మన శాస్త్రవేత్తల ఘనత: గుడ్ న్యూస్.. వైరస్ కు మందు ఆవిష్కరణ

0

ప్రపంచవ్యాప్తంగా వైరస్ వ్యాప్తి చెందుతుండగా దాని నివారణకు.. నిరోధించేందుకు పరిశోధనా సంస్థలు వైద్య సంస్థలు విశ్వవిద్యాలయాలు శాస్త్రతవేత్తలు పరిశోధకులు విస్తృతంగా పరిశోధనలు చేస్తున్నారు. మందు కనిపెట్టేందుకు ముమ్మరంగా శ్రమిస్తున్నారు. వారితో పాటు భారతదేశం కూడా తీవ్రంగా ప్రయత్నిస్తూ చివరకు ఎట్టకేలకు మందును కనిపెట్టింది. మహమ్మారి వైరస్ నుంచి ప్రజలను కాపాడేందుకు భారత శాస్త్రవేత్తలు వ్యాక్సిన్ కనుక్కున్నారు. ఇది నిజంగా శుభవార్త. ప్రపంచ దేశాలతో పోటీ పడి భారత శాస్త్రవేత్తలు మందు కనిపెట్టడం విశేషం. ఈ మందుకు ఐసీఎంఆర్ ఆమోదం కూడా తెలిపింది. దీంతో త్వరలోనే మార్కెట్లోకి ఈ మందు రానుంది.

దానికి సంబంధించిన వివరాలు ఇలా ఉన్నాయి.. మహారాష్ట్రలోని ముంబైకి చెందిన గ్లెన్మార్క్ సంస్థ వైరస్కు మందు కనిపెట్టేందుకు విస్తృత పరిశోధనలు చేసింది. ఫాబి ఫ్లూ అనే ట్యాబ్లెట్ను ఆవిష్కరించింది. ఈ ట్యాబ్లెట్కు భారత వైద్య పరిశోధన సంస్థ ఆమోదం తెలిపింది. దీంతో త్వరలోనే ఈ మందు మార్కెట్లోకి రాబోతోంది. వైరస్ సోకిన బాధితులు మొదటి రోజు 1800 ఎంజీ ట్యాబ్లెట్ తీసుకోవాలని ఆ సంస్థ తెలిపింది. తర్వాత 14 రోజులు 800 ఎంజీ ట్యాబ్లెట్ రోజుకు రెండుసార్లు చొప్పున వేసుకోవాల్సి ఉంది. మధుమేహం బీపీ ఉన్నవాళ్లు కూడా ఈ మందు వాడొచ్చు. దీని ధర కేవలం రూ.103.

ఈ మందు ఆవిష్కరణతో భారతదేశం వైరస్కు మందు కనిపెట్టిన తొలిదేశంగా నిలవనుంది. ఈ మందు ఆవిష్కరించిన విషయం తెలిసి ప్రపంచ దేశాలు భారత్ వైపు చూస్తున్నాయి. అభివృద్ధి చెందుతున్న దేశాలకు సాధ్యం కాని పని మన దేశ శాస్త్రవేత్తలు పరిశోధకులు కనిపెట్టి చూపించారు. దీంతో భారతదేశం మహమ్మారి వైరస్ నుంచి త్వరలోనే భూగోళాన్ని బయటపడేయనుంది.




Please Read Disclaimer