కొత్త ‘ఎం-ఆధార్’ యాప్‌ వచ్చేసింది.. దీంతో ఎన్నో లాభాలు!

0

ఆధార్ కార్డు ఉందా? అయితే మీకు శుభవార్త. యూఐడీఏఐ తాజాగా కొత్త ఎంఆధార్ యాప్‌ను మార్కెట్‌లో లాంచ్ చేసింది. ఆండ్రాయిడ్, ఐఓఎస్ స్మార్ట్‌ఫోన్ యూజర్లకు ఈ యాప్ అందుబాటులో ఉంది. గూగుల్ ప్లేస్టోర్ లేదా యాపిల్ యాప్ స్టోర్ నుంచి ఈ యాప్‌ను ఉచితంగానే డౌన్‌లోడ్ చేసుకోవచ్చు.

పాత యాప్‌ను డిలేట్ చేయండి

ఇదివరకు ఎంఆధార్ యాప్‌ను కలిగి ఉంటే.. వాటికి అన్‌ఇన్‌స్టాల్ చేసుకోవాలని యూఐడీఏఐ ఆధార్ వినియోగదారులకు సూచిస్తోంది. కొత్తగా యాప్‌ను డౌన్‌లోడ్ చేసుకోవాలని పేర్కొంది. యూఐడీఏఐ కొత్త యాప్‌లో పలు రకాల సర్వీసులను అందుబాటులోకి తీసుకువచ్చింది.
ముందుగా రిజిస్టర్ చేసుకోండి

యాప్‌ను ఉపయోగించాలని భావిస్తే ముందుగా డౌన్‌లోడ్ చేసుకోవాలి. తర్వాత మొబైల్ నెంబర్‌ను వెరిఫై చేసుకోవలసి ఉంటుంది. తర్వాత ఆధార్ కార్డును రిజిస్టర్ చేసుకోవాలి. తర్వాత వెరిఫై చేసుకోవాలి. దీని కోసం యాప్‌లో రిజిస్టర్ యువర్ ఆధార్‌పై క్లిక్ చేయాలి. ఇప్పుడు కొత్త పేజ్ ఓపెన్ అవుతుంది. ఆధార్ నెంబర్ ఎంటర్ చేయాలి. ఓటీపీ వస్తుంది. ఎంటర్ చేయాలి. దీంతో మీ ఆధార్ నెంబర్‌ యాప్‌తో లింక్ అవుతుంది. దీంతో ఫోన్‌లోకి మీ ఆధార్ కార్డు వచ్చేస్తుంది.
కొత్త ఆధార్ పొందొచ్చు

ఎంఆధార్ యాప్‌తో ఆధార్ వినియోగదారులు ఎన్నో రకాల ప్రయోజనాలు పొందొచ్చు. ఆధార్ కార్డును డౌన్‌లోడ్ చేసుకోవచ్చు. ఆధార్ కార్డు కనిపించకుండాపోతే, లేదంటే పాడైపోయింటే రిప్రింట్ కోసం రిక్వెస్ట్ ఇవ్వొచ్చు. దీని కోసం రూ.50 చెల్లించాల్సి ఉంటుంది.


అడ్రస్ మార్చుకోవచ్చు

ఇంకా ఆన్‌లైన్‌లోనే అడ్రస్‌ను అప్‌డేట్ చేసుకోవచ్చు. పేపర్‌లెస్ ఆఫ్‌లైన్ ఇకేవైసీ పూర్తి చేయొచ్చు. క్యూఆర్ కోడ్ స్కానర్ కూడా ఉంది. వర్చువల్ ఐడీని నేరుగా క్రియేట్ చేసుకోవచ్చు. క్యూఆర్ కోడ్ కూడా జనరేట్ చేసుకోవచ్చు. ఆధార్ వెరిఫై చేసుకోవచ్చు. ఈమెయిల్ ఐడీ, మొబైల్ నెంబర్‌ను కూడా వెరిఫై చేసుకోవచ్చు.

ఆధార్ వివరాలు లాక్/అన్‌లాక్ చేసుకోవచ్చు

అలాగే ఈఐడీ, యూఐడీ తిరిగి పొందొచ్చు. ఆధార్ అప్‌డేట్ హిస్టరీ చూసుకోవచ్చు. అడ్రస్ వాలిడేషన్ లెటర్‌‌ కోసం రిక్వెస్ట్ పెట్టొచ్చు. ఆధార్ వివరాలను లాక్ చేసుకోవచ్చు. అలాగే ఆన్‌లాక్ కూడా చేసుకోవచ్చు. ఆధార్ బయోమెట్రిక్స్‌ కూడా ఇదే వర్తిస్తుంది. ఎన్‌రోల్‌మెంట్ సెంటర్ ఎక్కడుంతో తెలుసుకోవచ్చు. ఆధార్ అప్‌డేట్ స్టేటస్‌ కూడా చూడొచ్చు.

ఎక్కడెక్కడ ఆధార్ వాడారో తెలుసుకోవచ్చు

ఒకవేళ మీ ఆధార్ వివరాలను ఎవరో చట్టవిరుద్ధంగా మీ అనుమతి లేకుండా ఉపయోగించారని భావిస్తే.. అప్పుడు యాప్‌లోని అథంటికేషన్ హిస్టరీకి వెళ్లి మీ ఆధార్ వివరాలు ఎక్కడ ఉపయోగించారో తెలుసుకోవచ్చు. యాప్ నుంచే మీ ఆధార్ వివరాలను డైరెక్ట్‌గా ఇతరుకు పంపొచ్చు.
వర్చువల్ ఐడీ తప్పనిసరి

ఆధార్ లాక్ ఓపెన్ చేయాలంటే వర్చువల్ ఐడీ అవసరం. అందువల్ల దీన్ని గుర్తు పెట్టుకోవాలి. ఒకవేళ ఈ ఐడీని మరిచిపోతే 1947కు మెసేజ్ పంపడం వల్ల తిరిగి పొందొచ్చు. ఆర్‌వీఐడీ అని టైపు చేసి ఆధార్ నెంబర్‌లోని చివరి 4 అంకెలను ఎంటర్ చేయాలి. తర్వాత దీన్ని 1947కు ఎస్ఎంఎస్ పంపాలి. ఇప్పుడు మీ వర్చువల్ ఐడీ మీకు వస్తుంది.




Please Read Disclaimer