మార్కెట్‌లోకి బజాజ్ కారు.. మైలేజ్ 43 కిలోమీటర్లు

0

ప్రముఖ వాహన తయారీ కంపెనీ బజాజ్ ఎట్టకేలకు నాలుగు చక్రాల వాహనాలను మార్కెట్‌లోకి తీసుకుచ్చింది. దీని పేరు బజాజ్ క్యూట్. రాజస్థాన్‌లో మంగళవారం జరిగిన ఒక కార్యక్రమంలో కంపెనీ ఈ వాహనాన్ని మార్కెట్‌లో లాంచ్ చేసింది. బజాజ్ ఈ వాహనాన్ని క్వాడ్రిసైకిల్స్ అనే కొత్త విభాగం కింద మార్కెట్‌లో ఆవిష్కరించింది. బజాజ్ ఈ నాలుగు చక్రాల వాహనాన్ని మార్కెట్‌లోకి తీసుకువచ్చేందుకు చాలా అవరోధాలను ఎదుర్కొంది. నిబంధలకు అనువుగా ఇందులో చాలా మార్పులు చేసింది.

బజాజ్ క్యూట్ ధర రూ.2.63 లక్షల నుంచి ప్రారంభమౌతోంది. ఈ ధర పెట్రోల్ వేరియంట్‌కు వర్తిస్తుంది. ఇక ఇందులోనే సీఎన్‌జీ వేరియంట్ ధర రూ.2.83 లక్షలుగా ఉంది. అంచనాల కన్నా ధర ఎక్కువగా ఉండటం గమనార్హం.

కేంద్ర రోడ్డు రవాణ, రహదారుల మంత్రిత్వ శాఖ క్వాడ్రిసైకిల్స్ విభాగానికి సంబంధించిన కొన్ని నిబంధనలను రూపొందించింది. వీటి ప్రకారం క్వాడ్రిసైకిల్స్ విభాగం కింద మార్కెట్‌లోకి వచ్చే వాహనాల బరువు 475 కేజీలలోపు ఉండాలి. భద్రతా ప్రమాణాలు, ఉద్గార నిబంధనలను కచ్చితంగా పాటించాలి. క్రాష్ టెస్ట్ తప్పనిసరి.

బజాజ్ క్యూట్ ప్రత్యేకతలు..

❋ ఇంజిన్- 216.6 సీసీ సింగిల్ సిలిండర్ ఫోర్ స్ట్రోక్ లిక్విడ్ కూల్డ్
❋ మాగ్జిమమ్ పవర్- (పెట్రోల్) 13 హెచ్‌పీ@5500 ఆర్‌పీఎం
(సీఎన్‌జీ) 10.8 హెచ్‌పీ@5500 ఆర్‌పీఎం
❋ మాగ్జిమమ్ టార్క్- (పెట్రోల్) 18.9 ఎన్ఎం@4000 ఆర్‌పీఎం
(సీఎన్‌జీ) 16.1 ఎన్ఎం@4000 ఆర్‌పీఎం
❋ గేర్లు- 5
❋ ఫ్యూయెల్ ట్యాంక్ సామర్థ్యం- 8 లీటర్లు
❋ టాప్ స్పీడ్- గంటకు 70 కిలోమీటర్లు
❋ మైలేజ్- పెట్రోల్ వేరియంట్: లీటరుకు 35 కిలోమీటర్లు
సీఎన్‌జీ వేరియంట్: కిలోగ్రాముకు 43 కిలోమీటర్లు




Please Read Disclaimer