Bank లోన్ తీసుకున్న వారికి గుడ్ న్యూస్.. ఏడాదిపాటు ఈఎంఐలు కట్టక్కర్లేదు? కరోనా ఎఫెక్ట్!

0

కరోనా వైరస్ దెబ్బకి దేశం మొత్తం విలవిలలాడుతోంది. దాదాపు అన్ని రంగాలపై ప్రతికూల ప్రభావం పడింది. ప్రజలు కూడా తీవ్ర ఇబ్బందులు ఎదుర్కొంటున్నారు. ఇంట్లో నుంచి బయటకు కూడా రావడం తగ్గించేశారు. వ్యాపారులు చతికిలపడ్డారు. కంపెనీలు కూడా ఉద్యోగులను తొలగిస్తున్నాయి. వేతనాల్లో కోతలు విధిస్తున్నాయి. ఇక దైనందిన కూలీల గురించి ప్రత్యేకంగా చెప్పాల్సిన అవసరం లేదు. వీరైతే చాలా ఇబ్బందులు ఎదుర్కొంటున్నారు.

దేశంలో ఇలాంటి పరిస్థితులు నెలకొన్న నేపథ్యంలో పరిశ్రమ సమాఖ్య అసోచామ్.. బ్యాంక్ కస్టమర్లకు ఊరటనిచ్చే డిమాండ్‌ను తెర మీదకు తీసుకువచ్చింది. రుణ చెల్లింపులపై ఏడాది పాటు మారటోరియం కల్పించాలని బ్యాంకులను కోరింది. కార్పొరేట్స్, ఇండివీజువల్స్‌కు ఈ సదుపాయాన్ని కల్పించాలని తెలిపింది. కోవిడ్ 19 వల్ల ఆర్థిక వ్యవస్థపై ప్రతికూల ప్రభావం పడుతున్న నేపథ్యంలో అసోచామ్ ఈమేరకు బ్యాంకులను కోరింది.

అసోచామ్ రుణ చెల్లింపులపై తాజా ప్రతిపాదనను నేరుగా ఆర్థిక మంత్రి నిర్మలా సీతారామన్‌కు పంపింది. కోవిడ్ 19 ఎకనమిక్ రెస్పాన్స్ టాస్క్ ఫోర్స్‌కు ప్రస్తుతం నిర్మలా సీతారామన్‌ను హెడ్‌గా ఉన్న విషయం తెలిసిందే. కేంద్ర ప్రభుత్వం ఇటీవలనే ఈ టాస్క్ ఫోర్స్‌ను ఏర్పాటు చేసింది. కరోనా వైరస్ వల్ల ఇబ్బందులు ఎదుర్కొంటున్న వివిధ రంగాలను ఆదుకునేందుకు ఈ టాస్క్‌ ఫోర్స్ తగిన చర్యలు తీసుకుంటుంది.

కేవలం రుణ చెల్లింపులపై మారటోరియం మాత్రమే కాకుండా అసోచామ్ ఇంకా పలు ప్రతిపాదనలు చేసింది. దేశీ దిగ్గజ బీమా కంపెనీ లైఫ్ ఇన్సూరెన్స్ కార్పొరేషన్ (LIC) ద్వారా ఎన్‌బీఎఫ్‌సీ సంస్థలకు వెంటనే నిధులు అందజేసేలా చర్యలు తీసుకోవాలని సూచించింది.

కరోనా వైరస్ వంటి బ్లాక్ స్వాన్ ఈవెంట్లను ఎదుర్కునేందుకు సిద్ధం కావడం అంత సులువైన విషయం కాదని అసోచామ్ అభిప్రాయపడింది. ఇతర దేశాల మాదిరిగానే భారత్ కూడా కోవిడ్ 19 వల్ల తీవ్రంగానే నష్టపోతోందని తెలిపింది. దేశంలో ఇప్పటికే క్రెడిట్ ఎన్విరాన్‌మెంట్‌ ఇబ్బందుల్లో ఉందని, ఆర్థిక వ్యవస్థ వృద్ధి రేటు కూడా తగ్గిందని, ఇలాంటి పరిస్థితుల్లో కరోనా శరవేగంగా విస్తరిస్తుండటం ఇబ్బందికర అంశామని వివరించింది.

అంతేకాకుండా చట్టాలను సవరించాల్సి ఉందని అసోచామ్ అభిప్రాయపడింది. ఎన్‌బీఎఫ్‌సీలకు 100 శాతం జీఎస్‌టీ క్రెడిట్ ఆప్షన్ అందించాలని తెలిపింది. ప్రస్తుతం ఇది 50 శాతంగా ఉంది. ఇంకా మొండి బకాయిలు (ఎన్‌పీఏ) నిబంధనలను, కేటాయింపుల విధానాన్ని కూడా సమీక్షించాలని పేర్కొంది.




Please Read Disclaimer


30రూ|| మాస్క్ కేవలం 2రూ|| కే తయారు చేసుకోండి Make your own mask for Just Rs.2/-