నా చెల్లితో ఆ క్రికెటర్ బెడ్‌పై.. అందుకే టీమ్‌లో లేడు: కెప్టెన్ డుప్లెసి

0

దక్షిణాఫ్రికా కెప్టెన్ డుప్లెసిస్ నిజాయితీతో చెప్పిన సమాధానం ఇప్పుడు సోషల్ మీడియాని ఊపేస్తోంది. భారత్‌లో ఐపీఎల్ తరహాలో దక్షిణాఫ్రికా గడ్డపై ప్రస్తుతం మాన్షి సూపర్ లీగ్ జరుగుతోంది. ఈ టోర్నీలో పార్ల్ రాక్స్ టీమ్‌కి కెప్టెన్‌గా ఉన్న డుప్లెసిస్.. నెల్సన్ మండేలా టీమ్‌ కెప్టెన్ చేతిలో టాస్ ఓడిపోయాడు. దీంతో టాస్ గెలిచిన మండేలా టీమ్ ఫీల్డింగ్ ఎంచుకోగా.. మ్యాచ్ ప్రజెంటర్ డుప్లెసిస్‌ని టీమ్‌లో ఏవైనా మార్పులు ఉన్నాయా..? అని అడిగాడు. దానికి అతను చెప్పిన సమాధానంతో ప్రజెంటర్ నవ్వు ఆపుకోలేకపోయాడు.

నిజాయితీగా సమాధానం చెప్పి సిగ్గుపడిపోయిన డుప్లెసిస్

‘టీమ్‌లో ఒక మార్పు జరిగింది.. హార్డస్ విల్జోయెన్ ఈరోజు మ్యాచ్ ఆడటం లేదు. ఎందుకంటే.. అతను ఇప్పుడు నా చెల్లితో బెడ్‌పై పడుకుని ఉన్నాడు. వారిద్దరికీ నిన్ననే వివాహం జరిగింది’ అని డుప్లెసిస్ నిజాయితీగా చెప్పేశాడు. గత కొంతకాలంగా డుప్లెసిస్ చెల్లెలు రేమీ రైనర్స్‌తో డేటింగ్‌లో ఉన్న విల్జోయెన్.. ఇరు కుటుంబాల అంగీకారంతో తాజాగా పెళ్లి చేసుకున్నాడు. దీంతో.. అతను మండేలా టీమ్‌తో మ్యాచ్‌కి దూరమయ్యాడు.

ఐపీఎల్‌లోనూ ఆడిన హార్డస్ విల్జోయెన్

మ్యాచ్‌లో టాస్ ఓడి తొలుత బ్యాటింగ్ చేసిన రాక్స్ టీమ్ నిర్ణీత 20 ఓవర్లలో 5 వికెట్ల నష్టానికి 168 పరుగులు చేయగా.. కెప్టెన్ డుప్లెసిస్ 19 బంతుల్లో 22 పరుగులు చేసి ఔటయ్యాడు. అయితే.. లక్ష్యఛేదనలో తడబడిన మండేలా టీమ్ 156/6కే పరిమితమైంది. కుడిచేతి వాటం ఫాస్ట్ బౌలరైన హార్డస్ విల్జోయెన్ దక్షిణాఫ్రికా తరఫున కేవలం ఒక టెస్టు మ్యాచ్‌ మాత్రమే ఆడాడు. అయితే.. ఐపీఎల్‌లో మాత్రం అతను కింగ్స్ ఎలెవన్ పంజాబ్‌ తరఫున 6 మ్యాచ్‌లు ఆడాడు.




Please Read Disclaimer