తమన్నా క్వీన్ మళ్లీ మొదలైంది

0



బాలీవుడ్ మూవీ క్వీన్ ను తెలుగుతో కలిపి నాలుగు దక్షిణాది భాషల్లో రీమేక్ చేస్తున్న సంగతి తెలిసిందే. క్వీన్ వన్స్ ఎగైన్ అంటూ తెలుగు వెర్షన్ రూపొందుతుండగా..ఇందులో మిల్కీ బ్యూటీ తమన్నా టైటిల్ రోల్ పోషిస్తోంది.

గతేడాది మధ్యలోనే షూటింగ్ ఆరంభించుకున్న ఈ చిత్రానికి.. గత డిసెంబర్ లోనే బ్రేక్ పడిపోయింది. ఇందుకు కారణం కాస్త ఆలస్యంగా వెలుగులోకి వచ్చింది. తెలుగు వెర్షన్ కు దర్శకత్వం వహిస్తున్న ట్యాలెంటెడ్ డైరెక్టర్ నీలకంఠ.. ఈ సినిమా నుంచి తప్పుకున్నాడు. నీలకంఠ ఎగ్జిట్ కు కారణం తెలియకపోయినా.. ఇతడి కారణంగా సినిమా షూటింగ్ ఆరు నెలలుగా ఆగిపోయింది. ఎట్టకేలకు అ! చిత్ర దర్శకుడు ప్రశాంత్ వర్మ.. ఈ మూవీని షూటింగ్ చేసిన పార్ట్ ను మినహాయించి.. మిగిలిన భాగాన్ని చిత్రీరించేందుకు అంగీకరించడంతో.. ఇప్పుడు మళ్లీ తెలుగు క్వీన్ పట్టాలెక్కింది.

దాదాపు ఆరు నెలల తర్వాత తమన్నా మళ్లీ రాణిగా నటించడం మొదలుపెట్టింది. కర్నాటకలోని మైసూర్ లో ఈ సినిమా షూటింగ్ తిరిగి ప్రారంభమైంది. ఒకటి రెండు సన్నివేశాలు మినహా.. గతంలో తీసిన సీన్స్ తప్ప.. మిగిలిన షూటింగ్ నే కొనసాగించనున్నారట. హిందీ వెర్షన్ లో లీసా హేడెన్ నటించిన పాత్రలో.. బాలీవుడ్ భామ ఎల్లి ఆరామ్ తో చేయిస్తున్నారు.