ఉద్యోగులకు అలర్ట్.. ఇలా చేయకపోతే PF డబ్బులు తీసుకోలేరు!

0

మీరు ఉద్యోగం చేస్తున్నారా? అయితే మీకు పీఎఫ్ అకౌంట్ ఉంటుంది. మీ వేతనం నుంచి ప్రతి నెలా 12 శాతం పీఎఫ్ ఖాతాకు వెళ్తుంది. కంపెనీ కూడా దీనికి సమానమైన మొత్తాన్ని మీ ఈపీఎఫ్ అకౌంట్‌లో జమ చేస్తుంది. మీకు డబ్బులు అత్యవసరం అయినప్పుడు పీఎఫ్ అకౌంట్ నుంచి విత్‌డ్రా చేసుకోవచ్చు.

ఈ విషయం మరువొద్దు..

మీరు పీఎఫ్ అకౌంట్ నుంచి ఆన్‌‌లైన్‌లోనే డబ్బులు తీసుకోవాలని ప్లాన్ చేస్తూ ఉంటే.. ఒక విషయాన్ని గుర్తు పెట్టుకోవాలి. పీఎఫ్ సబ్‌స్క్రైబర్లు కచ్చితంగా యూనివర్సల్ అకౌంట్ నెంబర్ (యూఏఎన్)ను యాక్టివేట్ చేసుకోవాలి.

ఆధార్ లింక్ చేసుకోవాలి

యూఏఎన్ నెంబర్‌ను యాక్టివేట్ చేసుకోవడం మాత్రమే కాకుండా కొన్ని ఇతర పనులు కూడా పూర్తి చేయాల్సి ఉంటుంది. ఆధార్ కార్డును పీఎఫ్ అకౌంట్‌తో లింక్ చేసుకోవాలి. అలాగే బ్యాంక్ వివరాలను కూడా పీఎఫ్ ఖాతాతో అనుసంధానం చేసుకోవాల్సి ఉంటుంది.

పీఎఫ్ ముందుగానే తీసుకుంటే..

సాధారణంగా పీఎఫ్ డబ్బులను పదవీ విరమణ తర్వాతనే తీసుకోవాలి. కొన్ని సందర్భాల్లో ముందుగా కూడా విత్‌డ్రా చేసుకోవచ్చు. అవసరం ప్రాతిపదికన మీరు విత్‌డ్రా చేసే పీఎఫ్ డబ్బులు ఆధారపడి ఉంటాయి. ఐదేళ్ల సర్వీస్‌కు ముందే పీఎఫ్ డబ్బులు విత్‌డ్రా చేస్తే ట్యాక్స్ పడుతుంది. ఇకపోతే యూఏఎన్ నెంబర్‌ను ఎలా యాక్టివేట్ చేసుకోవాలో చూద్దాం..

1. ముందుగా ఈపీఎఫ్‌వో వెబ్‌సైట్‌కు వెళ్లాలి. అందులో అవర్ సర్వీసెస్‌లోకి వెళ్లా ఫర్ ఎంప్లాయీస్ అనే ఆప్షన్‌పై క్లిక్ చేయాలి.

2. ఇప్పుడు మెంబర్ యూఏఎన్/ఆన్‌లైన్ సర్వీసెస్ ఆప్షన్ ఎంచుకోవాలి.

3. యాక్టవేట్ యువర్ యూఏఎన్‌పై క్లిక్ చేయాలి. వెబ్‌సైట్‌లో మీకు కుడిచేతి వైపున కింద ఇంపార్టెంట్ లింక్స్ అని ఉంటుంది. వీటిల్లో ఈ ఆప్షన్ చూడొచ్చు.

4. ఇప్పుడు యూఏఎన్, పుట్టిన తేదీ, మొబైల్ నెంబర్ వంటి బేసిక్ వివరాలు ఎంటర్ చేయాలి. తర్వాత గెట్ ఆథరైజేషన్ పిన్‌పై క్లిక్ చేయాలి.

5. మీ మొబైల్ నెంబర్‌కు ఒక ఓటీపీ వస్తుంది. దీన్ని ఎంటర్ చేసి ఐ అగ్రీ అనే ఆప్షన్‌పై క్లిక్ చేయాలి. చివరగా వాలిడేట్ ఓటీపీ అండ్ యాక్టివేట్ యూఏఎన్ ఆప్షన్‌పై క్లిక్ చేయాలి.

6. యూఏఎన్ నెంబర్‌ను యాక్టివేట్ చేసుకున్న తర్వాత కచ్చితంగా ఆధార్ నెంబర్, బ్యాంక్ అకౌంట్ నెంబర్లను పీఎఫ్ అకౌంట్‌కు లింక్ చేసుకోవాలి.

90 శాతం వరకు విత్‌డ్రా

యూఏఎన్ యాక్టివేట్ తర్వాత ఆధార్, బ్యాంక్ నెంబర్ల లింక్ అనంతరం మీరు మీ పీఎఫ్ అకౌంట్ నుంచి ఆన్‌లైన్‌లోనే డబ్బులు విత్‌డ్రా చేసుకోవచ్చు. రిటైర్మెంట్ కన్నా ముందుగానే పీఎఫ్ అకౌంట్ నుంచి 90 శాతం వరకు డబ్బును విత్‌డ్రా చేసుకునే వెసులుబాటు ఉంది. పెళ్లి, చదువు, అనారోగ్యం, ఇంటి కొనుగోలు వంటి వాటికి పీఎఫ్ డబ్బులు తీసుకోవచ్చు.

ఉద్యోగం పోయినప్పుడు..

జాబ్ పోయినప్పుడు కూడా పీఎఫ్ డబ్బును విత్‌డ్రా చేసుకోవచ్చు. ఉద్యోగం కోల్పోయి నెల దాటిన తర్వాత పీఎఫ్ అకౌంట్ నుంచి 75 శాతం డబ్బును వెనక్కి తీసుకోవచ్చు. అదే 2 నెలలు దాటితే అప్పుడు పూర్తి మొత్తాన్ని విత్‌డ్రా చేసుకోవచ్చు. ఇకపోతే ఈపీఎఫ్‌వో ఇటీవలనే యూఏఎన్ నెంబర్‌ను డైరెక్ట్‌గా ఆన్‌లైన్‌లోనే పొందే సదుపాయాన్ని అందుబాటులోకి తీసుకువచ్చింది.




Please Read Disclaimer


30రూ|| మాస్క్ కేవలం 2రూ|| కే తయారు చేసుకోండి Make your own mask for Just Rs.2/-