లాక్‌డౌన్: కూరగాయలు, సరకులు హోం డెలివరీ.. ఎలాగంటే..

0

తెలంగాణ వ్యాప్తంగా ప్రస్తుతం ఉన్న లాక్ డౌన్ పరిస్థితుల్లో ప్రజలు నిత్యావసరాలు కొనుగోలు చేసేందుకు సైతం ఇబ్బందులు పడుతున్న సంగతి తెలిసిందే. ఉదయం నుంచి సాయంత్రం వరకూ ఇంటికి ఒకరు చొప్పున దుకాణాలకు వెళ్లొచ్చని ప్రభుత్వం అనుమతించినా ప్రధాన రహదారుల గుండా వెళ్లాల్సిన వారికి ఇబ్బందులు ఎదురవుతున్నాయి. పోలీసులు వారిని ఆపి, అనుమతించకపోవడం వంటి ఘటనలు జరుగుతున్నాయి. దీంతో కూరగాయలు, సరకుల కోసం చాలా మంది పోలీసు కట్టడిని దాటుకొని, దొంగచాటుగా రెతు బజార్లకు వెళ్లాల్సి వస్తోంది. అయితే, ఈ అవసరం లేకుండా ప్రభుత్వం సరకులు, కూరగాయల వంటివి ఇళ్ల వద్దకే పంపడానికి ఏర్పాట్లు చేస్తోంది. గురువారం నుంచే కూరగాయల సరఫరాకు కొన్ని వాహనాలను ప్రవేశపెట్టింది. వీలును బట్టి నిత్యావసరాలను కూడా ఇళ్ల వద్దకే పంపాలని భావిస్తోంది.

అయితే, సరకులను ఇళ్ల వద్దకే పంపితే అక్కడ జనాలు గుమిగూడే అవకాశముంది. అందుకే రద్దీని నియంత్రించేందుకు ప్రభుత్వం ప్రత్యామ్నాయ మార్గాలవైపు చూస్తోంది. రైతుబజార్లలో సామాజిక దూరం పాటించనందున కాలనీలకు కూరగాయల విక్రయ వాహనాలు పంపాలని నిర్ణయించారు. సాధారణంగా రైతుబజార్లకు పెద్దసంఖ్యలో జనం వస్తున్నారు. అందువల్ల రాష్ట్రవ్యాప్తంగా ప్రధాన నగరాలు, పట్టణాల్లో సంచార కూరగాయల అమ్మక వాహనాలను ప్రవేశపెట్టాలని రాష్ట్ర మార్కెటింగ్‌ శాఖ నిర్ణయించింది. ఇందుకోసం దాదాపు 200 నుంచి 300 వాహనాలను వాడాలని చూస్తున్నారు. ప్రస్తుతం రైతుబజార్లలో ఉండే కూరగాయల రైతులనే ఈ వాహనాలపై చుట్టుపక్కల కాలనీలకు వెళ్లి అమ్ముకొనేందుకు అనుమతి ఇవ్వనున్నారు. ఒక్కో కాలనీకి రెండు మూడు రోజులకోసారి ఈ వాహనాలు వెళ్లేలా ప్రణాళికలు రూపొందిస్తున్నారు. ఏ కాలనీకి కూరగాయలు ఎప్పుడు వస్తాయనేది ముందుగానే స్థానికులకు తెలియపరుస్తారు. మరోవైపు, రాష్ట్ర ధరల స్థిరీకరణ కమిటీ సమావేశంలోనూ ఈ అంశంపై చర్చించారు.

మరోవైపు, ఉద్యాన, మార్కెటింగ్‌ శాఖలతో రాష్ట్రంలో అందుబాటులో ఉన్న కూరగాయల లభ్యతపైనా ఓ ప్రత్యేక కమిటీ సమీక్ష జరిపింది. రాష్ట్రంలో ఏటా 30 లక్షల టన్నుల కూరగాయలు పండుతున్నాయి. కానీ రాష్ట్రానికి అవసరమైనవి 27 లక్షల టన్నులేనని ఉద్యానశాఖ అంచనావేసింది. కొన్ని సీజన్లలో యూపీ నుంచి ఆలుగడ్డలు, కర్ణాటక నుంచి క్యాబేజీ, క్యాలీఫ్లవర్‌, ఏపీ నుంచి టొమాటాలు, మహారాష్ట్ర నుంచి ఉల్లిపాయలు రోజూ తెలంగాణకు వస్తుంటాయి. అవసరమైతే వీటిని మరిన్ని తెప్పించాలని మార్కెటింగ్‌ శాఖ నిర్ణయించింది.




Please Read Disclaimer


30రూ|| మాస్క్ కేవలం 2రూ|| కే తయారు చేసుకోండి Make your own mask for Just Rs.2/-