తెల్లారే సరికి ఉరితీసే దమ్ము మీకుందా? వైరల్ అవుతున్న ఎన్టీఆర్ డైలాగ్స్

0

హైదరాబాద్ నగర శివార్లలో వెటర్నరీ డాక్టర్‌ను అత్యంత పాశవికంగా రేప్ చేసి, హత్య చేసి, పెట్రోల్ పోసి తగలబెట్టిన నలుగురు కామాంధులను కఠినంగా శిక్షించాలంటూ దేశ వ్యాప్తంగా నిరసన జ్వాలలు రేగాయి. వాళ్లను పందికొక్కుల్లా పోలీస్‌ల పరిరక్షణలో మేపండం కాదు.. బహిరంగంగా ఉరితీయాలంటూ ఉవ్వెత్తున గళం వినిపిస్తోంది.

క్రూరమృగాళ్లను చంపేయడమే అసలు శిక్ష..

ఈ తరుణంలో జూనియర్ ఎన్టీఆర్ నటించిన రాఖీ, టెంపర్ చిత్రాల్లోని ఎమోషనల్ డైలాగ్స్ సోషల్ మీడియాలో వైరల్ అవుతున్నాయి. అమ్మలా కాపాడుకోవాల్సిన అమ్మాయిల్ని క్రూరమృగాళ్లుగా మీద పడి రేప్‌లు చేసి చంపేస్తుంటే వాళ్లకు తగిన శిక్ష చంపేయడమే అంటూ ఎన్టీఆర్ చెప్పిన డైలాగ్స్ కంటతడిపెట్టిస్తున్నాయి. ఆ డైలాగ్స్ మీకోసం..

జన్మకు కారణమైన ఆడదానిపై ఎన్ని దారుణాలు.. ఇంకెన్ని

మొత్తం 49 మర్డర్స్ నేనే చేశాను.. పూర్తి సృహతో పూర్తి ఆరోగ్యంతో పగడ్భందీగా ప్లాన్ చేసి మరీ చంపేశా. దానికి పూర్తి బాధ్యత నాదే సార్. సార్ ఒక యాభై మందిని చంపేయగానే మీడియా ప్రభుత్వం ప్రజలు అదేదో అణుబాంబు పడ్డట్టు అల్లకల్లోలం అయిపోయారే.. మన జన్మలకు కారణమై, మన రక్తాలు పంచుకుని మన జీవితంలో సగభాగమైన ఆడవాళ్ల మీద ఎన్ని.. ఎన్ని.. ఎన్ని.. దారుణాలు సార్. నీచాతినీచంగా క్రూరాతి క్రూరంగా జరుగుతున్నాయి.

అమ్మ.. అక్క.. చెల్లి.. బయటకు వెళ్తే బిక్కు బిక్కుమంటూ ఉండాలా?

ఒక్కడైనా సార్.. పట్టించుకున్నాడా? నిలదీశాడా? పోనీ ఆపే ప్రయత్నమైనా చేశాడా? అసలేం జరుగుతుంది మన దేశంలో…? మన అమ్మలు.. మన అక్కలు.. మన చెల్లెల్లు బయటకు వెళ్తే.. తిరిగి వచ్చేవరకూ ఎందుకు సార్ మనం భయం భయంగా ఉంటున్నాం. బిక్కు బిక్కుమంటూ ఎందుకు ఉంటున్నాం. అరే.. వాళ్లు ఏమైనా అడవుల్లోకి ఎడారుల్లోకి వెళ్తున్నారా? మనలాంటి మనుషుల మధ్యలోకే కదా సార్ వెళ్లేది.

కామంతో చూస్తున్న కొన్ని వేల కళ్లు మధ్యలో ఆడది నడవాలి సార్..

ఆడది బయటకు వస్తే చాలు.. సందుల్లోనూ రోడ్లలోనూ బస్ స్టాప్‌లలోనూ రెస్టారెంట్‌లలోనూ పోస్టాఫీస్‌లలోనూ పార్కుల్లోనూ కాలేజ్‌లలోనూ ఎక్కడపడితే అక్కడ కామంతో చూస్తున్న కొన్ని వేల కళ్లమధ్యలో నుండి నడవాలి సార్ మన స్త్రీ. ఎప్పుడు.. ఎక్కడ.. ఎవడేం చేస్తాడనే భయం సార్ మనకి.

మనదేశానికి ఈ కర్మ ఏంటి సార్.. స్త్రీ అంటే సెక్సేనా?

అరే స్త్రీ అంటే సెక్సేనా? ఏంటి సార్ ఈ పరిస్థితి? దరిద్ర్యం తూ.! పుణ్యభూమి, వేదభూమి, కర్మభూమి ఇలా ఎన్నో పేర్లు ఉన్న మనదేశానికి ఈ కర్మ ఏంటి సార్. మాతృదేవోభవ అని మొదటి నమస్కారం స్త్రీకి పెట్టమని చెప్పిన మన భారత సంస్కృతి ప్రపంచానికి చాలా నేర్పించింది. కాని మనకే.. ఏమీ నేర్పించలేదు.

