జగన్‌ నాలుగేళ్లు ఉంటాడు, పోతాడు.. భావితరాల భవిష్యత్‌ ఏమవుతుంది?..బాబు

0

మంగళగిరిలోని టీడీపీ కేంద్ర కార్యాలయంలో సోమవారం విపక్ష నేత చంద్రబాబు మీడియాతో మాట్లాడుతూ.. తన ఆరోగ్యం గురించి ఆలోచించడం లేదని, రాష్ట్ర భవిష్యత్తు తరాల గురించే తాను ఆందోళన చెందుతున్నట్లు చెప్పారు.

ప్రజలు ఎలా వస్తారు?
నారావారిపల్లెలో వైసీపీ సభ నిర్వహణపై చంద్రబాబు వ్యంగ్యాస్త్రాలు సంధించారు. ‘‘బుద్ధి ఉన్నవారు ఎవరైనా మా ఉరి నుంచి విశాఖపట్నం వెళ్లాలని అనుకుంటారా? మంత్రులకు కనీసం ఆలోచన లేదా? మా ఊరి వాళ్లు అమరాతిని దాటి విశాఖ వెళ్లాలని ఆలోచిస్తారా? వంద శాతం అలా అనుకోరు. అలాంటప్పుడు మూడు రాజధానులకు మద్ధతుగా మా ఊరిలో వైసీపీ సభ నిర్వహిస్తే ప్రజలు ఎలా వస్తారు?’’ అని చంద్రబాబు వ్యాఖ్యానించారు. జగన్ పాలనలో బిహార్ కంటే దారుణంగా రాష్ట్రం తయారైందని విమర్శించారు.

ప్రజావేదిక ఏం పాపం చేసిందని కూల్చేశారని చంద్రబాబు ప్రశ్నించారు. ప్రజావేదికను వేరే పనులకు ఉపయోగించుకోవచ్చు కదా.. ప్రజాధనాన్ని దుర్వినియోగం చేసే హక్కు సీఎంకు ఎవరిచ్చారు? అని నిలదీశారు. ప్రభుత్వ చర్యల వల్ల పెట్టుబడులు కూడా రావని చెబుతున్నారని తెలిపారు. ఒక వ్యక్తి మూర్ఖత్వం వల్ల సోలార్‌, విండ్‌ ఎనర్జీ నాశనమయ్యాయని చంద్రబాబు మండిపడ్డారు. జగన్‌ నాలుగేళ్లు ఉంటాడు, పోతాడు.. భావితరాల భవిష్యత్‌ ఏమవుతుంది?.. విద్యార్థుల భవిష్యత్‌తో ఆడుకునే అధికారం మీకు ఎవరిచ్చారు? అని ప్రశ్నించారు.