రెండు అరటి పండ్లు రూ.442 మాత్రమే.. రేటు చూసి షాకైన హీరో!

0

అరడజను అరటి పండ్లు ఎంత ధర ఉంటుంది? సుమారు రూ.30 ఉంటుంది. లేదా వాటి రకాన్ని బట్టి రూ.40 నుంచి రూ.60 కూడా ఉండవచ్చు. కానీ, అక్కడ మాత్రం రెండు అరటి పండ్లు రూ.442.50 మాత్రమే. వామ్మో, అంత ధర? అవి అంత ప్రత్యేకమైన పండ్లా? అంత ధర ఉన్నాయని ఆశ్చర్యపోతున్నారా? అవి కూడా సాధారణ పండ్లే. అయితే, అవి ఫైస్‌ స్టార్ హోటల్‌కు వెళ్లడం వల్ల విలువ ఒక్కసారిగా పెరిగిపోయిందంతే!

బాలీవుడ్ హీరో రాహుల్ బోస్ చండీగడ్‌లో ఓ షూటింగ్ నిమిత్తం ఓ ఫైవ్‌స్టార్ హోటల్‌లో బస చేశాడు. జిమ్‌కు వెళ్లి వచ్చిన తర్వాత రెండు అరటి పండ్లను ఆర్డర్ చేశాడు. వాటికి రూ.442.50 బిల్లు వేయడంతో రాహుల్ షాకయ్యాడు. సెంట్రల్ జీఎస్టీ రూ.33.75, యూటీ జీఎస్టీ రూ.33.75 జీఎస్టీతో కలిపి అంత బిల్లు వేశారు. దీంతో రాహుల్.. పండ్లు ఆరోగ్యానికి హానికరం కాదని ఎవరు చెప్పారంటూ సోషల్ మీడియా ద్వారా ఆ విషయాన్ని షేర్ చేశాడు.

ఈ ట్వీట్ సోషల్ మీడియాలో వైరల్‌గా మారింది. అరటి పండ్ల ధరను చూసి అంతా ఆశ్చర్యపోతున్నారు. కొందరైతే.. ఆ ధరతో ఏకంగా అరటి పండ్ల గెల కొనేయచ్చని అంటున్నారు. ఇంకొందరు బయట మార్కెట్లో ఆ జీఎస్టీ ధరలకు డజను అరటి పండ్లు దొరుకుతాయని కామెంట్లు చేస్తున్నారు. మరికొందరు ‘‘బహుశా భూమి మీద పండే ఆఖరి అరటి పండ్లు అవే కావచ్చు.. జాగ్రత్తగా చూసుకోండి’’ అని జోకులు పేలుస్తున్నారు. ఇంకా ఎవరెవరు ఏమంటున్నారనేది ఈ కింది ట్వీట్లలో చూడండి. (కమలహాసన్ నటించిన ‘విశ్వరూపం’, ‘విశ్వరూపం-2’ సినిమాల్లో రాహుల్ బోస్ ప్రతి నాయకుడిగా నటించాడు. పలు బాలీవుడ్, ఆర్ట్ సినిమాల్లో హీరోగా నటించి మంచి నటుడిగా గుర్తింపు పొందాడు)




Please Read Disclaimer