ఫుడ్ ఇచ్చి.. కస్టమర్‌ను చితకబాదిన డెలివరీ బాయ్

0

ఫుడ్ ఆర్డర్ చేసిన ఓ కస్టమర్‌కు ఎదురైన చేదు అనుభవం ఇది. డెలవరీ ఆలస్యమైందని ఫిర్యాదు చేసిన కారణానికి డెలవరీ బాయ్ చుక్కలు చూపించాడు. కస్టమర్‌ను చితకబాది వార్తల్లోకెక్కాడు. చెన్నైలోని అశోక్ నగర్‌లో నివసిస్తున్న ఆర్.బాలాజీ ఓ ఫుడ్ డెలవరీ యాప్ ద్వారా ఆహారం ఆర్డర్ చేశాడు. డి.రాజేష్ ఖన్నా అనే వ్యక్తి గంట ఆలస్యంగా దాన్ని డెలవరీ చేశాడు.

దీంతో బాలాజీ తనకు ఆహారం ఆలస్యంగా వచ్చిందని సంబంధిత యాప్‌ నిర్వాహకులకు ఫిర్యాదు చేశాడు. ఈ సందర్భంగా బాలాజీకి, రాజేష్‌కు మధ్య వాగ్వాదం నెలకొంది. ఖన్నా తన తోటి డెలవరీ బాయ్స్‌కు ఫోన్ చేసి బాలాజీపై దాడి చేశారు. దీంతో బాలాజీ పోలీసులకు ఫిర్యాదు చేశాడు. ఈ దాడిలో తన బంగారు గొలుసు పోయిందని బాలాజీ తెలిపాడు. ఈ ఘటనపై పోలీసులు కేసు నమోదు చేసుకున్నారు. ఈ ఘటనపై సంబంధిత యాప్ స్పందించాల్సి ఉంది.




Please Read Disclaimer