తెలుగులో ఇంగ్లాండ్ యువకుడి కుశల ప్రశ్నలు.. మాంచెస్టర్‌లో మనోళ్లు ఫిదా!

0

ఇంగ్లిష్ వాళ్లు తెలుగులో మాట్లాడటం ఎప్పుడైనా విన్నారా? పాత సినిమాల్లో జగ్గయ్య బ్రిటిషర్‌గా వేషం కట్టి తెంగ్లిష్‌లో మాట్లాడమే ఇప్పటి వరకూ మనకు తెలుసు కదూ. సీపీ బ్రౌన్ లాంటి మహానీయుడు.. తెలుగు భాష కోసం విశేష కృషి చేశాడు. కానీ ఇంగ్లాండ్ గడ్డ మీద శ్వేత జాతీయుడి నోట.. తేట తెలుగు మాట వినిపిస్తే.. నిజంగా అబ్బురమే కదూ. మాంచెస్టర్‌లో భారత్, న్యూజిలాండ్ మధ్య జరిగిన సెమీస్ మ్యాచ్ చూసేందుకు వెళ్లిన తెలుగు వారికి ఇలాంటి అనుభవమే ఎదురైంది.

మాంచెస్టర్‌లో ఓ స్టోర్‌లో పని చేస్తున్న ఇంగ్లిష్ యువకుడు తెలుగులో మాట్లాడతాడని తెలుసుకున్న కొందరు ప్రవాసాంధ్రులు అతడి దగ్గరకు వెళ్లారు. మీ తెలుగు విందామని ఇక్కడి దాకా వచ్చామని మనోళ్లు అనగానే.. తెలుగులో చెప్పండి అంటూ.. అతడు మాట్లాడటంతో అవక్కవడం మనవాళ్ల వంతైంది. తెలుగు చాలా మంచి భాష.. అంటూ కితాబిచ్చాడు.

ఇక్కడికి రాకముందు మీరు హైదరాబాద్‌లో ఉన్నారా? అని ప్రశ్నించాడు. నేను రెండేళ్లు ఆంధ్రప్రదేశ్‌లోని విశాఖపట్నం, విజయవాడల్లో ఉన్నానని, అప్పుడే తెలుగు నేర్చుకున్నానని చెప్పాడు. భీమవరం అంటే.. నాకు తెలుసు కానీ వెళ్లలేదన్నాడు. మీరందరూ విజయవాడ వాళ్లా..? ఎప్పుడైనా విజయవాడ వెళ్తారా? అంటూ అచ్చమైన తెలుగులో మాట్లాడాడు. ఈ వీడియో వైరల్‌గా మారింది.




Please Read Disclaimer