేసిన విషయం తెలిసిందే. కానీ ఆ సినిమా సెట్స్ మీదకు వెళ్ళలేదు. దర్శకుడు కళ్యాణ్ కృష్ణ వినిపించిన సీక్వెల్ స్క్రిప్ట్ సంతృప్తికరంగా లేకపోవడంతో ఆ సినిమా ఆలోచన పక్కన పెట్టినట్టు నాగార్జున గతంలో తెలిపాడు.

కానీ ‘నేల టికెట్’ పరాజయం తర్వాత కళ్యాణ్ కృష్ణ ‘బంగార్రాజు’ స్క్రిప్ట్ పై మళ్ళీ వర్క్ చేయడం మొదలు పెట్టాడట. రీసెంట్ గా ఆ స్క్రిప్ట్ వర్క్ ఓ కొలిక్కి వచ్చిందని.. కళ్యాణ్ కృష్ణ వినిపించిన వెర్షన్ నాగార్జున కు నచ్చడంతో సినిమాకు గ్రీన్ సిగ్నల్ ఇచ్చారని సమాచారం. ఈ సినిమాలో ధమాకా ఏంటంటే నాగర్జున తో కలిసి నాగ చైతన్య కూడా నటిస్తాడట. ఇక ఈ సినిమా కథ కూడా ఫిలిం నగర్లో చక్కర్లు కొడుతోంది. ‘సోగ్గాడే..’ లో బంగార్రాజు గా.. రాము గా నాగార్జున ద్విపాత్రాభినయం చేసిన విషయం తెలిసిందే. రాము కు సమస్య వచ్చినప్పుడు ఆత్మ రూపంలో వచ్చి ఆ సమస్యను పరిష్కరిస్తాడు. ఇప్పుడు సీక్వెల్ లో రాము – సీత(లావణ్య త్రిపాఠి) జంటకు ఒక కొడుకు పుడతాడు. ఆ కొడుకే నాగ చైతన్య. ఫుల్ గా బంగార్రాజు లక్షణాలతో ఉంటాడట. కానీ మనవడు సమస్యలో చిక్కుకోవడంతో మళ్ళీ బంగార్రాజు ఆత్మగా వచ్చి మనవడి కి సహాయం చేస్తాడట.

ఈ లెక్కన నాగార్జున – నాగ చైతన్య తండ్రీ కొడుకులుగా.. తాత మనవళ్ళుగా ప్రేక్షకులను అలరిస్తారన్నమాట. నిజమో కాదో తెలియదు గానీ కథ మాత్రం ఇంట్రెస్టింగ్ గా ఉంది కదా? పైగా సీనియర్ .. జూనియర్ అక్కినేని హీరోల మల్టిస్టారర్.. ఫ్యాన్స్ కు ఇంతకంటే ఏం కావాలి?