స్మార్ట్‌ఫోన్లు, యాక్ససరీస్ కోసం జియో కొత్త ఆన్‌లైన్ స్టోర్..!

0



jioరిలయన్స్ సంస్థ ఇప్పటి వరకు ఆన్‌లైన్‌లో తన జియో స్మార్ట్‌ఫోన్లు, జియో ఫై హాట్ స్పాట్ ఇతర జియో యాక్ససరీస్‌ను రిలయన్స్ డిజిటల్ సైట్‌లో అమ్ముతూ వచ్చింది. అయితే ఆయా ఫోన్లు, యాక్ససరీస్ కోసం ఇప్పుడు ప్రత్యేకంగా ఓ పోర్టల్‌ను ప్రారంభించింది. జియో సైట్ (www.jio.com)లోనే షాపింగ్ కార్ట్ పేరిట ఓ కొత్త లింక్ ఇప్పుడు దర్శనమిస్తోంది. అందులోకి వెళ్తే యూజర్లు లైఫ్ ఫోన్లతోపాటు జియో ఫై హాట్‌స్పాట్ డివైస్‌ను కూడా కొనుగోలు చేయవచ్చు. అయితే ఈ ప్రత్యేక పోర్టల్‌లో ప్రస్తుతం లైఫ్ వాటర్ 11, వాటర్ 8, ఎర్త్ 1 స్మార్ట్‌ఫోన్లు, జియోఫై డివైస్ మాత్రమే యూజర్లకు లభ్యమవుతున్నాయి. త్వరలో మరిన్ని లైఫ్ స్మార్ట్‌ఫోన్లను ఈ పోర్టల్ ద్వారా కొనుగోలు చేసేందుకు జియో వీలు కల్పించనుంది.