కరోనా రోగులు బోర్లా పడుకుంటే… శ్వాస సమస్యలు ఉండవు

0

భారత్‌లో కరోనా శరవేగంగా వ్యాప్తి చెందుతోంది. రోజురోజుకు కరోనా బాధితుల సంఖ్య పెరుగుతోంది. ఇప్పటికే దేశ వ్యాప్తంగా కరోనా పాజిటివ్ కేసుల సంఖ్య 650 దాటింది. దీంతో సర్వత్రా ఆందోళన వ్యక్తమవుతోంది. ఆస్పత్రులు కరోనా రోగులతో,వైరస్ లక్షణాలు ఉన్నవారితో నిండిపోతున్నాయి. అయితే ఈ వైరస్ బారిన పడ్డ వారు అనేక రకాల సమస్యలతో సతమతమవుతున్నారు. తీవ్ర జ్వరం, జలుబు, దగ్గుతో ఇబ్బంది పడుతున్నారు. ప్రధానంగా అధికశాతం రోగులు మాత్రం శ్వాససంబంధిత సమస్యతో సతమతమవుతున్నారు. అయితే ఇలాంటి వారి కోసం చైనాలోని వూహాన్ వైద్యులు ఓ పరిష్కారం చెబుతున్నారు.

ఆస్పత్రుల్లో చికిత్సపొందుతున్న కొవిడ్‌-19 రోగుల్లో చాలామంది సరిగ్గా శ్వాస పీల్చుకోలేక ఇబ్బందిపడుతుంటారని డాక్టర్లు తెలిపారు. అలాంటి వాళ్లు…. తలకిందకు వంచి మంచంపై బోర్లా పడుకుంటే శ్వాస తీసుకోవడంలో ఎలాంటి సమస్యలు రావని గుర్తించారు. ఈ భంగిమలో రోగి నిద్రించినప్పుడు శ్వాసనాళాల ద్వా రా రెండు ఊపిరితిత్తుల్లోకి గాలి ఎలాంటి ఆటంకం లేకుండా ప్రవేశిస్తోందని తెలిపారు. వూహాన్‌లోని జిన్‌యింటాన్‌ ఆస్పత్రికి చెందిన వైద్యుల బృందం 12 మంది కొవిడ్‌-19 పాజిటివ్‌ రోగులపై అధ్యయనం జరిపి అనంతరం ఈ సమస్యకు ఓ పరిష్కారాన్ని కనుగొన్నారు.

కరోనా వైరస్ ముక్కు, నోరు ద్వారా గొంతులో చేరి నేరుగా ఊపిరితీత్తుల్లో తిష్ట వేస్తుంది. అక్కడకు వెళ్లిన వైరస్ అక్కడి కణాలను నాశనం చేయడం మొదలుపెడుతుంది. అది చేసే దాడిని తట్టుకొనే రోగ నిరోధక శక్తి శరీరానికి ఉంటే.. తప్పకుండా ప్రాణాలతో బయటపడవచ్చు. లేకుంటే.. వైరస్ పెట్టే హింసను భరిస్తూ నరకయాతన అనుభవించాలి. శ్వాస తీసుకోవడంలో నానా ఇబ్బందులు పడాలి. ఇప్పటికే అనేక మంది కోవిడ్ బాధితులు ఈ బాధను భరిస్తున్నారు. కరోనాతో పోరాటం చేస్తున్నారు. అయితే… మనం ఈ వైరస్‌ను సమర్థవంతంగా ఎదుర్కోవాలంటే… మనలో రోగ నిరోధక శక్తి ఎక్కువగా ఉండాలి. అప్పుడే మనం దీన్ని జయించి బయటపడగలుగతాం.




Please Read Disclaimer


30రూ|| మాస్క్ కేవలం 2రూ|| కే తయారు చేసుకోండి Make your own mask for Just Rs.2/-