తక్కువ ధరలో 5G ఫోన్ లాంచ్ చేసిన ఒప్పో.. ధర, ఫీచర్లు ఇవే!

0

ఒప్పో ఏ72 5జీ స్మార్ట్ ఫోన్ చైనాలో లాంచ్ అయింది. దీనికి సంబంధించిన 4జీ వేరియంట్ ను ఒప్పో జూన్ లోనే లాంచ్ చేసింది. ఈ ఫోన్ కూడా ఇప్పటికే పలు లిస్టింగ్ ల్లో కనిపించింది. 4జీ వేరియంట్ కంటే పలు మార్పులను ఇందులో కనిపించవచ్చు. 4జీ వేరియంట్ లో క్వాల్ కాం స్నాప్ డ్రాగన్ ప్రాసెసర్ ను ఉపయోగించగా, ఇందులో మీడియాటెక్ ప్రాసెసర్ ను ఉపయోగించారు. ఇందులో వెనకవైపు మూడు కెమెరాల సెటప్, పంచ్ హోల్ సెల్ఫీ కెమెరా కూడా ఉన్నాయి.

Oppo A72 5G ధర
ఈ స్మార్ట్ ఫోన్ లో కేవలం ఒక్క వేరియంట్ మాత్రమే అందుబాటులో ఉంది. 8 జీబీ ర్యామ్ + 128 జీబీ స్టోరేజ్ వేరియంట్ తో రానున్న ఈ ఫోన్ ధరను చైనాలో 1,899 యువాన్లుగా(సుమారు రూ.20,200) నిర్ణయించారు. నియాన్, ఆక్సిజన్ వయొలెట్, సింపుల్ బ్లాక్ రంగుల్లో ఈ ఫోన్ అందుబాటులో ఉంది. ఈ ఫోన్ మనదేశంలో ఎప్పుడు లాంచ్ అవుతుందో ఒప్పో తెలపలేదు.

Oppa A72 5G స్పెసిఫికేషన్లు
ఇందులో 6.5 అంగుళాల ఫుల్ హెచ్ డీ+ డిస్ ప్లేను అందించారు. దీని స్క్రీన్ టు బాడీ రేషియో 90.5 శాతంగానూ, స్క్రీన్ రిఫ్రెష్ రేట్ 90 హెర్ట్జ్ గానూ ఉంది. అలాగే ఇందులో మీడియాటెక్ డైమెన్సిటీ 720 ప్రాసెసర్ ను అందించారు. ఇది 5జీని సపోర్ట్ చేస్తుంది. 8 జీబీ ర్యామ్ ను ఇందులో అందించారు.

ఒప్పో ఏ72 5జీలో వెనకవైపు మూడు కెమెరాలు అందుబాటులో ఉన్నాయి. వీటి ప్రధాన కెమెరా సామర్థ్యం 16 మెగా పిక్సెల్ కాగా, 8 మెగా పిక్సెల్ అల్ట్రా వైడ్ యాంగిల్ కెమెరా, 2 మెగా పిక్సెల్ బ్లాక్ అండ్ వైట్ కెమెరా ఉన్నాయి. ముందువైపు 16 మెగా పిక్సెల్ కెమెరా అందుబాటులో ఉంది.

128 జీబీ స్టోరేజ్ ను కూడా ఇందులో అందించారు. ఇందులో 4040 ఎంఏహెచ్ బ్యాటరీ ఉంది. 18W ఫాస్ట్ చార్జింగ్ ను కూడా ఇది సపోర్ట్ చేయనుంది. 5జీ, 4జీ, వైఫై, బ్లూటూత్, జీపీఎస్ కనెక్టివిటీ ఫీచర్లు కూడా ఇందులో ఉన్నాయి. ఇది కేవలం 0.79 సెంటీమీటర్ల మందం మాత్రమే ఉంది. దీని బరువు 175 గ్రాములు.



Please Read Disclaimer