డేటాను ఎక్కువగా ఉపయోగిస్తారా? అయితే ఈ Jio ప్లాన్ మీకోసమే!

0

రిలయన్స్ జియో మనదేశంలో సేవలు అందించడం ప్రారంభించి నాలుగు సంవత్సరాలు అవుతోంది. అయితే మార్కెట్లోనే అత్యంత చవకైన డేటా ప్లాన్లను వినియోగదారులకు అందించడంలో ఇప్పటికీ జియోనే ముందుంది. టారిఫ్ హైక్ అనంతరం కూడా మార్కెట్లో జియోనే అత్యంత చవకైన ప్లాన్లను కలిగి ఉంది అనడంలో ఎటువంటి అతిశయోక్తీ లేదు. అయితే వేరే నెట్ వర్క్ లకు చేసుకునే కాల్స్ కు ఐయూసీ చార్జీలను విధించడం ఒక్కటే వినియోగదారులకు మింగుడు పడటం లేదు. అయితే డేటాను ఎక్కువగా ఉపయోగించేవారి కోసం మాత్రమే జియోలో ఒక ప్లాన్ అందుబాటులో ఉంది. అదే రూ.251 ప్లాన్.

​కేవలం డేటా మాత్రమే

అయితే రిలయన్స్ జియోలో కేవలం డేటాను మాత్రమే అందించే ప్లాన్ కూడా ఉంది. అదే రూ.251 ప్లాన్. ఈ మొత్తంతో రీచార్జ్ చేసుకుంటే రోజుకు 2 జీబీ డేటా 51 రోజుల పాటు లభిస్తుంది. ఈ ప్లాన్ ద్వారా కాలింగ్, ఎస్ఎంఎస్ లాభాలు ఏవీ అందుబాటులో ఉండవు. ప్రస్తుతం ఉన్న పరిస్థితుల్లో డేటాను మాత్రమే కోరుకునే వారికి ఇది అత్యుత్తమ రీచార్జ్ ప్లాన్.

డేటా బూస్టర్ కాదు!

రిలయన్స్ జియోలో ప్రస్తుతం డేటా బూస్టర్లు అందుబాటులో ఉన్నాయి. వీటిలో రూ.11తో రీచార్జ్ చేస్తే 400 ఎంబీ, రూ.21తో రీచార్జ్ చేస్తే 1 జీబీ, రూ.51తో రీచార్జ్ చేస్తే 3 జీబీ, రూ.101తో రీచార్జ్ చేస్తే 6 జీబీ డేటా లభించనున్నాయి. అయితే వీటి వ్యాలిడిటీ మీ ప్రస్తుత ప్లాన్ తో ముగిసిపోతుంది. కానీ రూ.251 ప్లాన్ వ్యాలిడిటీ మీ ప్రస్తుత ప్లాన్ వ్యాలిడిటీతో సంబంధం లేకుండా 51 రోజుల పాటు ఉండనుంది. జియో క్రికెట్ ప్యాక్ కిందకు ఈ ప్లాన్ రానుంది.

​ఒక్క జీబీ రూ.2.46 మాత్రమే!

ఈ ప్లాన్ తో రీచార్జ్ చేస్తే మీకు 51 రోజుల పాటు రోజుకు 2 జీబీ డేటా లభిస్తుంది. అంటే మొత్తంగా 102 జీబీ డేటా అన్నమాట. దీన్ని బట్టి చూస్తే మీకు ఒక్క జీబీ రూ.2.46కే లభిస్తుంది. చాలా చవక కదా! కాబట్టి మీరు డేటాను ఎక్కువగా వినియోగించేవారైతే.. తక్కువ డేటాను అందించే ఒక రీచార్జ్ తో కలిపి ఈ ప్లాన్ రీచార్జ్ చేసుకుంటే మీకు కాస్త లాభదాయకంగా ఉండనుంది.

​ఇలా చేస్తే రోజుకు 3.5 జీబీ!

ఉదాహరణకు మీరు రూ.399 ప్రీపెయిడ్ ప్లాన్ తో రీచార్జ్ చేసుకున్నట్లయితే 56 రోజుల పాటు రోజుకు 1.5 జీబీ డేటా లభిస్తుంది. అలాగే దీంతోపాటు రూ.251 ప్లాన్ తో కూడా రీచార్జ్ చేసుకున్నట్లయితే.. మీకు ఈ ప్లాన్ ద్వారా 51 రోజుల పాటు ప్రతి రోజూ 2 జీబీ డేటా లభిస్తుంది. అంటే మొదటి 51 రోజుల పాటు రోజుకు 3.5 డేటా లాభాలను ఎంజాయ్ చేయవచ్చన్న మాట. అదే మీరు రోజుకు 2 జీబీ డేటా అందించే ప్లాన్ తో రీచార్జ్ చేసుకున్నట్లయితే.. రోజుకు 4 జీబీ డేటాను పొందవచ్చు.

​భారీగా పెరిగిన డేటా ధర

డిసెంబర్ 2019 ప్రారంభంలో టాప్-3 టెల్కోలు తమ ప్రీపెయిడ్ రీచార్జ్ లపై టారిఫ్ హైక్ లను తీసుకువచ్చిన సంగతి తెలిసిందే. దీంతో డేటా ధర కూడా భారీగా పెరిగింది. గతంలో సరాసరిన జియో 1 జీబీకి రూ.3.52 వసూలు చేసేది. టారిఫ్ పెంపు అనంతరం అది రూ.4.73కు చేరింది. ఎయిర్ టెల్, వొడాఫోన్ ల విషయంలో అయితే 1 జీబీ ధర ఏకంగా రూ.5.92కు పెరిగింది. ఈ నేపథ్యంలో జియో రూ.251 ప్లాన్ ను తీసుకురావడం డేటాను ఎక్కువగా వాడే వినియోగదారులకు కాస్త ఊరటనిచ్చే అంశం.




Please Read Disclaimer