పవన్ అంటే ఎంతో ప్రేమ, ఎంత ఘర్షణ పడి ఉంటారో: మహేశ్ కత్తి

0

నసేన అధినేత పవన్ కళ్యాణ్ అంటే తనకెంతో ప్రేమ అని క్రిటిక్ కత్తి మహేశ్ అన్నారు. చిన్నతనం నుంచి ఆయన ఎన్నో కష్టాలు పడ్డారని, ఒడుదొడుకులు ఎదుర్కొన్నారని ఎద్దేవా చేశారు. చదువులో సరిగా రాణించలేక, ఇతర విషయాలపై దృష్టి సారించలేక ఇబ్బంది పడ్డారని విమర్శించారు. దీంతో ఆయనలో ఇన్‌ఫియారిటీ కాంప్లెక్స్ వచ్చిందన్నారు. ఆయన ఎంత ఘర్షణ పడి ఉంటాడో అర్థం చేసుకోవచ్చని ఎద్దేవా చేశారు. ఈ మేరకు సోషల్ మీడియాలో ఓ వీడియోను పోస్టు చేశారు.

జనసేన పార్టీ స్థాపించిన రోజు పవన్ చేసిన ప్రసంగం చూసి అందరితో పాటు తాను కూడా ఎంతో ఆశించానని కత్తి మహేశ్ చెప్పారు. ప్రజారాజ్యంతో సంబంధం లేకుండా కొత్త తరం నాయకత్వం రాబోతుందని.. ఉత్తుంగ తరంగా ఎదుగుతుందని భావించామని చెప్పుకొచ్చారు. కానీ, పవన్ ఆలోచనలకు, మాట్లాడే మాటలకు, చేతలకు ఏమాత్రం పొంతన ఉండదని విమర్శించారు.

పనిలో పనిగా పవన్ అభిమానుల పైనా కత్తి మహేశ్ ఘాటు విమర్శలు చేశారు. ‘పవన్ ఎందుకు అరుస్తారో, ఎలా హడావుడి పడతారో ప్రసంగాల్లో గమనిస్తాం.. అయినా అవన్నీ ఫ్యాన్స్‌కు నచ్చుతాయి. ఫ్యాన్స్ ఆయణ్ని ఓ భగత్ సింగ్, లేకపోతే చేగువేరా అనుకుంటారు. ఎందుకంటే వాళ్లకు ఆ మహానుభావుల గురించి తెలియదు. చరిత్ర తెలుసుకుంటే పవన్‌కు చేగువేరాకు ఎంత తేడా ఉందో అర్థం చేసుకోగలుగుతారు’ అని కత్తి మహేశ్ అన్నారు.

ఓట్ల కోసం ఏపీ ప్రజలను రెచ్చగొట్టే వ్యాఖ్యలను పవన్ చేస్తున్నారని కత్తి మహేశ్ ఆరోపించారు. ఇన్నాళ్లూ ఆయన ఏం చేసినా భరించాం గానీ.. ఇటీవల ఆయన మాట్లాడుతన్న మాటలు వింటుంటే కోపం వస్తోందని మండిపడ్డారు.

ఎవరో ఒకరు గుండు కొట్టినంత మాత్రానా..
‘రాయలసీమ గూండాలు ఆ ప్రాంతాన్ని నాశనం చేస్తున్నారట. అసలు రాయలసీమ వాసులు ఎంత శాంతంగా ఉంటారు. ఎవరో మీకు గుండు కొట్టించినంత మాత్రాన అందరూ అలాగే ఉంటారా? పైగా ఇప్పుడు ఆ పార్టీకే అంటకాగుతున్నారు. చంద్రబాబును సంతృప్తి చేయడానికి ఇలాంటి ప్రాంతీయ విద్వేషాలు రెచ్చగొట్టడం అవసరమా..’ అని కత్తి మహేశ్ ప్రశ్నించారు.

తెలంగాణలో ఆంధ్రోళ్లను కొడుతున్నారంటూ పవన్ అవాస్తవాలు చెబుతున్నారంటూ కత్తి మహేశ్ ఆగ్రహం వ్యక్తం చేశారు. ఆ మాటలు వినగానే తనకు కోపం వచ్చిందని చెప్పారు. ‘ఏళ్లుగా నేను హైదరాబాద్‌లో ఉంటున్నా.. ఇక్కడ నన్ను ఎవరూ కొట్టలేదు. పైగా ఆదరించారు. ఇలాంటి మాటలు వింటే నాకే కోపం వస్తోంది. తెలంగాణ వాళ్లకు కడుపు మండదా’ అని కత్తి మహేశ్ అన్నారు.

పార్టీకి ఫండ్ రైజింగ్ కోసం అమెరికా వెళ్లేంత వరకూ పవన్ ఒకరకంగా ఉన్నారని.. ఆ తర్వాత పూర్తిగా మారిపోయారని కత్తి మహేశ్ విమర్శించారు. అమెరికాతో ఎన్నో ఆశలతో వెళ్లి.. నిరాశతో తిరిగొచ్చిన తర్వాత స్వరం మార్చారని చెప్పారు. గాజు గ్లాసులో పసుపు నింపుకున్నారన్నారు. బీజేపీని విమర్శిస్తున్న తీరు, కేసీఆర్‌పై చేస్తున్న వ్యాఖ్యలను గమనిస్తే ఈ విషయం తేలిగ్గానే అర్థమవుతుందని చెప్పారు.

టీడీపీ నుంచి పవన్‌కు ప్యాకేజో లేదా ఏదో ఒక డీలో వచ్చి ఉంటుందని కత్తి మహేశ్ ఆరోపించారు. ఆయన సొంతంగా తన కాళ్లపై నిలబడలేని పరిస్థితి నెలకొందని చెప్పారు. దీంతో మెంటల్లీ ఇన్‌బాలెన్స్‌గా మాట్లాడుతున్నారని అన్నారు. మరో అడుగు ముందుకేసి.. మానసిక సంతులన కోసం మంచి సైక్రియాట్రిస్టును సంప్రదించండి అంటూ పవన్‌కు సలహా ఇచ్చారు. ఆంధ్రప్రదేశ్ బాగు కోసమే ఈ మాట చెబుతున్నానన్నారు. మొత్తానికి కొంత గ్యాప్ తర్వాత ‘కత్తి’ బాగా దూశారు. మరి పవన్ అభిమానులు ఎలా రియాక్ట్ అవుతారో చూడాలి!!




Please Read Disclaimer