సుకన్య సమృద్ధి స్కీమ్‌తో చేతికి రూ.73 లక్షలు! ఎలా అంటే..?

0

కేంద్ర ప్రభుత్వం ఎంతో ప్రతిష్టాత్మకంగా ఆడ పిల్లల ఆర్థిక భద్రత లక్ష్యంగా సుకన్య సమృద్ధి యోజన స్కీమ్‌ను అందుబాటులోకి తీసుకువచ్చింది. ఇందులో ఆడ పిల్లల బంగారు భవిత కోసం వారి పేరుపై డబ్బులు డిపాజిట్ చేసుకోవచ్చు. ఇప్పుడు మోదీ సర్కార్ తాజాగా సుకన్య సమృద్ధి అకౌంట్ కొత్త రూల్స్‌ను నోటిఫై చేసింది.

బ్యాంక్ ఎఫ్‌డీ కన్నా బెస్ట్

గతంలో తల్లిదండ్రులు ఆడ పిల్లల పేరుపై బ్యాంకుల్లో ఫిక్స్‌డ్ డిపాజిట్లు (ఎఫ్‌డీ) చేసేవారు. ఈ డబ్బును వారి పెళ్లి, చదువు కోసం ఉపయోగించేవారు. ఇప్పుడు తల్లిదండ్రులు వారి పిల్లల భవిష్యత్ కోసం సుకన్య సమృద్ది అకౌంట్‌లో డబ్బులు డిపాజిట్ చేస్తున్నారు. సుకన్య సమృద్ది అకౌంట్‌లో ఇన్వెస్ట్ చేయడం వల్ల ఆకర్షణీయ రాబడితోపాటు డబ్బుకు పూర్తి రక్షణ కూడా ఉంటుంది.

స్కీమ్‌లో ఎవరెవరు చేరొచ్చు?

సుకన్య సమృద్ధి పథకంలో కేవలం ఆడ పిల్లలు మాత్రమే చేరగలరు. అది కూడా పదేళ్లలోపు ఉన్న వారే ఈ స్కీమ్‌కు అర్హులు. ఒక ఇంట్లో ఇద్దరు పిల్లలకు మాత్రమే అవకాశం ఉంటుంది. ఒకవేళ కవలలు పుడితే అప్పుడు ముగ్గురి పేరుపై సుకన్య సమృద్ధి అకౌంట్ తెరవొచ్చు. పథకంలో చేరాలంటే ఆడ పిల్ల బర్త్ సర్టిఫికెట్, గార్డియన్ ధ్రువీకరణ పత్రాలు అవసరం అవుతాయి. పోస్టాఫీస్ లేదా బ్యాంకుల్లో ఖాతా తెరవొచ్చు.

8.4 శాతం వడ్డీ

సుకన్య సమృద్ది అకౌంట్‌పై 8.4 శాతం వడ్డీ రేటు లభిస్తోంది. వడ్డీ మొత్తం ప్రతి ఆర్థిక సంవత్సరం ముగింపు తర్వాత అకౌంట్‌లో జమవుతుంది. అలాగే వడ్డీ రేటు ప్రతి మూడు నెలలకు ఒకసారి మారుతుంది. కేంద్ర ప్రభుత్వం ఈ వడ్డీ రేటును సవరిస్తూ ఉంటుంది. పెంచొచ్చు.. లేదంటే తగ్గించొచ్చు.

రూ.250 చెల్లించినా చాలు

ఒక ఆర్థిక సంవత్సరంలో గరిష్టంగా రూ.1.5 లక్షల వరకు సుకన్య సమృద్ధి అకౌంట్‌లో డిపాజిట్ చేయొచ్చు. కనీసం రూ.250 డిపాజిట్ చేసిన సరిపోతుంది. రూ.250 కాకుండా నెలకు కనీసం రూ.1,000 కట్టుకుంటే మంచిది. ఖాతా తెరిచిన దగ్గరి నుంచి 15 ఏళ్లు వరకు అకౌంట్‌లో డబ్బు డిపాజిట్ చేయాల్సి ఉంటుంది.

