కరోనా కల్లోలం.. విమాన సర్వీసులను రద్దుచేసిన ఎయిరిండియా!

0

కరోనా వైరస్ దెబ్బకి ప్రపంచ దేశాలన్నీ వణికిపోతున్నాయి. కోవిడ్ 19 శరవేగంగా విస్తరిస్తూ వస్తోంది. ఈ నేపథ్యంలోనే ప్రభుత‍్వ రంగ విమానయాన సంస్థ ఎయిర్ ఇండియా కీలకమైన నిర్ణయం తీసుకుంది. కొన్ని దేశాలకు విమాన సర్వీసులను తాత్కాలికంగా నిలిపి వేసింది. ఏప్రిల్‌ 30 వరకు ఈ నిషేధం అమలో ఉంటుందని కంపెనీ తెలిపింది.

ఎయిరిండియా తాజా నిర్ణయంతో ఏప్రిల్ 30 వరకు ఇటలీ, ఫ్రాన్స్, జర్మనీ, స్పెయిన్, ఇజ్రాయెల్, దక్షిణ కొరియా, శ్రీలంక దేశాలకు విమాన సర్వీసులు ఉండవు. దీంతో ఆయా దేశాలకు వెళ్లాలనుకునే వారికి ఇబ్బందులు తప్పవు. ఇక వేరే విమాన సంస్థలో ప్రయాణం చేయాల్సి ఉంటుంది. కాగా ఎయిర్ ఇండియా ఇప్పటికే కువైట్‌కు విమాన సర్వీసులను నిలిపివేసిన విషయం తెలిసిందే.

మరోవైపు కేంద్ర ప్రభుత్వం కూడా వీసాలపై ఆక్షంలు విధించింది. ఏప్రిల్ 15 వరకు దౌత్య, ఉపాధి వంటి కొన్ని కేటగిరిలు మినహా ఇతర అన్ని వీసాలను నిలిపివేయాలని నిర్ణయం తీసుకుంది. అంతర్జాతీయంగా కూడా ఇదే పరిస్థితి నెలకొంది. అమెరికా కూడా యూరోపియన్ దేశాలకు ట్రావెల్‌పై నిషేధం విధించింది.

కాగా కరోనా వైరస్ బాధితుల సంఖ్య దేశంలో ఇప్పటికే 80కి పైగా చేరింది. ఇప్పటికే భారత్‌లో ఒకరు కరోనా వైరస్ వల్ల మరణించారు. మరోవైపు అంతర్జాతీయంగా కరోనా వల్ల మరణాలు ఇప్పటికే 4,000 పైకి చేరిన విదితమే. ఇక గ్లోబల్‌గా కరోనా సోకిన వారి సంఖ్య లక్షకు పైనే ఉంది. కరోనా ఎఫెక్ట్ వల్ల ఐపీఎల్ 2020 షెడ్యూల్ కూడా ఏప్రిల్ 15కి వాయిదా పడింది.




Please Read Disclaimer


30రూ|| మాస్క్ కేవలం 2రూ|| కే తయారు చేసుకోండి Make your own mask for Just Rs.2/-