పవన్‌ని అలా అన్నాక ఆలోచించుకున్నా.. సాదినేని యామిని సంచలన వ్యాఖ్యలు

0

గ్లామర్‌తోనే రాజకీయాల్లో ఎదుగుతారనే విషయంపై అంత క్లారిటీ లేదని ఇటీవల టీడీపీకి గుడ్ బై చెప్పిన సాదినేని యామిని అన్నారు. తాను ఓవర్ నైట్ స్టార్ అయిపోలేదని.. 2004 నుంచి సామాజిక సేవా రంగంలో, విపత్తు నిర్వహణ రంగంలో సేవలందిస్తున్నట్లు చెప్పారు. కష్టపడి పనిచేయడమే నా బ్యూటీ అని ఆమె అన్నారు. శనివారం ఓ టీవీ చానల్ ఇంటర్వ్యూలో ఆమె మాట్లాడారు.

టీడీపీలో ఇబ్బందులు ఎదుర్కొన్నానని చెప్పారు. అధినేతకు నచ్చి పదవి ఇచ్చినా కూడా పార్టీలోని వ్యక్తులు ఈర్ష్యపడ్డారు. కొంతమంది టీడీపీ నేతలే సోషల్ మీడియాలో తనను టార్గెట్ చేశారని యామిని ఆరోపించారు. ఆ విషయాన్ని అధినేత, జాతీయ ప్రధాన కార్యదర్శి దృష్టికి తీసుకెళ్లినట్లు చెప్పారు. కానీ పట్టించుకోలేదని.. వారికంత సమయం లేదన్నారు.

ఎమ్మెల్యే టిక్కెట్ కోసం సీఎం ఇంటి దగ్గర ధర్నా చేయించాలని చేశారని వచ్చిన ఆరోపణలపై ఆమె స్పందించారు. సీటు కావాలనుకుంటే చంద్రబాబుని నేరుగానే అడుగుతానని.. అంతేకానీ అలా చేయాల్సిన అవసరం లేదన్నారు. టీడీపీ హయాంలో డబ్బు సంపాదించుకుని, అధికారం కోల్పోయాక బయటకు వెళ్లిపోతున్నట్లు జరుగుతున్న ప్రచారాన్ని యామిని ఖండించారు.

మల్లెపూవు అనేది ఒక పవిత్రమైన పూవు. పవన్ కళ్యాణ్‌పై వ్యాఖ్యల తర్వాత అలా పేరు రావడంపై చాలా బాధ కలిగించింది. కొద్దిరోజులు కూర్చుని ఆలోచించుకున్నానని.. తన భావాన్ని సరిగ్గా చెప్పలేకపోయానని అనిపించిందన్నారు. తాను చెప్పాలనుకున్నది ఒకటైతే.. అది ఇంకొక రకంగా అర్థమైందని వ్యాఖ్యానించారు. అలా అనుకునే వారిని తన పిల్లలతో షూ తీసుకుని కొట్టించాలనిపించిందని యామిని చెప్పారు.
అలాగే తాను వైసీపీలోకి వెళ్లేందుకు ప్రయత్నించానంటూ జరగుతున్న ప్రచారంలో వాస్తవం లేదని ఆమె స్పష్టం చేశారు. తాను ప్రయత్నం చేశానని, వైసీపీ వాళ్లు తలుపులు మూసేశారని వస్తున్న కథనాలు అసత్యమని చెప్పుకొచ్చారు. ఎంపీ, ఎమ్మెల్యే సీట్లు అవసరం లేదని.. ప్రజాసేవ కోసమే రాజకీయాల్లోకి వచ్చానని ఆమె అన్నారు.




Please Read Disclaimer