రూ.లక్ష కోట్లకు పైగా పోగొట్టుకున్న ముకేశ్ అంబానీ..

0

శరవేగంగా విస్తరిస్తూ వస్తున్న కరోనా వైరస్ దెబ్బకి ప్రతి ఒక్కరూ భయపడుతున్నారు. ప్రపంచ దేశాలు వణికిపోతున్నాయి. కోవిడ్ 19 వల్ల భారత్ సహా ప్రపంచ ఈక్విటీ మార్కెట్లు కూడా కుప్పకూలాయి. దీంతో ఫిబ్రవరి 19 నుంచి ఇన్వెస్టర్లు ఏకంగా రూ.32 లక్షల కోట్లు నష్టపోయారు. ఇందుకు రిలయన్స్ ఇండస్ట్రీస్ (RIL) చైర్మన్, దేశంలోనే అతిపెద్ద ధనవంతుడు ముకేశ్ అంబానీ కూడా మినహాయింపేమీ కాదు.

ముఖేష్ అంబానీ సంపద విలువ ఈ ఏడాది ఇప్పటి దాకా చూస్తే ఏకంగా 30 శాతం హరించుకుపోయింది. 18.6 బిలియన్ డాలర్లను నష్టపోయారు. మన కరెన్సీలో చెప్పుకోవాలంటే ఏకంగా రూ.1.38 లక్షల కోట్ల సంపద ఆవిరైంది. బ్లూమ్‌బర్గ్ బిలియనీర్స్ ఇండెక్స్ ప్రకారం.. ముకేశ్ అంబానీ రియల్‌టైమ్ నెట్‌వర్త్ 40 బిలయన్ డాలర్లుగా ఉంది. గురువారం ఒక్కరోజులోనే ఈయన సంపద విలువ రూ.24,000 కోట్లు తగ్గింది.

కేవలం ముకేశ్ అంబానీ మాత్రమే కాకుండా దేశంలో రెండో అత్యంత సంపన్నుడిగా కొనసాగుతున్న అజీమ్ ప్రేమ్‌జీ సందప విలువ కూడా ఈ ఏడాది రూ.23,000 కోట్లు తగ్గింది. ఇప్పుడు ఈయన సంపద విలువ దాదాపు 15.1 బిలియన్ డాలర్లుగా ఉంది.

కరోనా దెబ్బకి స్టాక్ మార్కెట్ పతనం కావడం వల్ల వీరిద్దరి కన్నా మరో పారిశ్రామికవేత్త సందప ఇంకా ఎక్కువగానే హరించుకుపోయింది. అదానీ గ్రూప్ చైర్మన్ గౌతమ్ అదానీ సంపద ఏకంగా 40 శాతం హరించుకుపోయింది. 6.28 బిలియన్ డాలర్లకు తగ్గింది. ఈయన ఈ ఏడాది ఏకంగా రూ.30,000 కోట్లు పోగొట్టుకున్నారు.

శివ్ నాడార్, ఉదయ్ కోటక్, దిలీప్ సంఘ్వీ సంపద విలువ వరుసగా 2.27 బిలియన్ డాలర్లు, 2.41 బిలియన్ డాలర్లు, 1.57 బిలియన్ డాలర్లు ఆవిరైంది. అయితే డీమార్ట్ రిటైల్ స్టోర్స్ నిర్వహిస్తున్న అవెన్యూ సూపర్‌మార్ట్స్ ప్రమోటర్ రాధాకిషన్ దమానీ సంపద విలువ మాత్రం పెరిగింది. ఈ ఏడాది ఈయన సంపద విలువ రూ.3,100 కోట్లు పైకి కదిలింది. ఇకపోతే ఈయన గతంలో 17.8 బిలియన్ డాలర్ల సంపదతో దేశంలో రెండో అతిపెద్ద ధనవంతుడి ఉన్నారు.




Please Read Disclaimer


30రూ|| మాస్క్ కేవలం 2రూ|| కే తయారు చేసుకోండి Make your own mask for Just Rs.2/-