జాగ్రత్త.. ఈ 9 శానిటైజర్ లను వాడొద్దు…FDA, ఎందుకంటే..

0

కరోనా వైరస్ నేపథ్యంలో ముఖానికి మాస్క్ మాత్రమే కాకుండా చేతిలో శానిటైజర్ కూడా పెట్టుకుని తిరగాల్సిన పరిస్థితి నెలకొంది. ఈ నేపథ్యంలో వస్తువులను తాకిన వెంటనే చేతులను శానిటైజర్‌తో శుభ్రం చేసుకుంటున్నాం. అయితే, కొన్ని సంస్థలు తయారు చేస్తున్న శానిటైజర్లు ఆరోగ్యానికి చాలా హానికరమని అమెరికాకు చెందిన ఫుడ్ అండ్ డ్రగ్స్ అడ్మినిస్ట్రేషన్ (ఎఫ్‌డీఏ) ప్రకటించింది. వాటిని వెంటనే మార్కెట్ నుంచి వెనక్కి తీసుకోవాలని ఆదేశాలు జారీ చేసింది.

ఇటీవల ఎఫ్‌డీఏ నిర్వహించిన పరీక్షల్లో కొన్ని శానిటైజర్లు విషపూరితమైనవిగా గుర్తించింది. వీటిని చేతికి రాసుకోని ఏమైనా ఆహారం తీసుకుంటే ఆరోగ్యం చెడిపోతుందని హెచ్చరించింది. ఎఫ్‌డీఏ గుర్తించిన శానిటైజర్లలో ‘ఎస్క్‌బయోకెమ్ (Eskbiochem SA) సంస్థకు చెందినవే ఎక్కువగా ఉండటం గమనార్హం.

ఎఫ్‌డీఏ నిషేదించిన ఈ శానిటైజర్లలో ప్రమాదకర మిథనాల్ ఉంది. మిథనాల్ కలిగిన శానిటైజర్లను ఉయోగిస్తే ఆరోగ్యం చెడిపోతుంది. కరోనా కంటే భయానకమైన సమస్యలు ఎదురవుతాయి. శానిటైజర్‌ను చేతికి రాసుకున్నప్పుడు చర్మంలోకి వెళ్తుందని, ఆ చేతులతో ఆహారాన్ని తీసుకుంటే మిథనాల్ కడుపులోకి చేరుతుందని నిపుణులు తెలిపారు. అయితే, ఈ సంస్థ ఉత్పత్తులు మన ఇండియాలో విక్రయిస్తున్నారా లేదా అనేది స్పష్టమైన వివరాలేవీ అందలేదు. కానీ, జాగ్రత్తగా ఉండటం మంచిది.

ఈ శానిటైజర్ల ప్రభావానికి గురైతే జలుపు, వికారం, వాంతులు, తలనొప్పి, చూపు కోల్పోవడం, వణుకు ఏర్పడతాయని, కోమాలోకి వెళ్లే ప్రమాదం కూడా ఉందని సూచించారు. మిథనాల్ కలిసిన శానిటైజర్లను ఉపయోగిస్తున్నట్లయితే వెంటనే అప్రమత్తం కావాలని, సురక్షితమైన శానిటైజర్లను మాత్రమే వాడాలని తెలిపారు. మన దేశంలో కూడా నకిలీ శానిటైజర్లు మార్కెట్లోకి వస్తున్నాయి. వీలైనంతవరకు మంచి సంస్థకు చెందిన హ్యాండ్ శానిటైజర్లను వాడటమే ఉత్తమం.

ఈ శానిటైజర్లను వాడొద్దు:
✺ ఆల్ క్లీన్ హ్యాండ్ శానిటైజర్‌ – All-Clean Hand Sanitizer (NDC: 74589-002-01)
✺ ఎస్క్ బయోకెమ్ హ్యాండ్ శానిటైజర్ – Esk Biochem Hand Sanitizer (NDC: 74589-007-01)
✺ క్లీన్ కేర్ నోజెర్మ్ హ్యాండ్ శానిటైజర్ – CleanCare NoGerm Advanced Hand Sanitizer 75% Alcohol (NDC: 74589-008-04)
✺ లావర్ 70 జెల్ హ్యాండ్ శానిటైజర్ – Lavar 70 Gel Hand Sanitizer (NDC: 74589-006-01)
✺ ది గుడ్ జెల్ యాంటీ బ్యాక్టీరియల్ జెల్ హ్యాండ్ శానిటైజర్ – The Good Gel Antibacterial Gel Hand Sanitizer (NDC: 74589-010-10)
✺ క్లీన్ కేర్ నోజెర్మ్ అడ్వాన్స్‌డ్ హ్యాండ్ శానిటైజర్ 80% ఆల్కహాల్‌ – CleanCare NoGerm Advanced Hand Sanitizer 80% Alcohol (NDC: 74589-005-03)
✺ క్లీన్ కేర్ నోజెర్మ్ అడ్వాన్స్‌డ్ హ్యాండ్ శానిటైజర్ 75% ఆల్కహాల్‌- CleanCare NoGerm Advanced Hand Sanitizer 75% Alcohol (NDC: 74589-009-01)
✺ క్లీన్ కేర్ నోజెర్మ్ అడ్వాన్స్‌డ్ హ్యాండ్ శానిటైజర్ 80% ఆల్కహాల్‌ – CleanCare NoGerm Advanced Hand Sanitizer 80% Alcohol (NDC: 74589-003-01)
✺ శాండిడెర్మ్ అడ్వాన్స్‌డ్ హ్యాండ్ శానిటైజర్ – Saniderm Advanced Hand Sanitizer (NDC: 74589-001-01)




Please Read Disclaimer