64 MP క్వాడ్ కెమెరా, పంచ్ హోల్ డిస్ ప్లే.. రూ.11 వేల లోపే! Realme 6 అదిరిపోయే బడ్జెట్ ఫోన్!

0

రియల్‌మీ ఇండియా సీఈవో మాధవ్‌ సేథ్ ఎట్టకేలకు రియల్‌మీ 6 రానున్నట్లు కన్ఫర్మ్ చేశారు. ఆయన ట్విట్టర్‌లో పోస్ట్ చేసిన ఫోటో రియల్‌మీ 6 గురించి పూర్తి క్లారిటీ ఇచ్చింది. ఎందుకంటే ఆ ఫొటోలో ఎడమవైపున ఉన్న రియల్‌మీ 6 వాటర్‌మార్క్‌ను స్పష్టంగా గమనించవచ్చు. 64 మెగాపిక్సెల్ ఏఐ క్వాడ్ కెమెరాతో ఈ స్మార్ట్‌ఫోన్ రానుందని ఫోటో ధృవీకరించింది. అయితే లాంచ్ డేట్, ధర గురించి ఏ మాత్రం క్లారిటీ రాలేదు.

బాలీవుడ్ స్టార్ సల్మాన్ ఖాన్‌తో కలిసి రియల్‌మీ సీఈవో మాధవ్ సేథ్ ట్విట్టర్‌లో ఒక ఫోటోకు పోజ్ ఇచ్చారు. అయితే ఈ ఫొటోలో సల్మాన్ ఖాన్‌ కంటే ఆ ఫొటోలో ఉన్న వాటర్ మార్కే అందరి దృష్టిని ఆకర్షించింది. ఇది రియల్‌మీ 6 రానున్నట్లు ధృవీకరించింది. ఈ ఫోన్ వెనుకవైపు నాలుగు కెమెరాలతో వస్తుందని, ప్రధాన కెమెరా 64 మెగాపిక్సెల్ రిజల్యూషన్ కలిగి ఉంటుందని వెల్లడించింది.

ఈ నెల ప్రారంభంలో సింగపూర్ లోని IMDA[ఇన్ఫోకామ్ మీడియా డెవలప్మెంట్ అథారిటీ] డేటాబేస్ లో ఈ ఫోన్ కనిపించింది. అప్పుడే మొదటిసారి రియల్‌మీ 6 వార్తల్లోకి వచ్చింది. అప్పుడే IMDA డేటాబేస్ లో రియల్‌మీ 6 మోడల్ నంబర్ మోడల్ నంబర్ RMX2001 అని తెలిసింది. అదే మోడల్ నంబర్ తరువాత యూఎస్ ఎఫ్ సీసీ [యునైటెడ్ స్టేట్స్ ఫెడరల్ కమ్యూనికేషన్స్ కమిషన్] ధృవీకరణ డేటాబేస్ లో కూడా కనిపించింది. ఇందులో 4,300 ఎంఏహెచ్ బ్యాటరీ ఉండే అవకాశం ఉంది. దీని కొలతలు 162.1 x 74.8 x 9.6 మిమీ కాగా, బరువు 191 గ్రాములుగా ఉండనున్నట్లు స్పెక్స్ జాబితాలో ప్రస్తావించారు.

ఈ ఫోన్ కు సంబంధించి ముఖ్య ఫీచర్లు ఇంకా తెలియాల్సి ఉంది. అయితే రియల్‌మీ 6 దాని వాటర్‌డ్రాప్ నాచ్ తో కాకుండా పంచ్ హోల్ డిస్ ప్లేతో వస్తుందని అనేక లీక్‌లు సూచించాయి. ప్రస్తుతం రియల్‌మీ 5 ధర రూ.8,600గా ఉంది. ఈ ధరల శ్రేణిలో ఉన్న ఫోన్లలో అత్యుత్తమ ఫీచర్లను కలిగి ఉంది. ఇందులో కూడా వెనకవైపు నాలుగు కెమెరాలు ఉన్నాయి.