మన నుడి, మన నది.. ఇంగ్లిష్ యువకుడి తెలుగు ప్రావీణ్యానికి పవన్ ఫిదా!

0

మన భవితకు ప్రాణాధారమైన మాతృ భాషను కాపాడుకోకపోతే సంస్కృతికి దూరమవుతామని జనసేన అధ్యక్షుడు పవన్ కళ్యాణ్ స్పష్టం చేశారు. నాగరికతకు పుట్టినిల్లయిన నదులను విషమయం చేసుకోవడం బాధాకరమన్నారు. మాతృ భాషను, నదులను పరిరక్షించుకొనే దిశగా ‘మన నుడి… మన నది’ కార్యక్రమానికి శ్రీకారం చుడుతున్నామన్నారు. “నాగరికతకు పుట్టినిల్లు నది. నది లేనిదే సంస్కృతి లేదు. నది నశించాక ఆ సంస్కృతి మిగలదు. దీనికి చరిత్రలో కావలసినన్ని రుజువులున్నాయి’’ అని పవన్ తెలిపారు.

‘‘నాగరికతకు అమ్మ ఒడి నుడి. భాష లేనిదే సంస్కృతి లేదు. మాతృభాష గతించాక సంస్కృతి మిగలదు. దీనికి చరిత్రలో బోలెడు రుజువులు కనిపిస్తాయి. మన మనుగడకు జీవనాధారమైన నదులను మనం చేతులారా విషమయం చేస్తున్నాం. మన భవితకు ప్రాణాధారమైన అమ్మ నుడికీ మనం అతివేగంగా దూరమవుతున్నాం. మాతృ భాష మూలాలను మనమే నరికేసుకుంటున్నాం’’ అని ఆవేదన వ్యక్తం చేశారు.

మన నుడినీ, మన నదినీ కాపాడుకోవాలి. అందుకే విజ్ఞులు, మేధావులతో ఈ అంశంపై చర్చించామని పవన్ తెలిపారు. మాతృ భాషను పరిరక్షించుకోవాలి.. మన నదులను కాపాడుకోవాలన్న ఆయన.. రాజకీయాలకు అతీతంగా అన్ని వర్గాలవారినీ భాగస్వాముల్ని చేసేలా “మన నుడి… మన నది” కార్యక్రమం చేపడుతున్నామన్నారు. ఇందుకు సంబంధించిన వివరాలను త్వరలోనే వెల్లడిస్తామని తెలిపారు.

అనంతరం ఆయన ట్విట్టర్లో ఓ విదేశీయుడు తెలుగులో మాట్లాడుతున్న వీడియోను ట్వీట్ చేశారు. ఏపీలో చదువుకున్న ఆ యువకుడు.. తెలుగువారితో చక్కగా తెలుగులో మాట్లాడటం అప్పట్లో నెటిజన్లను ఆకట్టుకుంది.




Please Read Disclaimer