వెటర్నరీ డాక్టర్ హత్యకేసు.. ఈ చిన్న తప్పిదంతోనే నిందితులు దొరికారు!

0

దేశవ్యాప్తంగా సంచలనమైన శంషాబాద్‌ వెటర్నరీ డాక్టర్ హత్యకేసు రిమాండ్‌ రిపోర్టులో కీలక విషయాలు వెలుగులోకి వచ్చాయి. ఆమెపై గ్యాంగ్ రేప్ చేసి హత్య చేసిన నిందితులను పట్టుకోవడంలో.. బాధితురాలి ఫోన్ కాల్ లిస్ట్ ఉపయోగపడిందని రిమాండ్ రిపోర్టును బట్టి తెలుస్తోంది. నవంబర్ 28, సాయంత్రం 6 గంటలకు వెటర్నరీ డాక్టర్.. టోల్‌ ప్లాజా సమీపంలో తన స్కూటీని ఉంచి వెళ్లడాన్ని నిందితులు గమనించారు. ఆ టైంలో మద్యం సేవిస్తున్న వారంతా.. ఆమె తిరిగి వస్తుందని భావించారు. ఈలోగా నిందితుల్లో ఒకరు స్కూటీ వెనుక టైర్లో గాలి తీసేశాడు.

రాత్రి 9.18 గంటలకు బాధితురాలు స్కూటీ ఉంచిన చోటుకి వచ్చింది. బ్యాక్ టైర్ పంక్చర్ అయిందంటూ మాట కలిపిన నిందితుడు మహ్మద్ ఆరీఫ్‌.. సాయం చేస్తానని నమ్మించాడు. మాటలు కలిపి ఆమె ఫోన్‌ నంబర్ తీసుకున్నాడు. తర్వాత ఆమె పంక్చర్ వేయించడం కోసం వారికి స్కూటీని ఇచ్చేసింది.

చాలా సేపు గడిచినా వారు రాకపోయే సరికి ఆరిఫ్ ఫోన్‌కు కాల్ చేసింది. ఆమె హత్య కేసును 48 గంటల్లోనే విచారించి, నిందితులను పట్టుకోవడంలో.. ఆరిఫ్ నంబర్‌కు ఆమె కాల్ చేయడం అనేది కీలకంగా మారింది.

తన చెల్లెలితో మాట్లాడిన తర్వాత.. ఆమె చివరిగా ఎవరి ఫోన్ చేసిందనే దిశగా విచారణ జరిపిన పోలీసులు ఆరీఫ్‌ను అదుపులోకి తీసుకున్నారు. అతణ్ని తమదైన స్టయిల్లో విచారించడంలో.. జరిగిన దారుణాన్ని కళ్లకు కట్టినట్టుగా వివరించాడు.

నలుగురు నిందితులు దాదాపు గంట సేపు బాధితురాలిపై అత్యాచారం చేశారు. హెల్ప్ హెల్ప్ అని ఆమె అరుస్తుంటే.. నోట్లో బలవంతంగా మద్యం పోశారు. అరవకుండా ముక్కు, నోటిని గట్టిగా మూయడంతో.. ఊపిరాడక ఆమె ప్రాణాలు కోల్పోయింది. తర్వాత ప్యాంట్ లేకుండానే ఆమె శవాన్ని లారీలోకి ఎక్కించారు. ఆ తర్వాత కూడా మరోసారి రేప్ చేశారు. తర్వాత నిందితుల్లో ఒకరు ఆమె కాళ్లకు ప్యాంట్ తొడిగారు.

షాద్‌నగర్‌ బ్రిడ్జి కింద శవాన్ని పడేశారు. ఆమె బతికి ఉంటుందేమోననే అనుమానంతోనే పెట్రోల్ బంక్ దగ్గరకెళ్లి.. పెట్రోల్ తెచ్చి శరీరంపై పోసి తగులబెట్టారు. పోలీసులు రిమాండ్‌ రిపోర్టులో వెల్లడించారు.




Please Read Disclaimer