దేశంలో ఎక్కడా లేనంత దారుణంగానా? జగన్‌పై చెలరేగిపోయిన గల్లా జయదేవ్!

0

టీడీపీ ఎంపీ, పారిశ్రామికవేత్త, అమర రాజా గ్రూప్ మేనేజింగ్ డైరెక్టర్ గల్లా జయదేవ్ ఏపీ సీఎం వైఎస్ జగన్ మోహన్ రెడ్డిపై విరుచుకు పడ్డారు. దీనికి కారణం ఆంధ్రప్రదేశ్‌లో పన్ను ఆదాయ వృద్ధి దారుణంగా పడిపోవడం. గల్లా జయదేవ్ ట్విట్టర్ వేదికగా జగన్‌ నిర్ణయాలను వ్యతిరేకించారు.

ఇన్వెస్ట్‌మెంట్ బ్యాంకింగ్ సర్వీసులు అందించే ఎలారా క్యాపిటల్ (ఇండియా) కాగ్ రూపొందించిన దేశంలో ఆర్థిక సంక్షోభానికి కారణమైన డేటాను విశ్లేషించింది. ఇందులో షాకింగ్ విషయాలు వెల్లడయ్యాయి. దేశంలో ఏకంగా 17 రాష్ట్రాల్లో పన్ను ఆదాయ వృద్ధి పడిపోయింది.

మరీముఖ్యంగా ఇక్కడ ఆంధ్రప్రదేశ్ గురించి ప్రత్యేకంగా మాట్లాడుకోవాలి. ఎలారా క్యాపిటల్ ఇండియా ప్రకారం.. దేశంలో పన్ను ఆదాయ వృద్ధి గణనీయంగా తగ్గింది మాత్రం ఆంధ్రప్రదేశ్‌లోనే. ఏపీలో రాజధాని అభివృద్ధి పనులను నిలిపివేసిన విషయం తెలిసిందే.

ఏప్రిల్-జూలై మధ్యకాలంలో ఆంధ్రప్రదేశ్‌లో పన్ను ఆదాయ వృద్ధి ఏకంగా 42.7 శాతం మేర పడిపోయింది. గతేడాది ఇదే కాలంలో పన్ను ఆదాయ వృద్ధి 5.9 శాతంగా నమోద కావడం గమనార్హం. మరోవైపు పంజాబ్‌లోనూ ట్యాక్స్ రెవెన్యూ గ్రోత్ 12.5 శాతం తగ్గింది. అయితే ఆంధ్రప్రదేశ్ మాదిరి పన్ను ఆదాయపు వృద్ధి దారుణంగా పడిపోలేదు.

పన్ను ఆదాయ వృద్ధి పడిపోవడం జగన్ సర్కా్ర్‌పై ప్రతికూల ప్రభావం చూపే అవకాశముంది. రాష్ట్ర ప్రభుత్వం రానున్న నెలల్లో వివిధ రకాల సంక్షేమ పథకాలను ప్రారంభించనుంది. ఇకపోతే పన్ను ఆదాయ వృద్ధి దారుణంగా పడిపోవడానికి వైఎస్ జగన్ మోహన్ రెడ్డి అసమర్థ పాలనే కారణమని టీడీపీ ఆరోపిస్తోంది.

ఆంధ్రప్రదేశ్‌లో పన్ను ఆదాయ వృద్ధి తగ్గడంపై టీడీపీ ఎంపీ గల్లా జయదేవ్ స్పందించారు. జగన్ ప్రభుత్వం అన్ని అభివృద్ధి పనులను నిలిపివేయడం వల్లనే ప్రస్తుత ఆర్థిక సంవత్సరం తొలి త్రైమాసికంలో ఏపీలో ఆదాయపు పన్ను వృద్ధి దేశంలో మరెక్కడ లేనంత దారుణంగా పడిపోయిందని విమర్శించారు. అభివృద్ధి పనులను వెంటనే ప్రారంభించకపోతే రాష్ట్ర ఖజానా మరింత దిగజారుతుందన్నారు. ట్విట్టర్ వేదికగా ఈ విషయాలు వెల్లడించారు.




Please Read Disclaimer