మీకు చేతకాదని ఒప్పుకోండి.. లోకేష్ సంచలన వ్యాఖ్యలు

0

వైసీపీ-టీడీపీ మధ్య శ్వేతపత్రాలపై మాటల యుద్ధం మొదలయ్యింది. ఏపీ ఆర్థిక పరిస్థితిపై మంత్రి బుగ్గన రాజేంద్రనాథ్ రెడ్డి శ్వేతపత్రం విడుదల చేశారు. దీనిపై ఇరు పార్టీల నేతలు దుమ్మెత్తి పోసుకుంటున్నారు. టీడీపీ ప్రభుత్వాన్ని బద్నాం చేయడానికే శ్వేతపత్రాల పేరుతో వైసీపీ ప్రభుత్వం ప్రయత్నిస్తోందని టీడీపీ ఆరోపిస్తోంది. తాజాగా ఈ వ్యవహారంపై మాజీ మంత్రి నారా లోకేష్ సంచలన వ్యాఖ్యలు చేశారు. అప్పుల్ని సాకుగా చూపించి.. ప్రజలకు ఇచ్చిన హామీలను నెరవేర్చకుండా తప్పించుకునే ప్రయత్నం జరుగుతోందన్నారు.

లోకేష్ ట్విట్టర్‌లో ఏపీ ప్రభుత్వంపై సంచలన వ్యాఖ్యలు చేశారు. ‘ఆర్థికమంత్రిగారూ! మీరు శ్వేతపత్రాలు అన్నప్పుడే సాక్షి కథనాల్లా స్పష్టత లేకుండా, ఆధారాలు లేకుండా ఉంటాయని మేము ఊహించాం. వృద్ధి కాగితాల మీద కనిపించింది కానీ ఫీల్డులో కనిపించడం లేదు అన్నారు. అంటే మీ శ్వేతపత్రంలో ఉంది కానీ మీరు ఒప్పుకోనంటారు అంతేగా?’అంటూ ప్రశ్నించారు.

‘మత్స్యశాఖ, పశుసంవర్థక శాఖల అభివృద్ధిని వ్యవసాయశాఖ అభివృద్ధిలో ఎలా చూపిస్తారని అడిగారు. ముందుగా ఆ శాఖల అభివృద్ధిని మీరు ఒప్పుకున్నందుకు కృతజ్ఞతలు. అయితే వ్యవసాయ, పశుసంవర్థక, మత్స్యశాఖలను కలిపే జీఎస్ డిపిని లెక్కించడం దేశమంతా ఉంది. మీకది కొత్త విషయం అంతే. 2018-19 నాటి బడ్జెట్ ప్రకారం రాష్ట్ర అప్పు రూ. 2 లక్షల 49 వేల కోట్లు. కేంద్ర ఆర్థిక మంత్రి కూడా వారం క్రితం పార్లమెంటులో ఇదే చెప్పారు. మీరేమో 3 లక్షల 62 వేల కోట్లని అన్నారు. ఒకేసారి లక్ష 13 వేల కోట్ల అప్పు ఎలా పెరిగింది? ఈ 45 రోజుల్లో మీ ప్రభుత్వమేమైనా చేసిందా?’అంటూ ప్రశ్నించారు.

‘అప్పు ఎక్కువ చూపించి మీరేం చెప్పదలచుకున్నారు? రాష్ట్ర పరిస్థితి తెలియకుండానే మీరు అన్ని హామీలు చేశారా? వాటిని నెరవేర్చకుండా తప్పించుకోడానికి ఇప్పుడు అప్పుల బూచిని బూతద్దంలో చూపిస్తే కుదరదు. చేతకాదంటే ప్రజల ముందు ఒప్పుకోండి’.అంటూ ఘాటుగా స్పందించారు లోకేష్.




Please Read Disclaimer