సీబీఐ కోర్టుల పరిధిపై జగన్ సర్కార్ కీలక ఆదేశాలు

0

ఏపీలో సీబీఐ కోర్టుల పరిధిని నిర్ధారిస్తూ రాష్ట్ర ప్రభుత్వం నోటిఫికేషన్ విడుదల చేసింది. ప్రస్తుతం విజయవాడలో ఉన్న సీబీఐ కోర్టు ఇకపై విశాఖపట్నంలోనూ కొనసాగుతుంది. ఈ రెండు సీబీఐ కోర్టుల పరిధిలోకి వచ్చే జిల్లాలను సోమవారం నోటిఫై చేసింది. తాజా నోటిఫికేషన్ ప్రకారం విజయవాడ, విశాఖల్లోని సీబీఐ కేసుల ప్రత్యేక న్యాయస్థానాలకు నాలుగేసి జిల్లాల చొప్పున పరిధిని కేటాయించారు.

విశాఖపట్నంలోని సీబీఐ కేసుల ప్రత్యేక న్యాయస్థానం పరిధిని శ్రీకాకుళం, విజయనగరం, విశాఖ, తూర్పు గోదావరి జిల్లాల వరకు ఉంటుందని నిర్ధారిస్తూ రాష్ట్ర హోం శాఖ ఉత్తర్వులు వెలువరించింది. విజయవాడలో నూతనంగా ఏర్పాటు చేసిన సీబీఐ కేసుల అదనపు న్యాయస్థానం పరిధి పశ్చిమ గోదావరి, కృష్ణా, గుంటూరు, ప్రకాశం, నెల్లూరు జిల్లాల వరకూ ఉంటుందని హోంశాఖ స్పష్టం చేసింది.

అవినీతి నిరోధక చట్టం కింద నమోదైన కేసులు కాకుండా ఇతర కేసులను విజయవాడలోని ఐదో మెట్రోపాలిటన్ మెజిస్ట్రేట్ కోర్టు చేపడుతుందని ఉత్తర్వుల్లో పేర్కొంది.




Please Read Disclaimer