గుడ్ న్యూస్.. కోలుకున్న కరోనా బాధితుడు!

0

తెలంగాణలో నమోదైన తొలి కరోనా కేసు బాధితుడు కోలుకుంటున్నాడు. హైదరాబాద్ గాందీ ఆస్పత్రిలో ఉన్న యువకుడి తాజా శాంపిల్స్‌లో నెగెటివ్ అని తేలిందని సమాచారం అందుతోంది. అతడికి జ్వరం తగ్గి, బీపీ కంట్రోల్ అయ్యింది.. న్యూమోనియా తగ్గడంతో శాంపిల్స్ తీసి తీసి గాంధీ మెడికల్‌ కాలేజీలోని వైరాలజీ ల్యాబ్‌కు పంపారు. నెగెటివ్‌ అని తేలడంతో ఆస్పత్రి డాక్టర్లు, సిబ్బంది ఊపిరి పీల్చుకున్నారు.

ఇక్కడ నెగిటివ్ వచ్చినా.. మరోసారి క్లారిటీకి వచ్చేందుకు యువకుడి శాంపిల్స్‌ను పుణెలోని వైరాలజీ ల్యాబ్‌కు పంపించనున్నారు. శాంపిల్స్ సేకరించి పుణె వైరాలజీ ల్యాబ్‌కు పంపుతారు. అక్కడినుంచి నివేదిక నెగెటివ్‌ అని వస్తే సాధ్యమైనంత త్వరగా డిశ్చార్జి చేసే అవకాశముంది. తర్వాత మరో రెండు, మూడు వారాలు అతడి ఆరోగ్య పరిస్థితిని సమీక్షించాలని.. కొన్ని జాగ్రత్తలు తీసుకోవాలని డాక్టర్లు చెబుతున్నారు.

సాఫ్ట్‌వేర్‌ ఇంజనీర్‌ అయిన యువకుడు ఇటీవల దుబాయ్‌ వెళ్లి వచ్చాడు. వైరస్ లక్షణాలతో గాంధీ ఆస్పత్రికి వెళ్లగా పాజిటివ్ తేలింది. అతడికి మెరుగైన చికిత్స అందించారు డాక్టర్లు.. దీంతో కోలుకున్నాడు. మరోవైపు కరోనా లక్షణాలతో సోమవారం మరో 11 మంది గాంధీ ఆస్పత్రికి వెళ్లారు. వారి శాంపిల్స్ సేకరించి పుణె పంపించారు. ఇదిలా ఉంటే శంషాబాద్ ఎయిర్‌పోర్టులో ఒక్కరోజే 3,517 మందికి స్క్రీనింగ్ చేశారు. 51 మందికి అనుమానిత లక్షణాలు గుర్తించగా.. 40 మందిని వారి ఇళ్లలోనే ఉంచి సమీక్ష చేస్తున్నారు. ఎయిర్‌పోర్టును తెలంగాణ మంత్రి ఈటల రాజేందర్ కూడా పరిశీలించారు.. అక్కడ స్క్రీనింగ్ టెస్టులపై ఆరా తీశారు. కరోనా పరీక్షల కోసం రాష్ట్రంలో మరో రెండు ల్యాబ్‌లను ఏర్పాటు చేయాలని కేంద్రాన్ని తెలంగాణ సర్కార్ కోరింది.




Please Read Disclaimer


30రూ|| మాస్క్ కేవలం 2రూ|| కే తయారు చేసుకోండి Make your own mask for Just Rs.2/-