రామాయణం, మహాభారతం ఏం నేర్పింది మనకు?

ఇదే దేశంలో రావణాసురుడు అనే సెక్సుల్ పర్వర్ట్‌ని సీతమ్మతల్లిని ఎత్తుకువెళ్లాడని కోతులతో కలిసి వాడిని వాడి సామ్రాజ్యాన్ని సర్వనాశనం చేసిన రాముడ్ని చూసి మనం ఏం నేర్చుకోవాలి సార్.

ఒక ఆడదాని కొంగులాగితే… 18 లక్షల మందిని పిచ్చి కుక్కల్ని చంపినట్టు చంపిన మహాభారతాన్ని చూసి మనం ఏం నేర్చుకోవాలి సార్..! నేర్చుకున్నది ఏంటంటే.. ఆడవాళ్లను ఎత్తుకెళ్లిపోవటం. చీరలు లాగడం, గ్రేట్ కంట్రీ సార్.. గ్రేట్ కల్చర్.. సెల్యూట్ మై కంట్రీ అండ్ మై కల్చర్.

అతి పెద్ద డెమొక్రసీ సిస్టమ్‌లో ఆడదానికి సేఫ్టీ లేదు సార్..

పోలీస్ స్టేషన్‌లు, కోర్టులు, కమీషనర్ ఆఫీస్‌లు, సెక్యూరిటీలు, సెక్రటరేట్‌లు.. ఇవన్నీ మనం సవ్యంగా నాగరికంగా బతకడం కోసం వేల లక్షలకోట్ల సొమ్ముతో మన కోసం మనం నడుపుకుంటున్న ప్రపంచలోనే అతి పెద్దదైన డెమొక్రసి సిస్టమ్‌లో ఆడదానికి సేఫ్టీ లేదు సార్..

మార్పు పైనుండి ఊడిపడదు సార్.. మనలోనే రావాలి

మారాలి సార్.. మారాలి.. మారాలంటే ఇది ఆకాశం నుండి ఊడిపడదు సార్.. మనలో రావాలి. మన అందరిలోనూ రావాలి. మన అమ్మలు మనల్ని కడుపులో భద్రంగా దాచుకుని కాపాడి కని పెంచినందుకు.. కనీస కృత‌జ్ఞతగా మన చుట్టూ ఉంటే ఈ ఆడవాళ్లని గుండెళ్లో పెట్టుకుని కాపాడుకోవాలి సార్.

ఆడవాళ్ల గురించి చదివించండి.. అమ్మతత్వం నేర్పండి

శిక్షలు వేయడం కాదు సార్.. మనందరి చేత పెదబాలశిక్షలు చదివించండి. నా ఈ ఆటవిక, అనాగరిక సమాజాన్ని తీసుకుని వెళ్లి మళ్లీ బడిలో వేయండి సార్. బడిలో వేయండి. ఆడవాళ్ల గురించి చదివించండి సార్. అమ్మతత్వం నేర్పండి సార్..!

అమ్మాయిని చూడగానే రేప్ చేస్తున్నాం.. నిందితులు దొరగ్గానే శిక్ష వేయగలరా?

సార్ ఒక అమ్మాయిని చూడగానే వెంటనే రేప్ చేయగలుగుతున్నాం.. మీరు వెంటనే శిక్ష వేయగలుగుతున్నారా? తప్పు చేశాం అని లొంగిపోతున్నాం.. రెండు రోజుల్లో ఉరి తీయగలుగుతున్నారా? భారతదేశంలో ఎప్పుడూ ఇలా జరగలేదు రెండు రోజుల్లో ఉరి ఎలా తీస్తాం అని మీరే అంటారు.

ఎంతమంది దీప్తిలు.. ఎంతమంది సంధ్యలు.. ఉరిశిక్షలు 52 మాత్రమే

సార్ ఈ కంట్రీలో ఉరిశిక్ష పడ్డ ఖైదీలు 52 మంది ఉన్నారు సార్.. ఏ సంక్రాంతికో శివరాత్రికో వేసుకుంటూ పోతే మా టోకెన్ నెంబర్ వచ్చేసరికి పాతికేళ్లు పడుతుంది. ఈలోపు ఎంతమంది సంధ్యలు ఎంతమంది దీప్తిలు. అందుకే ఈ దేశం అంటే నాకు అంత ఇష్టం. ఈ దేశంలో ఉన్న ఫ్రీడమ్ ఏ కంట్రీలో ఉందో చెప్పండి.

తెల్లారేసరికల్లా ఉరితీసే దమ్ము మీకుందా?

మేరా భారత్ మహాన్.. నేను వీళ్లందరి ముందు కోర్టు ముందు తప్పు చేశానని చెప్పే దమ్ము నాకు ఉంది. తెల్లారేసరికల్లా ఉరితీసే దమ్ము మీకుందా? చేయని పాపానికి ఆడవాళ్లు శిక్ష అనుభవిస్తున్నారు.. చేసిన పాపానికి శిక్ష వేయడానికి లేటు ఎందుకు సార్. పందుల్లా మేపొద్దు.. ఉరితీసేయండి.




Please Read Disclaimer