షాపు సీలింగులో కాపురం పెట్టిన కొండ చిలువ, పదేళ్ల తర్వాత బయటకు..

0

షాపు మూసి ఇంటికి వెళ్లేందుకు సిద్ధమవుతున్న ఓ స్పా యజమానికి పెద్ద శబ్దం వినిపించింది. ఏం జరిగిందా అని చూస్తే సీలింగ్ విరిగిపోయి ఉంది. కొద్ది దూరంలో పొడవైన కొండ అతడి వైపే తినేసేలా చూడటంతో షాకయ్యారు. వెంటనే పోలీసులకు సమాచారం ఇచ్చాడు. గత కొన్నాళ్లుగా షాపు సీలింగ్ నుంచి వింతైన శబ్దాలు వినిపించినా ఆ యజమాని పెద్దగా పట్టించుకోలేదు. ఎలుకలు తిరుగుతున్నాయని భావించాడు.

యజమాని ఫిర్యాదు మేరకు పోలీసులు వెంటనే రెస్క్యూ టీమ్‌తో ఆ షాపుకు చేరుకున్నారు. షాపులో లైట్లను ఆపేసి కొండ చిలువను దుప్పటితో కప్పేసి బంధించారు. ఈ ఘటన చైనాలోని చాంచెంగ్ జిల్లాలో చోటుచేసుకుంది. గౌండాంగ్ కాంప్లెక్స్‌లో చిన్న పాము తిరుగుతోందని పదేళ్ల కిందట చెబుతుండేవారు. అయితే, అది ఎక్కడికి వెళ్లేదో ఎవరికీ తెలిసేది కాదు. కానీ, అది అప్పుడప్పుడు కొందరికి ప్రత్యక్షమై మాయమయ్యేది.

మూడేళ్ల కిందట స్పా ఏర్పాటు కోసం దుకాణంలో పలు పునరుద్ధరణ పనులు చేపట్టిన కూలీలు.. పామును చూశామని చెప్పారు. అయితే, అది ఎటు వెళ్లిందో చూడలేదన్నారు. దాన్ని ప్రత్యక్షంగా చూడనివాళ్లు అవన్నీ వదంతులనే అనుకొనేవారు. కానీ, అది నిజంగానే ఉందని తెలిసి గుండెలు పట్టుకున్నారు. పదేళ్ల కిందట కనిపించిన ఆ పామే ఈ కొండ చిలువా అనుకుంటూ ఆశ్చర్యపోయారు. 19 కిలోల బరువు, 13 అడుగుల పొడవున్న ఈ కొండ చిలువను జాంగ్షన్ జూకు తరలించారు. కనీసం ఒక మేకను మింగితేగానీ ఆకలి తీర్చుకోలేని కొండ చిలువ పదేళ్లపాటు ఆ షాపింగ్ కాంప్లెక్సులో ఎలా జీవించింది? ఆ సీలింగులోకి ఎప్పుడు దూరింది? అనేవి చిక్కు ప్రశ్నలుగా మారాయి.




Please Read Disclaimer