గరిష్టంగా రూ.1.5 లక్షలు

సుకన్య సమృద్ధి యోజన స్కీమ్‌లో ఒక ఆర్థిక సంవత్సరంలో రూ.1.5 లక్షల వరకు ఇన్వెస్ట్ చేయవచ్చు. అంటే నెలకు రూ.12,500 వరకు డిపాజిట్ చేసే అవకాశముంది. దీంతో ఎవరి శక్తిమేరకు వాళ్లు ప్రతి నెలా డబ్బు డిపాజిట్ చేసుకుంటూ వెళ్లాలి.

పన్ను ప్రయోజనాలు

సుకన్య సమృద్ధి అకౌంట్‌లో డబ్బులు ఇన్వెస్ట్ చేయడం వల్ల పన్ను మినహాయింపు కూడా పొందొచ్చు. ఆదాయపు పన్ను చట్టం సెక్షన్ 80 సీ కింద సుకన్య సమృద్ది ఖాతాలో డిపాజిట్ చేసిన, అర్జించిన వడ్డీ, విత్‌డ్రా మొత్తంపై ఎలాంటి పన్ను ఉండదు. ప్రతి రోజూ ఎంతో కొంత చిన్న మొత్తాన్ని ఆదా చేసుకొని, నెల రోజుల తర్వాత ఆ డబ్బుల్ని ఈ అకౌంట్‌లో దీర్ఘకాలం ఇన్వెస్ట్ చేస్తూ మెచ్యూరిటీ సమయంలో అధిక రాబడి పొందొచ్చు.

ఎంత కడితే ఎంత వస్తుంది?

రోజుకు రూ.35 ఆదా చేస్తే నెలకు రూ.1,050 అవుతుంది. దీన్ని సుకన్య అకౌంట్‌లో ఇన్వెస్ట్ చేస్తే మెచ్యూరిటీ సమయంలో రూ.5 లక్షలకు పైగా పొందొచ్చు. అలాగే రోజుకు రూ.100 ఆదా చేసి, నెలాఖరులో ఆ రూ.3,000లను సుకన్య ఖాతాలో జమ చేస్తే మెచ్యూరిటీ సమయంలో ఏకంగా రూ.16 లక్షలు పొందొచ్చు.

రోజుకు రూ.200తో రూ.33 లక్షలు

రోజుకు రూ.200 ఆదా చేశారునుకోండి.. సుకన్య అకౌంట్‌లో నెల చివరిలో రూ.6,000 ఇన్వెస్ట్ చేయవచ్చు. దీంతో మీరు మెచ్యూరిటీ సమయంలో ఏకంగా రూ.33 లక్షలు మీ కూతురికి గిఫ్ట్‌గా ఇవ్వొచ్చు.

ఇలా చేస్తే ఏకంగా రూ.75 లక్షలు

సుకన్య సమృద్ధి అకౌంట్‌ ద్వారా ఏకంగా రూ.75 లక్షలు పొందే అవకాశం కూడా ఉంది. రోజుకు రూ.300 ఆదా చేసి నెలకు రూ.9,000 సుకన్య అకౌంట్‌లో జమ చేస్తే మెచ్యూరిటీ సమయంలో రూ.50 లక్షలకు పైగా పొందొచ్చు. అదే రోజుకు రూ.400 పొదుపు చేస్తూ.. నెల చివరిలో ఆ మొత్తాన్ని సుకన్య ఖాతాలో జమ చేస్తే మెచ్యూరిటీ సమయంలో ఏకంగా రూ.75 లక్షలు పొందొచ్చు.

చివరిలో పొందే మొత్తం

డబ్బు విత్‌డ్రా

అకౌంట్‌ను ప్రారంభించిన దగ్గరి నుంచి 21 ఏళ్ల వరకు కొనసాగించాలి. అంటే అకౌంట్ మెచ్యూరిటీ కాలం 21 ఏళ్లు. ఆడ పిల్లకు 18 ఏళ్లు వచ్చిన తర్వాత సుకన్య అకౌంట్ నుంచి 50 శాతం డబ్బుల్ని వెనక్కు తీసుకోవచ్చు. అటుపైన 21 ఏళ్ల మెచ్యూరిటీ తర్వాత మిగతా డబ్బులు విత్‌డ్రా చేసుకోవచ్చు. ఈ డబ్బును పాప ఉన్నత చదువు, పెళ్లి వంటి వాటికి ఉపయోగించుకోవచ్చు.




Please Read Disclaimer