బన్నీ బన్నీ అంటున్న సల్లూ భాయి బామ్మర్ది!

0



ఏమాటకామాటే మన అల్లు అర్జున్ డ్యాన్స్ చేస్తే డ్యాన్స్ ఫ్లోర్ మాత్రమే కాదు టోటల్ ఆడిటోరియం టాపు లేచిపోద్ది. అది ‘ఆ అంటే అమలాపురం’ కావొచ్చు లేదా ‘సినిమా చూపిస్త మావా’ కావచ్చు.. ఇలాంటి మాస్ స్టెప్పులే కాకుండా ‘ఉప్పెనంత ఈ ప్రేమకి’ పాటలో వేసే క్లాస్ స్టెప్స్ + మూన్ వాక్ డాన్స్.. ఏదైనా సరే బన్నీ ఓ బ్రిలియంట్ డ్యాన్సర్. మరి ఎవరైనా బన్నీ డ్యాన్స్ కు ఫిదా అవుకుండా ఉండలేరు కదా. అలానే ఓ బాలీవుడ్ హీరో బన్నీ డ్యాన్స్ కు ఫిదా అయ్యాడు.

సల్మాన్ ఖాన్ బావమరిది అయుష్ శర్మ ‘లవ్ రాత్రి’ సినిమా ద్వారా బాలీవుడ్ లో హీరో గా ఎంట్రీ ఇస్తున్నాడు. ఈ సినిమాను సల్మాన్ ఖాన్ నిర్మిస్తుండగా అభిరాజ్ మీనవాలా దర్శకుడు. ఈ సినిమా అక్టోబర్ 5 న ప్రేక్షకుల ముందుకు రానుంది. ఇదిలా ఉంటే ఆయుష్ శర్మ రీసెంట్ గా హైదరాబాద్ వచ్చాడు. మీడియాతో మాట్లాడుతూ డ్యాన్స్ విషయంలో తనకు ఇన్స్పిరేషన్ అల్లు అర్జున్ అని చెప్పాడు. అల్లు అర్జున్ ఒక సూపర్బ్ డాన్సర్ అని – తాను ఏదో ఒకరోజు అతనిలాగా డ్యాన్స్ చేయాలని అనుకుంటున్నానని.. అయితే బన్నీని తను 100% మ్యాచ్ చేయలేనని – కానీ ప్రయత్నం మాత్రం చేస్తానని అన్నాడు. కొత్త హీరో అయినా ఇది బన్నీ కి పెద్ద కాంప్లిమెంటే. ఇప్పటికే బన్నీ హిందీ డబ్బింగ్ సినిమాలు టీవీ చానల్స్ తో సూపర్ టీఆర్ పీ రేటింగులతో – యూట్యూబ్ లో అత్యధిక వ్యూస్ తో దుమ్ము లేపుతుంటాయి. ఇక హిందీ ప్రేక్షకులతో పాటు హీరోలు కూడా బన్నీ కి ఫిదా అవుతున్నారంటే అది బన్నీ ఫాన్స్ కు ఓ గుడ్ న్యూసే.

ఇదిలా ఉంటే అయుష్ శర్మ కూడా ఓ మంచి డ్యాన్సర్. రీసెంట్ గా రిలీజ్ అయిన ‘లవ్ రాత్రి’ ట్రైలర్ లో మంచి స్టెప్పులతో ప్రేక్షకులను మెప్పించాడు. మరి బన్నీ సినిమాలో ఇంకా సూపర్ స్టెప్పులతో బన్నీలానే అదరగొడతాడేమో వేచి చూడాలి.