కరోనాకు మందు పారాసిటమాల్.. జగన్‌, కేసీఆర్‌పై పేలుతున్న జోకులు

0

కరోనా వైరస్‌కు వైద్యంపై తెలుగు రాష్ట్రాల ముఖ్యమంత్రులు చేసిన వ్యాఖ్యలు ప్రస్తుతం ట్రెండింగ్ అవుతున్నాయి. కరోనా వైరస్ నియంత్రణ కోసం ఇరు రాష్ట్రాల ముఖ్యమంత్రులు తీవ్రంగా ప్రయత్నిస్తున్నారు. ఇందులో భాగంగా కరోనాపై ప్రజల్లో నెలకొన్న భయాలు, అపోహలు తొలిగిపోయేందుకు ముఖ్యమంత్రులు చేసిన ఓ వ్యాఖ్య ఇప్పుడు నెట్టింట హల్‌చల్ చేస్తోంది. అదే.. కరోనాకు మందు పారాసిటమాల్ టాబ్లెట్!

ఇటీవల తెలంగాణ అసెంబ్లీ సమావేశాల్లో కరోనా నివారణపై ప్రతిపక్షాలు సంధించిన ప్రశ్నలకు ఆ రాష్ట్ర ముఖ్యమంత్రి కేసీఆర్ సమాధానం ఇచ్చారు. కరోనా గురించి భయపడాల్సిన అవసరం లేదని, జ్వరం వచ్చినప్పుడు సాధారణంగా వేసుకునే పారాసిటమాల్ టాబ్లెట్ వేసుకుంటే సరిపోతుందని చెప్పారు. 22 డిగ్రీల ఉష్టోగ్రత దాటితే కరోనా వైరస్ బతకలేదని, ఆ వైరస్ తెలంగాణకు రాదని చెప్పారు.


అదే మాటను ఏపీ ముఖ్యమంత్రి వైఎస్ జగన్ కూడా చెప్పడం గమనార్హం. ఏపీ స్థానిక సంస్థల వాయిదాపై ఆదివారం మీడియాతో మాట్లాడిన సీఎం జగన్ రాష్ట్రంలో కరోనాపై నెలకొన్న అపోహలు తొలగించేందుకు ప్రయత్నించారు. కరోనాకు పారాసిటమాల్ టాబ్లెట్ సరిపోతుందని సీఎం జగన్ చెప్పారు. దీంతో కరోనాపై ఇద్దరి అభిప్రాయాలు ఒకటే కావడంతో సోషల్ మీడియాలో విపరీతంగా ట్రోల్స్ వస్తున్నాయి. కరోనా వైరస్‌లో సీఎంలిద్దరూ సైంటిస్టులు అయ్యారని నెటిజన్లు సెటైర్లు వేస్తున్నారు. పారాసిటమాల్ అనే హాష్ ట్యాగ్ ట్విట్టర్ ట్రెండింగ్‌లో ఉంది.




Please Read Disclaimer


30రూ|| మాస్క్ కేవలం 2రూ|| కే తయారు చేసుకోండి Make your own mask for Just Rs.2/-