కరోనాపై పోరాటంలో భారతీయ శాస్త్రవేత్తలు కీలక ముందడుగు

0

ప్రాణాంతక కరోనా వైరస్‌ మూలాలను సమర్ధవంతంగా వేరుచేసిన దేశాల జాబితాలో భారత్ ఐదో స్థానంలో నిలిచింది. కోవిడ్‌ వైరస్ మూలాలను చైనా, జపాన్, థాయ్‌లాండ్, అమెరికా తర్వాత భారతీయ శాస్త్రవేత్తలు గుర్తించారు. సరళంగా చెప్పాలంటే మానవ శరీరం వెలుపల ఉన్న కరోనా వైరస్ నమూనాలను సేకరించడంలో శాస్త్రవేత్తలు విజయం సాధించారు. శాస్త్రీయంగా ఇది కీలక విజయమని, ఎందుకంటే కోవిడ్ 19కు చికిత్స, వ్యాక్సిన్, నిర్ధారణ కిట్స్‌ను అభివృద్ధి చేయడానికి సహకరిస్తుందని ఇండియన్ కౌన్సిల్ ఆఫ్ మెడికల్ రిసెర్చ్ (ఐసీఎంఆర్) డైరెక్టర్ జనరల్ డాక్టర్ బలరాం భార్గవ్ అన్నారు. కోవిడ్ 19వ్యాప్తికి కారణమైన వైరస్‌ను వేరుచేయడం అంత సులభం కాదని, ఈ ప్రాజెక్టును ప్రారంభించినప్పుడు భారతదేశానికి తక్కువ సానుకూలత ఉందని ఆయన పేర్కొన్నారు.

వైరస్ మూలాలు గుర్తించడానికి మొత్తం 21 మంది గొంతు, ముక్కుల నుంచి నమూనాలు సేకరించాం.. వీరిలో 11 మందికి వైరస్ నిర్ధారణ కాగా.. అందులో నుంచి దాని మూలాలను వేరు చేశాం.. ఈ మూలాలు చైనాలోని వుహాన్‌లో కోవిడ్ వ్యాప్తికి దారితీసిన వైరస్‌తో 99.98 శాతం సరిపోలినట్టు ఐసీఎంఆర్ అంటువ్యాధుల విభాగం చీఫ్ డాక్టర్ ఆర్ఆర్ గంగాఖేడ్కర్ తెలిపారు. ఒక డ్రగ్ వైరస్‌కు వ్యతిరేకంగా పనిచేస్తుందా లేదా వ్యాధిని వేగంగా నిర్దారించే కిట్‌లను అభివృద్ధి చేయవచ్చే అనేది శాస్త్రవేత్తలు పరీక్షించే అవకాశం ఏర్పడిందన్నారు.

మానవ శరీరం నుంచి వేరుచేసిన కరోనా వైరస్ జీవ పరిణామాన్ని అర్థం చేసుకోవడానికి కూడా సహాయపడుతుందని నిపుణులు అంటున్నారు. ఇప్పటి వరకు కోవిడ్ 19కు నివారణే లేదని, నిరోధించే వ్యాక్సిన్ కూడా లేదు. హెచ్ఐవీ వ్యాధిగ్రస్తులకు వినియోగించే లుపీనవీర్, రిటోనవీర్‌ను కొంత మంది కరోనా బాధితులకు చికిత్సలో వాడుతున్నారు. జైపూర్‌లో చికిత్స పొందుతున్న ఇటలీ దంపతలకు వారి అనుమతితో ఈ ఔషధాలను వినియోగిస్తున్నారు. ప్రస్తుతం బాధితులు కోలుకుంటున్నారు కానీ, తర్వలోనే సరైన చికిత్సను అందుబాటులోకి తెస్తామని శాస్త్రవేత్తలు పేర్కొంటున్నారు.

మధ్య ఆసియాలో 2014లో ఎబోలా వైరస్ వ్యాప్తిచెందినప్పుడు రెమిడిసివర్ ఔషధాన్ని బాధితులకు అందజేశారని, ప్రస్తుతం కోవిడ్ 19కి చికిత్సలోనూ దీని మెరుగైన ఫలితాలు ఉంటాయని ప్రపంచ ఆరోగ్య సంస్థ నిపుణులు పేర్కొన్నారు. ఎందుకంటే ఇన్-విట్రో (ట్యూబ్‌లో నిర్వహించే పరీక్షలు), ఇన్-వివో (జీవుల అవయాల్లోని పరీక్షలు) సమాచారం ప్రకారం కరోనా వైరస్‌కు ఔషధాలు అందుబాటులోకి వస్తాయని, ఇంకా, రెమ్‌డెసివిర్ ఉపయోగించి ఎలుకలలో చేసిన అధ్యయనాలు కాలేట్రా పాజిటివ్ ఎఎఫ్ఎన్ బేటాపై ఉన్నతమైన సామర్థ్యాన్ని చూపించాయని నివేదిక తెలిపింది.

ఔషధ భద్రత, సామర్థ్యాన్ని అంచనా వేయడానికి ఆప్టిమైజ్డ్ స్టాండర్డ్ కేర్‌తో కలిసి చైనాలో క్లినికల్ ట్రయల్ ప్లాన్ చేస్తున్నట్లు నివేదిక పేర్కొంది. ఆరోగ్యకరమైన కణాలకు వైరస్‌ను వ్యాపించకుండూ రెమ్‌డెసివిర్ నిరోధిస్తుంది. అలాగే, కోవిడ్ చికిత్సలో లుపీనివిర్, రిటోనివిర్‌ను ఐఎఫ్ఎన్ బేటాతో కలిసి లేదా వేర్వేరుగా వినియోగించడంపై డబ్ల్యూహెచ్ఓ నిపుణులు సమీక్షిస్తున్నారు.




Please Read Disclaimer


30రూ|| మాస్క్ కేవలం 2రూ|| కే తయారు చేసుకోండి Make your own mask for Just Rs.2/-